الكصيب في الليل

القطره العشرون

زهراء مصطفى
الكصيب في الليل
مَن وَعيت وانه ضايعَ
مَاكو عِنوان اعتِنيله
ولاكو واحد دَكلي صَدره
وكلي ذب حَملك واشيله
بَيه حزن الناس كِلهه
وعَيني بالدَمعِه بخيله
وهَمي ما سَولفته لأحد
خاف يحسبني اشتكيله!

لا تنسون التصويتات لارساتي

زهراء...

دخلنا سويه وسمعنا صياح جوري هز البيت كلنا صرنا نركض بفزع صعدنا فوك فتحنه الباب شفنه رسلان واكع بالكاع بحضن جوري وجوري تحاول تكعد بيه بخوف وتصيح وتبجي
جوري:شهممم اخذهههه أحسه ما دا يتنفس
كلهم صاحوا بخوف ولزموا كلبهم ركض شهم صار يتفحصه وشاله بسرعه يركض بيه بئلمه واحنه وراه ويركض مثل المخبل وجوري تضرب روحه وتصيح والبنات يلزمنه صعدنا بالسياره وجوري صعدت يم رسلان وتحاول تكعد بيه خايفه وتبجي حسيت بحزن اتجاه وعطف حسيته ابني وخفت وياه كعدت يمه والكل أنصدم كال شهم
شهم:تعال صعدي يمي
زهراء:لا اريد يم جوري
صعد مخبوص واني يم جوري اهديه طول الطريق أصيح وتبجي ورسلان على رجله واني الزمه كلما تضرب روحه وكالت كلمه خلتني مصدومه وفعلا حيه وما تستاهل الحنيه
جوري:يمه ابني ولكم ابنيييي
زهراء:اهدي أن شاء الله ما بيه شي تفائلوا بالخير تجدوه
جوري:طبعن ما عندج طفل وهيج تحجين ما تحسين بيه
شهم:جوريييييي ديربالججج اذبينننن تهممم عليهههه كلناااا خايفيننن عليههه مووو زينننن تهدييي بيججج
جوري:اي دافع وابنك راح يموت
زهراء:شهم ها هيه الابنيه مقهوره على ابنه وهيج حجت
شهم:بس مو هيج حجي
زهراء:شهم عادي
صرت اواسيه طول الطريق لحد ما وصلنا نزل شهم وأخذ رسلان يركض بيه وجوري وراه أصيح وتلطم على صدره بوجع وقهر دخلنا للمستشفى يركضون مو بعقلهم واني امشي ارجف دخلوا لغرفه وطلعونا بره كعد شهم وجوري بس واكفه وتلوب على الغرفه تريد تتدخل وتفرك أيده بخوف كعدت يم شهم مسحت على ضهره وطبطبت كلت بهدوء
زهراء:لا تخاف أن شاء الله ما بيه شي
شهم:أن شاء الله سديم وين
زهراء:يم خواتك بالبيت
ام شهم يم جوري
ام شهم:يمه لا تخافين ما بيه غير العافيه عليمن خايفه
جوري:خاله ابني اريد ابني اذا صار بيه شي اموت براه
ام شهم:خاله ما بيه شي لا تخافين هوه شماكل
جوري:بس تمن وروبه
ام شهم:خاله هذه مسمم
جوري:يمههه ابنيييي
صارت تنهار أكثر كعدت على الكرسي لزمه رأسه وتبجي وتدعي ما بيه شي واحنه منتضرين على احر من الجمر شفت مراه جبيره تقرأه قران ابتسمت احب هيج رحت يمه بلطافه وابتسامه كلت
زهراء:خاله عادي اكعد يمج واقراه
حجيه:تعالي يمه
كعدت بصفه وصارت تتلوا بالقران بصوت عالي اسمعه براحه واقراء وياه كلت
زهراء:خاله ليش انتي هنا
