الكصيب في الليل

القطره الثامنه عشر

زهراء مصطفى
الكصيب في الليل

لاتنسون التصويتات لارساتي

زهراء...

ريتاج:سمعت ريان كال الامي يمه ابوي ما كال نفسخ الخطوبه بس أني كلت هيج علمود يبتعدون عن بعض ما نريدهم سوه راح تصير مشاكل هواي واحنه عنده صار يمهم
وكعت على الجربايه بخوف ورجفه حسيت بطني وجعتني وراسي وكف
زهراء:شنووو ريتاججج تحجيننن صدك
ريتاج:هذه الي سمعته ما اعرف بعد
زهراء:مستحيل همه هيج يسون بيه ذولي اهلي
ريتاج:والله هذه الي سمعته صراحه اني هم مصدومه ومقهوره
زهراء:زين ليش هيج سوو
ريتاج:يمكن بسبب الثأر والعركات وهيج
زهراء:هسه شسوي عقلي وكفف
ريتاج:اهدي نفكر بحل نرجع كلشي
زهراء:اريد شهم هسه هسه أريده هوه يحله
ريتاج:خابريه
زهراء:تمام بس شكله
ريتاج:خل ياخذج
زهراء:بس اهلي
ريتاج:زهراء شهم يكدر يحله ياخذج هوه يدافعلج وترجعون سويه
زهراء:مين اخابره ولج ما عندي موبايل خايفه ريتاج لا احد يسمعني اهلي حاضريهم كلهم شلون
ريتاج:من موبايلي خابريه هسه افتح الحضر وخابري
زهراء:تمام بسرعه
جابت الموبايل فتحت الحضر وبسرعه خابرت كبل فتح شهم
زهراء:الو شهم
شهم:ها يا روح كلبه الاشهمج كولي
زهراء:اهلي طلعوا جذابين
شهم:شنو جذابين شكو
زهراء:يعني ابوي ما كايل نفسخ خطوبتنه اهلي جذبوا علينه
شهم:هاااا شنو جذبوا
زهراء:والله همه هيج كالوا شهم ما اعرف شسوي
شهم:تمام جايج
زهراء:شسوي
شهم:معليج يمي انتي اهدي وها هيه يمي بعد
زهراء:يعني راح تحله
شهم:اني حلاله ها هيه انتي لا تخافين ادفي
زهراء:اوكي
سديت الخط ارجف من البرد راسي يوجعني رحت سبحت وبدلت كعدت كدام الصوبه افرك بيدي اريد ادفه وافكر شراح يصير والمطره سكتت واني افكر واحجي وي ريتاج شنو يصير وليش هيج سوو اندك موبايل ريتاج رحت عليه شفته شهم فتحت الخط
شهم: زهراء نزلي
زهراء:شنزل ولك غير يلكفوني
شهم:نزلي ومعليج
زهراء:ما أنزل اهلي موجودين
شهم:يعني ترديني اجيج اني
زهراء:معليه اني نزله الك ما أنزل
شهم:تمام جايج لعد
زهراء:هااا واهلي
شهم:مو اكلج يمي
زهراء:اوكي نشوف
سديت الخط وحجيت لريتاج على كلام شهم ضليت منتضره سمعت صوت الباب اندك رحت فتحته عبالي واحد من اهلي لكيته شهم تفاجئت وخفت
زهراء:شجابك شلون اجيت
شهم:امشي
زهراء:دحجي
شهم:تختل يالعوبه يله تعالي
زهراء:وين نروح أنته ما تتامن
شهم:لبيتنه
زهراء:هااا شنو بيتكم
شهم:تصيرين يمي بعد منو يكدر ياخذج لكفتلج سوالف على اهلج ما صاير بالمريخ
زهراء:هههههه اوكي
ريتاج:واني الوكع بيه شنو
شهم:انتن بعدين اجي اخذجن خل أخذ زهراء
ريتاج:تمام مو تتأخر
شهم:لا امشي زهراء
لبست حجابي ونزلت خايفه ولازمه أيده سمعت صوت حيدر وراي درت بخوفه ورهبه وشهم واكف بصمود
حيدر:وين
شهم:ماخذ مرتي لبيتنه
حيدر:انتم مو فستختوا شلون صارت مرتك وشلون دخلت للبيت
شهم:شدخلك