حجيه:صدق الله العلي العظيم بنتي اني ابني اتمرض وحالته صارت اسوء أكثر وأكثر ومن البارحه هنا هوه بعده جوه وحالته بين الحياة والموت أن شاء ما بيه غير العافيه ويشافيه ويعافيه هوه عزيزي وابني الغالي ما عندي غيره
كلت براءة وحزن على حالته
زهراء:شنو اسمه علمود ادعيله ويشافه
حجيه:جاسر
شهكت بسرعه بصدمه عيني اتوسعن وكلت بصدمه كوه تتطلع الكلمه
زهراء:خاله اسمه جاسرر
حجيه:اي يمه شبيج اسم الله
زهراء:خاله انتي اسمج حفيصه مو
حجيه:اي يمه
زهراء:اني زهراء نسيتيني
حجيه:كبرانه يمه صرتي احلا
زهراء:فدوه كولي غير هذه الكلام شلونه فدوه جاسر شيكولون الدكاتره
حجيه:يمه بين الحياة والموت
كالت هذه الحجي وهيه عينه مدمعه تريد تبجي
زهراء:وين غرفته
حجيه:تعالي يمه اني اوديج
كامت وصرت وراه امشي وداتني للغرفه وباوعت من الشباك شفته جاسر مغذيات وابر بكل جسمه وبلحضه مرت ايام الطفوله وياه وكلامنا وحنيته وخباله الحلو ولطيف وضحكته الترد الروح وكلامه الحلو من ابجي يواسيني حالته تبجي الصخر جان يكلي
'زهره الروح والعمر انتي الورده الي اشوفج بين ورود البساتين كله'
كلمته بالي تتردد ورجعت للواقع بعد ما سمعت صوت بجي درت لكيته أمه تبجي وتباوعله بقهر وحسره حضنته وبجينه سوه ابتعدنه
زهراء:خاله رقمي بموبايل جاسر كلشي تردين كللي اني مثل بتج
حجيه:يمه اريدج تدعيله بالشفاء
زهراء:من عيني والله وادعيلج بالصبر ما انساكم وما انساج أمتي مثل امي بطفولتي والي هسه
حجيه:حبيبتي يمه
لزمته وكعدت صرت احجي وياه
حجيه:يمه جان جاسر يذكرج دائما ويحجي بيج وبطفولتكم سويه وكل شقاكم ومواقف صارت وياكم دائما بطاريج ويتصل عليج بس جنتي ما تردين بالايام والأشهر هوه خاف عليج عباله صار شي بيج صار يدور عليج وكالي لكيته ورجع فرحان ويضحك للبيت وحجالي كلشي وشلون صرتي وين وصلتي وكالي ازوجتي صدك
زهراء:اي ازوجت
حجيه:وين رجلج
أشرت عليه واكف يم الباب كلت
زهراء:هذه زوجي شهم
حجيه:الله يحفظه الج ويبعد عنكم عيون الحساد وياهو حاقد يمه
زهراء:أن شاء الله
حجيه:ليش جاين هنا اكو واحد بيه شي لا سامح الله
زهراء:ابن زوجي ما ادري شبيه واكع وجابوه
حجيه:يمه انتي مزوجه واحد مزوج
زهراء:سالفه طويله
حجيه:خوما حيه
زهراء:ههههه الصراحه بينه اي بس صاكرته اني
حجيه:من يوم يومج قويه
زهراء:حبيبتي خالتوا
اجاتني ام شهم كالت
ام شهم:يله زهوره كومي علمود ندخل سوه
زهراء:زين خاله انتي تدخلين لو تبقين
ام شهم:لا يمه ما بيه حيل ابقى بره تعبانه أنه والحمد لله ما بيه شي بس تسمم وهل هيه
زهراء:خاله اعرفج على خالتي ام جاسر
ام جاسر:هلا
ام شهم:هلا بيج
زهراء:زين كعدوا سويه وسولفوا بين ما نرجع
ام شهم:زين
نهضت وكعدت يمه رحت على شهم ودخلنا لرسلان وجوري ركضت بفرح ولزمت أيده كالت
جوري:يمه بيك شي تحس بشي
رسلان:لا يمه
جوري:يمه ابني خفت عليك همزين ما بيك شي اخخ كلبي خوفتني عليك
رسلان:ماما ما بيه شي
باست رأسه ومسحت عليه بابتسامه على وجه باريحيه كال شهم
شهم:عفيه عليك صير قوي مثل ابوك
رسلان:اني بتل
شهم:رجال أنته عفيه بالقوي
جوري:اي بطل ابو النسوان
شهم:لزمي لسانج لا اكصه
جوري:كل كلمه وهددتني شسويلتك
دار وجه علمود يجنب المشاكل والنقاشات الطويله لأن يدري بيه ما تسكت بعد
جوري:شو سكتت
ام شهم:كافي يمه
رجعت باوعت على رسلان مرت ساعه وسجلنا علمود نطلع ورحت على ام شهم
زهراء:يله خاله راح نطلع
ام شهم:زين باعي ديربالج واقري قران والله موجود ما بيه غير العافيه
كامت
ام جاسر:أن شاء الله
مشينه وطلعنا صعدنا بالسياره ويانه رسلان وجوري شبعته بوس وحضن لحد ما وصلنا وستقبلونه البنات وسديم ركضت حضنت رسلان
سديم:رسلان اين جنت ها
رسلان:نايم واعدت لكيت بابه وماما
جوري:يله رسلان امشي الغرفه علمود تترتاح مو زين العب هواي بعد
سديم:اريد العب اء رسلان
جوري:مو زين رسلان مو زين هسه تعالي انتي هم انومج وباجر نلعب اوكي
سديم:اوكي
جوري:شهم شنو ما تجي تنام يمنه
شهم:جاي
راحت وهيه فرحانه دار عليه شهم كال بتوتر جنه خايف من ردت فعلي
شهم:اني رايح أنام يم جوري
حجيت برود
زهراء:روح محد لازمك
شهم:يعني ما ازعلين
زهراء:لا روح يم ابنك شوف شبيه ما بيه
شهم:تمام تردين شي
زهراء:لا وراح اكعد يم خواتك
شهم:ماشي
راح واني بارده والكل مستغرب من تصرفي عبالهم ما راح اقبل بس اني ما عندي مانع خل يروح يمه ما يهمني رحت على غرفه خواته وصرت ابجي بهستيريه ما اتحمل المصايب التجيني تعب وقهر وإرهاق أجن ذهب وترف تعجبن واجني بسرعه
ذهب:شكو شبيج
ترف:يمكن لان شهم راح يم جوري
ذهب:عادي هسه اكله ويجيج ادري بيه ما يقبل يبجيج
زهراء:لا اوكفي مو علموده
ترف:لعد
زهراء:تعبت من المصايب التجيني ما دا اتحمل
ذهب:خوفتينا عبالي بيج شي كومي صلي وطلعي كلشي بخاطرج وحجي وين ربج راح وترتاحين
كمت غسلت وجهي وصليت وصرت احجي وي ربي وافرغ كلشي بكلبي وفعلا حسيت براحه وإيمان راحه عضيمه دعيت لجاسر وأمه ودعيت لنفسي أصبر من المصاعب كمت واني مبتسمه وابتسامه من اذني الاذني الثانيه من الراحه والفرحه بيه شلت المصلايه ذهب كالت
ذهب:ها ارتاحيتي
زهراء:كلش
ذهب:الحمد لله
نزعت ثوب الصلاة وحسيت بفراغ شنو اسوي ضايجه قررت اطلع الحوش الجو حلو والحديقه ريحته حلوه واني امشي جانت غرفه شهم قريبه من غرفت البنات سمعت صوت ضحكات شهم وجوري سويه وجوري تتدلع وشهم يضحك وياه ويسولف حسيت بشعور الخذلان الحب متعب استحقرت شهم كلما يصحح غلطه يجي يغلط اكبر طلعت بسرعه للحوش كعدت على المرجوحه اهز بيه وابجي واحجي وي ربي أكثر نهاريت اطكطك أصابعي رافعه راسي للسمه وابجي شافني محمد اجاني بلهفه كال