زهراء:حيدر اني عرفت بيك جذاب ولك اني اختك واثقه بيك اخر شي تجذب عليه اني هيج اسوي بيه هيج شسويلتك كلي شسويلتك
حيدر: زهراء تعالي
زهراء:لو تموت ما ارجع ويله خل جذبتك تفيدك شهم ما اعوفه
شهم:سمعت باذنك بعد الله وياك
سحبني شهم ريان صاح
حيدر:زهراء اذا طلعتي لا احنه اهلج ولا انتي بتنه
شهم:اني اصيرله أهل وسند ما تستوقف عليكم بيوم راح اخلكيم تجون برجليكم علموده
حيدر:يله بره
شهم:اني بمزاجي شوكت اجي هنا شوكت اطلع مو أنته التتامر على ابو خفه
وطلعنا وحيدؤ واكف بستحقار لكيت اخوانه واكفين صعدنا بسرعه وحركنه وسوالف محمد لازم موجوده مطلع احنه بكل ملعب قاده وعياله ويركص هوه وإخوانه بالسياره صارت سيارتنه بصف سياره مرتضى محمد طلع رأسه من الجامه وصاح
محمد:بينههه لووو صارتتت عركههه ازمططط بينههه
شهم:سرسرييي لااا تندعممم
ادهم:لاااا تخاففف عليههه هذههه اذااا شغللل قاده وعيالههه يصيررر مسودننن منووو يلزمههه
مرتضى: دخللل راسككك ابووو صماخخخ
محمد:بعلييي مااا ادخللل ديلههه
كلهم ضحكوا وصرنا نمشي بسرعه رهيبه واحترافية رجينه الشارع الكل يباع علينه ومحد بالشارع بس احنه وافترينا وصلنا للبيت مهلكين من الركص والضحك نزلنا بس محمد ومرتضى وادهم فاتحين باب السياره ومشغلين الاغنيه ويركصون ويهوسون والرايح والجاي يباعلهم شهم جان يباع ونضم وياهم يهوس واني واكفه اضحك عليهم محمد صاح
محمد:وعلي اليوم ساجده عبيد ترج الشارع
راح شغل اغنيه ساجده عبيد يلوك المحبس بجفك صار يهز جتف ومؤتضى وياه وادهم وي شهم يضحكون واني متفرجه على اليصير
زهراء:شنو ما تعبون
محمد:تعالي انضمي انتي هم علمود يكمل فريق الرقص
زهراء:ولكم دكافي وانته جويد بعرسك شسوي
محمد:ادكلهم الهلهوله بنفسي
زهراء:هههههههه يله كافي ما تعبتوا
وكفوا ودخلنا للبيت محمد يهلهل ويصيح
محمد:جبناه واجت ويانه جبناه واجت ويانه ككللييشش
طلعن ذهب وترف يركصن ويهلهلن باسني وذبن عليه جكليت رحت على ام شهم وبسته وسلمت على ابو شهم
ذهب:البيت نور عروس
زهراء:ولج وين وديتني للعروس
ترف:ككللييشش اخيرا اجيتي وجبتي وياج الخير يا بعدي
زهراء:عمريي
محمد:دكافي خل تدخل العروس يله برجلج اليمين
ضحكنا ودخلت جوه وكلهم يضحكون ومطلعين اغاني ويصفكون واني خجلانه ومنزله راسي كعدنا صاروا يحاجوني ويشوفون حالي وشصار حجيت كلشي كال ابو شهم
ابو شهم:اسمعي الحل الأنسب علمود تبقين وي شهم طول العمر هوه تزوجيه علمود تصيرين مرته وبعد محد يكدر ياخذج منه
شهم:اي صح
ادهم:هوه أنته تريده من أهل البيت
مرتضى:هوه غير رايده دخل يأخذه وعلى الله السلام
زهراء:ثواني واني
محمد:دزوجيه ديله وخلصينه مو طاح حضنه بيج وبيه واني اكثر واحد واكع بيه
زهراء:وأبوي شلون استوه مات
شهم:لعد شنو سكاتي غير نفرح وابوج مات
اخذت نفس وكلت
زهراء:تمام اني موافقه
محمد:شهم دكهم بهلهوله
شهم:ما اعرف بس عادي كككللييششش
محمد:شني عوجه
شهم:المهم هلهلوله
محمد:هيج يا اغم كككللليييشششش
ذهب:اثنينكم اسكتوا هيج كككلليييشش
ضحكنا سولفنه شوي محمد كام وراح للمطبخ ياكل كال شهم
شهم:دشوف هذه همه بس بطنه مكبره ما ترد ميت
محمد هوه ياكل كال
محمد:خاب ما تنجب على أساس اهتم الك مو يمك زهراء خلي تهتم بيك هيه اني منو الي
شهم:دشوف دكله اليتيمه
مرتضى:دزوجوه وخلوصنه
محمد:رحمه الله والديك على هاي الحجايه والله بس أنته تحس بيه
مرتضى:على بختك لعد شلون
ادهم:اخيرا ردن الحباب رجعت حليمه لعادته القديمه
محمد:هسه أنته شجابك بالنص لازكلي كبور يالخايس
ادهم:كمل أكلك وتعالي رايدك بشغله
محمد:هذه منو استوه يحجي عليه الحايط
ادهم:شغله مهمه تكلفك حياتك
كلهم ضحكوا
محمد:دكول شرايد
شهم:يريد يرجك
محمد:خاب ما ينجب شنو يبيع علينه خاوات ابو المجرمين
ادهم:هذه شلون يريد افرغ السلاح برأسه واخلص منه
محمد:اي تعال اهلي ما يزوجوني بلكت يحسون دتعال
كامله ادهم وشرد محمد هوه والجدر يركض وياكل
محمد:شبيككك خلل اكللل
ام شهم:ولكممم الجددرر صيح بيهم
محمد:جا يمه همج الجدر وابنج بخطر راح يموت على يد ابو المجرمين
ام شهم:ولك أنته مو مهم خايفه على الجدر ولكم اكعدوا
ابو شهم:ولكممم هودووو يلهههه
ادهم:منو الخايس
محمد:جدي الثامن عشر
ادهم:منو ابو المجرمين
محمد:لا بهاي أنته منو غيرك شنو ترديني ادخل بالنار علمودك يالمكرمد المدوهر بين المجرمين طبعن تطلع مثلهم
ادهم:دتعال ابو بطن المسودن مال اكل ويريد يزوج بس تزوجه عباله مرته دولمه وياكله بالغلط
محمد:اذا هيج صاكه اكله ليش لا جا مو شهم ياكل بمرته 24ساعه بقت عليه
ابو شهم:ولكم دهودووووو
محمد:غير يكعد هذه
ادهم:هذه اسمه ادهم سكط
محمد:وطبك طوب شسويلك وإذا اسمك ادهم شنو رئيس جمهوريه شرق جنوب شمال اسيا
شهم:ولكم كعدوااا
وكفوا محمد رجع للمطبخ يكمل اكل وادهم طلع ومرت الايام واجه اليوم الأزوج بيه شهم كمنا من الصبح اني والبنات نتراكض ذيج الملابس وذيج تعدل بروحه واني اسوي باغراضي
زهراء:بعد بنات شنسيت شجيب خرب انه كلشي نسيت
ذهب:ههههه مخلصين ديله ترف روحي كعدي شهم يودينه
ترف:لا شهم غير يروح يعدل روحه خل محمد يوصلنه
ذهب:الي هوه يله بسرعه
ترف ركضت واحنه واكفات نعدل بروحنه اجت ترف تضحك
ترف:هههههه
زهراء:شكو
ترف:ولجن متت ضحك محمد شيكول يكول اني شباليني بيجن 24ساعه مبتلي بالعروس والعريس واني مثل الجلب وراهم
ضحكت ومشينا رحنه صعدنا بالسياره ومحمد ستوه كاعد ويباعلنا من فوك لجوه ما عاجبه حجيت بضحكه
زهراء:شبيك ما عاجبك
محمد:صعدي صعدي باليتني واني الفقير
زهراء:ياهو الفقر
محمد:انه
زهراء:الحمزه
محمد:والحمزه ابو حزامين
زهراء:لا تخاف ادورلك مره بالعرس
ذهب:ولج وين اكو عروس ادور مره
محمد:كلشي يصير بالعراق بس سكتي
درنا وجهنه على ترف لكيناه تصور وسوي حركات ضحكنه وقلدنا حركاته بشقه