محمد:ها شبيج ليش تبجين
زهراء:تعبت
محمد:من شنو شصاير
كعد يمي وحجيت عن السمعته بغرفه شهم وسوالفه الغلط
زهراء:يحاول يصحح ويرجع الغلط تحملت هواي
صار يحجي بأسلوبه المضحك ويواسيني شوي تحسنت ومسحت دومي وابتسمت بحزن صار يحجيلي على جوري واغلاطه واني وياه نحجي عليه هوه يضحكني لحد ما سمعنه صوت اذان الفجر
محمد: استغفر الله أحنه ما نحجي على الناس
زهراء:هههههههه وجوري
محمد:ها هم تنحسب على البشر كومي لا تحجيني كوه خل نصلي
لزمت بطني من الضحك كلت
زهراء:هههههههههه زين
رحنه توضينه وصلينا سويه وخلصنا الصلاة شلنا المصلايه كعدنا بالاستقبال نعست من سوالف محمد يحجي هواي ويسولف تثاوبت وكلت
زهراء:اني نعست راح اروح انام
محمد:خل بس اكلج هاي السالفه
زهراء:تعبت اريد انام
محمد:خل احجيلج على هذه شسوه البارحه
زهراء:كافي اريد انام كافي سوالف
محمد:شبيج خل افضفضلج خليني
زهراء:أنته لو أشد شوي تحجيلي قصه حياتك يله باي راح اروح نام
محمد:كون نومت أهل الكهف هوه حجيت شوي
زهراء:أها هاي شنو غير سوالفك جريده شكبره عمي أنته العباره أسويه كتاب يله تصبح على خير
محمد:شصبح هيه غير صارت الصبح اله شوي
زهراء:ههههه زين تمسر على خير
محمد:وانتي من أحلامه
زهراء:هههههههه اوكي
طلعت وصعدت فوك فتت من الغرفه وما سمعت صوت هدوء تام دخلت الغرفه بخفه وسديت الباب وتمددت على جربايه ورحت لعالم الاحلام فزيت على هز على جتفي فتحت عيني لكيته ذهب كالت
ذهب:كومي زهور علمود تتريكين
زهراء:نعسانه عوفيني
ذهب:كومييي
حضنت البطانيه وغطيت وجهي
زهراء:ما اريد اكل اريد انام
ذهب:غصبن عليج يله زهيرووو يله كومي
زهراء:اوفففف كايمه
ذهب:بسرعه
راحت واني فتحت عيني وصفنت على السكف وكمت متكسره وامشي اعوج شوي واوكع دايخه وعيني ستوه مفتحه غسلت وكملت طلعت من الغرفه وبوجهي طلع شهم وجوري وراه بروب النوم استوهم طلعوا من الغرفه صارت تتميع يم شهم واجت يمه كالت
جوري:حبيبي تعال بعدنه ما شابعين نوم اني اجيب الريوك بالغرفه
كلت بكلبي سم انتي وياه على أساس ميته عليه ابو عيون الدكم
شهم:جوري دخلي
وجه مخطوف متوتر خايفه كلت بهدوء
زهراء:صباح الخير
ورحت بسرعه نزلت جوه وبكيت البنات بالمطبخ يحضرن الريوك ومحمد كاعد بالمطبخ يصيح جوعان
محمد:هيه شني متت جوع ديله شوكت تخلصون
ترف:شبيككك ابو بطننن هسه نخلص
محمد:ديله مو متت جوع
ام شهم:دولي هناك شبيك باقي هنا
محمد:يمه جوعان
إم شهم:هسه نخلص روح أنته وكلشي متحضر
زهراء:صباح الخيررر
محمد:يبووو اجت لا هله
زهراء:بيك يالاجرب المسربت
ذهب:هلا حياتي صباح الورد والياسمين
ترف:صباح الفل كمري
محمد:المن هذه الغزل اني عندي غزل فول
ذهب:يله بله بدعلنه
محمد:يا جيس ززز..