ترف:يووو شبيجن خل أصور هذه يوم من العمر تعالي زهوره خل نصور
صورت وياه كم صوره وحركنا وصلنا للصالون نزلنا سوينا المكياج وترف أصور وذهب تمدح واني خايفه ومتوتره وارجف وتنزل دمعتي بسرعه وكل شوي ترجع الماكيره تسوي الميكب خلصت وأباوع بفرح وسعاده احس هاي مو اني وذهب وترف يصفكلي ويغنلي خلصت كلشي واجه شهم باس راسي واخذني صعدنا بالسياره والكل ورانه بسيارتهم رجو الشارع بالاغاني والركص والتهويس والهورنات الي ترن الاذن شهم يهز جتف واني مبتسمه واركص وياه واغني وي الاغنيه وصلنا للقاعه وكفنا ننتضر شوي وندخل واحنه نحجي
زهراء:شهم خايفه ارجف
شهم:على شنو ولج هاي ليله من العمر صدوك جذوب
زهراء:ههههه اي صدوك
فتحوا الباب والقاعه كلش حلوه والزينه والاغاني دخلنا والاضويه علينا دخلنا نركص والكل اجه ركض ويأنه بس اني مفتقده اهلي اهلي ماكو جنت اتمنى همه وياي ويهونون عليه والوحده شتريد غير أمه بهيج وقت بين عليه الحزن الكل عبالهم لأن راح ابتعد عن اهلي وزوجت بس أهل شهم وشهم حسوا بيه
شهم:زهراء شبيج
زهراء:اريد أهلي والله تعب شلون اهلي ماكو وياي بيهج وكت
شهم:زهراء هذه يوم من العمر واليوم اضحكي وتونسي بعدين نحجي بالموضوع حاولت اضحك واركص وما أبين حزني أخذنا صور وركصنه سولو ومحمد ذاب لحم كدامي كل شوي يغمز واكله بعدين وكل شوي دافر روحه على بنيه بكلمه سر يخلي الابنيه كوه تحجي وياه ورجعنه لاغاني ردح وترف تصور وياي وتركص وذهب تعدل الحاجات وأخوانه وي شهم ذابين لحم من الركص خلصنا ودنطلع وأهل شهم يبجون وحاضنينه
ام شهم:يمه لا تنقهرين اني امج واني اوكفلج
ابو شهم:واني اعتبريني ابوج واي شي تحتاجين اني بصفج وهذه السكط اذا اندك بيج كليلي أني اعرف شتصرف وياه
محمد:زهيره اني اعلمج صارلي ساعه أتوسل بيج اريد مره وانتي محتاره بروحج وعايفه رفيج عمرج
زهراء:لا تجذب ذاك اليوم عرفتك
محمد:طاح حضي وغسل لوجهج
زهراء:هاي شنو
محمد:لعد بس اني اغلط على روحي
شهم:ما تسكت يله زهور امشي هذه راح يحسدنه
محمد:اي على جهرتكم ما قاهرني غير النسوان الحلوه
مرتضى:محمد يمي معليك شهم عيش حياتك وي الحب
ترف:اوييي كيوت بلابل الحب
محمد:قصدج الاميره والوحش
ذهب:اويي الله يحفظكم من عين الحساد ومحمد
محمد:هااا
ذهب:قصدي جمر والنار شبيك علمود لا يحتركون من الحسد
ادهم:كامت تجفص ولك ديله شهم روح اريد انام نعست
شهم:صدك تحجي
ادهم:لا شبيك عرس اخوي الغالي شعندي غيرك
حضناهم بدموع طلعنا واحنه مهلكين تعبانه حيل صعدنا بالسياره واني ابجي مقهوره اريد اهلي شهم يهدي بيه وصلنا القاعه والهوسات والضحكات والاغاني يوم حلو دخلنا الغرفه ارجف واباع للغرفه تخبل مرت الايام وعشت ايام حلوه وياه بضحكه وشقه وحب وغزل ايام ونسه حبيته أكثر وزاد حبنه عشنه بسلام وأمان وياه ومساني اهلي وكلشي مرت بيه بعد انتضار اشهر ونسنين حبينه بعض مره اسبوع ورجعت لبيت أهل شهم ورحبوا بيه بحب وضحكه وسوالف وما سكتنه وبس نحجي وبيوم