راد يكمل كلت بسرعه
زهراء:شنوو ولككك
محمد:شبيج زهور والزنبق
زهراء:أها عبالي اي كمل
محمد:يا ققق ...
راد يحجي كلت بسرعه
زهراء:اي كمل
محمد:شبيج يا قمر تخبلين
ام شهم:دكوم يله كوممم
محمد:شبيج يمه مو زين هسه اتغزل انتم مال غزل صوجي والله
ام شهم:زين يله ولي
راح محمد صرت اعدل وياهم واساعدهم شهم اجه
شهم:صباح الخير
كلهم:صباح الورد
شهم:اويلي تشريب بأكله
ام شهم:أنته مثل جود بس اكل ولكم كافي
شهم:لا تخافين يمه ما يصيرلنه شي ام الزهور اريد من ايدج توكليني احس بطعمه أكثر
تجاهلت كلامه هوه عكدوا حاجبهم بس شهم عارف ليش اجه يمي حضني كال
شهم:شبيج كمري وروح كلبي
زهراء:وخر منا امك وخواتك
شهم:شنو غريبه غير مرتي وحلالي من حقي اقرب منج
زهراء:لا تتقرب وخر
شهم:ليش
زهراء:اني هيج اريد لا تتقرب
شهم:غير اعرف ليش
زهراء:ماكو شي بس تعبانه وما اريد احد
تغير لصوته لهفه وحنيه
شهم:شبيح بويه
زهراء:ما بيه شي كافي وخر
ابتعد باع ريكه ويباع بحسره
ام شهم:شنو مزاعلين زهراء شهم زعلج
زهراء:لا خاله بس تعبانه شوي واحس بدوخه مالي خلك
ام شهم:أها خاله اكلي واخلي مرتضى يجيبلج حبايه
زهراء:شكرا
ام شهم:عادي بنتي
راح شهم كملت وخلينا بالصينيه وشالت ذهب الصينيه وراحت خلته بالكاع كعدنا حاولت ما اكعد يم شهم بس كعدت هوه اجه يمي كعد ذبيت نفس بانزعاج وضوجه درت وجهي لجه الثانيه واجت جوري تريد تكعد يم شهم بس ماكو مكان اطرت تكعد يم ترف وكعدو رسلان وسديم يم جوري توكل بيهم وتوكل روحه كعدنا كلنا وصرنا ناكل وكل واحد يسولف سالفه صارت شهم همس بأذني
شهم:ليش ما توكليني مثل كل مره
زهراء:شنو ما عندك ايد
شهم:من ايدج احلا
زهراء:لا اكل بوحدك لو تخلي جوري توكلك
شهم:شبيج زهراء
زهراء:ما بيه شي
كمت كلت
زهراء:الحمد لله
ابو شهم:تعالي بويه بعدج كلشي ما مأكله
زهراء:لا عمو مسدوده معدتي وما جوعانه
ام شهم:لازم تأكلين علمود تشربين الحبايه مو زين
زهراء:لا خاله شوي تحسنت ما اريد
شهم:زهوره تعالي شماكله انتي
زهراء:لا مشكور
اطيته ضهر وطلعت وصعدت للغرفه اخذت موبايلي وخابرت ريمان علمود تحسن شوي من نفسيتي واضيع وياه وقت خابرته صرت اضحك وياه وأسولف كالت
ريمان:شنو رايج انسوي جمعه اني وياج
زهراء:اي والله فكره تخبل نتونس
ريمان:تعالي اليوم ساعه بـ10 ونبدي الكعده
زهراء:تمام باي كلبي
ريمان:باي عمري
سديت الخط وصرت افكر بالكعده فرحت اللههه اشتاقيت بس اذكرت لازم اكول لشهم شلون اركله يله على الله عادي عادي هديت روحي شوي وطلعت صرت ادور عليه لكيته بغرفته يشرب جكاير ويباع بالموبايل كلت
زهراء:شهم
شهم:تعالي
رحت يمه عدل كعدته وكعدت يمه كلت
زهراء:اليوم اريد اروح لصديقتي ريمان
شهم: زهراء
زهراء:ها
شهم:شبيج اليوم
زهراء:تعرف ما يحتاج أكلك
شهم:لأن نمت يم جوري
زهراء:لا
شهم:عجل لويش ماده البوز وتتجاهليني
زهراء:ما اريد اكول المهم راح اليوم اروح لريمان
شهم:زين بشرط
زهراء:يووو بس تشرط
شهم:دسمعي
زهراء:اوكي كول
شهم:كعدي على رجلي مشتاقلج
زهراء:لا واروح وانته معليك زين
شهم:اشوف شلون ترحين
زهراء:امداك بس بشرط رايحه اني
كمت لزم ايدي وكعدني على رجليه كلت
زهراء:شبيككك
يسحب من الدخان وينفخه بوجهي اختنكت من الريحه
زهراء:لك شبيك مو اختنكت وخره
شهم:شسوي من غيره منو تهديني من نارج
زهراء:اكولك
شهم:كولي روح كلبي
زهراء:خل اجربه
شهم:شنو
زهراء:الجكاير
شهم:لا بويه مو زين عليج تختنكين
زهراء:فدوه بس اجربه شوي
شهم:زين بس مو تلزكين وبسرعه تزفريه
حجيت بحماس وصفكت
زهراء:اوكي
شهم:على كيفج بسرعه تتحمسين
زهراء:يله
قربه من شفتي وأخذت نفس وبسرعه زفرته وطلع دخان فرحت وضحكت كلت بحماس
زهراء:اللههه يخبللل خل اجرب مره ثانيه فدوه
شهم:كافي ولج مو زين
زهراء:هيه شوي والله ابجي هسه ترى
شهم:بت الاوادم تهدديني بدموعج
زهراء:يله اشهمي
شهم:يروحلج فدوه شهم وأهله وعشيرته
ابتسمت وقرب مره ثانيه وأخذت نفس وزفرته بهدوء متقطع واني اضحك بحماس واصفك
زهراء:تخبل بس مو زينه شلون تشربه شوي تخنك
شهم:متعود
زهراء:ولك ما عدنه رجال يشرب جكاير عوفه اني اشربه بدالك احم قصدي ذبه مو زين
شهم:ههه املص شفتج واعوف الجكاير
فتحت عيني وصرت اباوعله من فوك الجوه واحرك بشفتي يعني ما عاجبني درت وجهي كلت
زهراء:الخايس يستغلني
شهم:اي لازم
زهراء:هسه المهم اني راح اروح
شهم:اجي وياج
زهراء:اوكي بس اتاخر
شهم:عادي باقي وي اخوه
زهراء:اوكي
حسيت بشي يتحسس ركبتي باوعت بسرعه شفت شهم مخلي وجه بركبتي ويشتم بيه وحضن خصري بسرعه فزيت وكمزت من مكاني
شهم:شبيج تعالي
زهراء:وسم حتى سم بمصارينك كون
شهم:ولي من كبالي لا اكوملج
زهراء:يمه خفت
حركت ايدي عود اقلد اني ارجف
كام واني ركضت للباب وفتحته بسرعه طلعت اخذت نفس ومشيت عادي ما ابين شي مرت الساعات بسرعه وصارت ساعه بـ9 رحت لهم ركض شفته بالحوش يخابر بعد الموبايل من أذنه كال
شهم:الله بويه شبيج