كعدت الصبح شفت شهم مبدل ومرتب روحه ما استغربت لأن هوه طبعه هيج بس هل مره حيل مرتب روحه والريحه تفوح ومزين ولا جنه طالع طالعه عاديه ما اطيت اهميه للموضوع
زهراء:صباح الخير حبيبي
شهم:روح كلبي صباح الصاكه
زهراء:هههههه وين طالع
شفته توتر وحاير شيحجي استغربت شبيه هيج يصرف اكو شي
شهم:رايح لصديقي
زهراء:تمام حبيبي كمت غسلت وجهي ورتبت روحي وطلعتله بعده يرتب كال
شهم:حياتي تعالي
تقربت منه
زهراء:ها كلبي
باس خدي وراسي وحضني قوي وجه بركبتي ويشتم بيه بحب ضحكت وكلت
زهراء:هههههه شكو اشهمي محسسني صارلك هواي ما حاضني
شهم:احبج شسوي بروحي روح كلبي وفستقتي الغاليه احبج
زهراء:واني هم أحبك بس وخر مو اختنكت
شهم:يول انه اكدر بدون ريحتج
زهراء:مو اختنكت
رخه أيده وأخذت نفس وارتاحيت شوي وخر بحزن ملامحه غريبه ما تتفسر كانوا خايف من شغله شي شاغل باله ويباوعلي بتوتر وضعف حاول يتجنب يباوعلي اخذت العطر حطيتله ورتبت ملابسه وشعره وهوه يباوعلي مبتسم بحسره ونضرات اسف بيه دموع سئلته
زهراء:شهم بيك شي
دار وجهه يعني يسوي روحه يدور على شغله
شهم:لا ما بيه شي لا تشغلين بالج روح كلبي
زهراء:والله احس بيك شي شهم كولي مو حبيبتك اني كلي
شهم:ماكو شي كلبي جيبي السويج
زهراء:تمام
امشي واني افكر شبيه ليش هيج يتصرف اكو شي يمكن من الشغل جبت السويج وركضت عليه اطيته وابتسمت بحب حضنته وبست ركبته وابتسامته شكت وجه وطلع رحت على المطبخ شفت أم شهم وذهب وترف
زهراء:هاي بنات
ذهب:هلا بعروستنه
ترف:شنو هل كمر الطالع
ام شهم:ما شاء الله حلوه هنيال شهم
زهراء:ههههه خاله لا هيج تتغزلين استحي
ام شهم:هههههه مخبله شلون متحملج شهم
زهراء:خاله غير يحبني خل يتحمل غصبن عليه
ترف:بنات شنو رايجن نروح للمرجوحه نوصل ونتونس الجو حلو وهم نلعب بالحديقه
ذهب:اممم فكره حلوه وزهوره تجين
زهراء:Yes, of course(نعم بالطبع) يله
ركضنا كلنا على المرجوحه رادت شوي وتوكع من ورانه
زهراء:بنات ضوجه شنسوي
ذهب:اكل
زهراء:انتي شنو نسخه من جويد كافي اكل
ترف:هاي وياه بكلشي المهم نروح نجيب حلويات وحبشكلات وهيج ونكعد بالحديقه
زهراء:يله
رحت لبست جبتي والحجاب وهنه لبسن رحنه على ام شهم
زهراء:خاله احنه رايحات للأسواق رايده شي
ام شهم:لا يمه ديربالجن على نفسجن
زهراء:تمام خالتوا
وركضنا بره فتحنه الباب وطلعنا نكمز ونجيب ورود ونصور ونسوي حركات اجت سياره رادت تتدعمنه بس وخرنا بسرعه بخوفه ورهبه ونأخذ النفس كوه ولازمين صدرنا راح الرجال واحنا كمنا
زهراء:كبور يالخايس ولا يكول بنات كدامه طايح الحض شنو ما رادات روحنه
ترف:والله لو نازل جان دست بطنه
ذهب:بيه كتله العجوز الشمطاء
كملنا طريقنا للاسواق دخلنا أخذنا كلشي بخاطرنا شفت سياره جانت تراقبنه ورانا من طلعنا الي هسه عكدت حاجبي باوعت الرجال يباوعلنا بس ملامحه ما مبينه حيل خفت وضربت ايد ذهب كلت بهمس