زهراء:رايحه ابدل علمود نروح
شهم:تمام اني بالسياره انتضرج
زهراء:اوكي
رحت اركض بحماس بدلت وتحضرت وسبحت بالعطر وخليت مكياج اطيت بوسه لروحي وأخذت أغراضي وطلعت ردت اصعد كال
شهم:زهراء غيري الحمره
زهراء:شبيه خفيفه ترى يله لا تاخرني
شهم:شجاي اكول اني
زهراء:أوففف ما اريد حلوه
شهم:وحك الله املص شفتج
زهراء:انجب اشرفلك
شهم:ديله غيريه
زهراء:ما اغيره وترى بنات مو ولد
شهم:شجاي احجي اني
زهراء:ما اغيره لا تموت
شهم:ترديني العب خلقه بشفتج مو
زهراء:أكلك توديني لو لا
شهم:امشي غيريه أو ماكو طلعه
زهراء:أها هيج
شهم:اي بله شسوين
عفته وصرت امشي بوحدي صار يلحكني بالسياره واني اكول ما ارجعله ولا اصعد وياه بحلمه عود هوه وراي واني امشي بسرعه واضحك عليه صرت أصور فيديو بس اضحك واحجي بالفيديو ما ارجع صرت اسولف اجه يمي كال
شهم:اصعدي ولج
زهراء:بحلمك عود زين
شهم:اصعدييي ولج تعالي
زهراء:ما ما اني تريدني اغير حمرتي ليش شايفه حمره هيه طبيعيه
شهم:عمي اني قابل بيه ولج اصعدي وين رايحه وحدج
زهراء:اوكف خل افكر
شهم:يلههه
صرت احجي بالفيديو
زهراء:جاي اتعذب من قبل هذه الشخص المتحرش بس يتحرش باعوله تقبلوا يا ناس يا عالم
شهم:ههههه ولج اصعدييي يلههه
زهراء:بنات اصعد لو لا
فكرت وصعدت وياه كال
شهم:اذا ما لعبت بيج فلك دوكفيلي
زهراء:أها ترديني انزل تمام
شهم:بويهههه ولججج زينن زيننن ابقييي
سد الباب اليمي ومشه بسرعه صار يحجي واني احجي شوي لو اطول بالسالفه صرنا نحجي بس اذكرت زعلانه منه كلت
زهراء:كافي تحجي وياي
شهم:شكو
زهراء:مزاعلتك
شهم:ليش
زهراء:اممم تعرف يله لا تحاجيني
شهم:بت فارس بس تزعل شبيج
زهراء:غير أنته تزعلني
شهم:اني اسف
مديت كباله كلت
زهراء:بوس ايدي
سحب ايدي كال
شهم:انجبي وخري يله
زهراء:والله مزاعلتك
ضحك بخفه وباس ايدي مرتين وحضنه
شهم:هسه رضيتي
زهراء:يعني
شهم:ولج شني بعد
زهراء:ههههه اشاقه روضيت
شهم:شنو
زهراء:روضيت
شهم:هاي شني مال مثقفين
زهراء:اوي بيبي
شهم:خرب عشيرتج
زهراء:شدخل عشيرتي بالموضوع
شهم:شعلتي روح روحي بالاوي مالج
زهراء:عاتي كلاس سير
شهم:اخخخ بويه
زهراء:راح يموت الرجال يمه الله يرحمك جنت خوش انسان
شهم:ايا طايحت الحض موتيني
زهراء:ههههه اشاقه
وصلنا للبيت ريمان رحت قبل شهم دكيت الباب واجه شهم يمي انفتح الباب وطلعت ريمان
ريمان:هاي
زهراء:هاييي
حضنته وسلمنه على بعض
ريمان:اهلا خويه
شهم: شكرا
ريمان:تعالوا ادخلوا