زهراء:ذهب باعي لهذه الرجال يباوعلنا صارله ساعه وما راح
ذهب:وينه
زهراء:هذه ولج ابو السياره السوده
ذهب:هسه الي يسمعج ملكات جمال العالم دعوفيه شدخلنا بيه تتوهمين عيني لا يسمعج شهم ويكطعنه
زهراء:خاب شتوهم ولج باعي خايفه
ذهب:لا تخافين اكو ناس هنا مو بس أحنه
حسيت شوي بثقه بس شوي خوفه من انتضاره أريده يروح ما بروح وبس اصفن عليه هذه منو اشترينا وخلصنا رحنه حاسبنه شوي انتضرنا بلكت يروح ما راح ملينا وطلعنا وهوه ورانا وحده لازمه الثانيه ونتضاهر بالقوه والثقه وهوه بعده ورانا حيل توترنا وقررنا نركض للبيت البنات دخلن للبيت واني الاخيره صارت السياره يمي كال زهراء
حسيت صوته سامعته من قبل اعرفه بس ما اهتميت كبل دخلت البيت وكعدت بالكاع كليتي توجعني كوه اتنفس ورجلي توجعني صرت أصيح من الوجع اجتني البنات
ذهب:شبيج زهراء شكو
زهراء:اخخخخ كليتييي ذهبببب ما اتحمللل
ترف:كوميه كوميه
لزمني وسندني كمت دخلني جوه كعدني على القنفه واني بعدني ابجي من الوجع
زهراء:اخخخ يمههه كليتييي يمههه ما اتحمل
صرت ابجي أكثر
بنات يحاولن يصرفن ما عرفن شيسون
ذهب:شنو الي يوجعج
زهراء:كليتي
ترف:شنو السبب ليش هيج صار
زهراء:اني من صغيره بس امشي هواي اصير كليتي توجعني واني ركضت صارت توجعني اكثر شوي وتصير زينه لا تخافن
اجت ام شهم بسرعه شافتني فتحت عينه وركضتلي كعدت يمي كالت
ام شهم:يمه شبيج شصار وياج
زهراء:خاله كليتي لا تخافين ما بيه شي شوي وأصير زينه
ام شهم:شلون يمه ما اخاف عليج خابري فهد يجيبله حبايه
ترف ركضت وذهب وام شهم يمي يحركن بكليتي وتوجع ودموعي تنزل بسكوت ما اكدر احجي بعد
سندي البنات ودني للجربايه وغفيت بتعب كمت بالليل ساعه بـ9 واحس الوجع خف غسلت وخابرت شهم اشوف وينه ما رد خابرت مره ثانيه ما رد مو من عوايده ما يرد عليه لزمت كليتي ونزلت على كيف جوه للاستقبال لكيت بنات كاعدات وام شهم كاعده بغرفته
زهراء:هلو بنات
ذهب:هلو كلبي شلونج هسه
زهراء:لا زينه الحمد لله بنات شهم اتصل عليه ما يرد
ترف:يمكن عنده شغله ما اعرف
زهراء:أها تمام
اندك الجرس راحت فتحته ترف وصاحت
ترف:شنووو هايييي شهمممم
ركضنا نشوف شكو شفت شي صدمني كلبي وكف بلحضته حسيت الدنيه وكفت بيه من الصدمه اباع واني ما مصدومه شفت شهم لازم ايد جوري نضراتي ما مستوعبه هيج يسوي بيه شهم مستحيل اني بعدني بالحلم لزمت دموعي ورحتله وحجيت بكل عصبيه وحده
زهراء:شهم شنو هذه
شهم:زهراء بس خل افهمج
غمضت عيني واشرت بالمعنى اسكت اخذت نفس فتحت عيني وكل نضري على شهم احاول ما تنزل دمعتي وابقى قويه
زهراء:شهم الي جاي اشوفه حقيقه أنته مزوج عليه
بعد أيده ولزم كتفي وميل وجه يباوعولي بحزن وقهر نضرات اسف واني نضراتي خذل وكره
شهم:زهراء اسمعيني خل افهمج والله راح تعذريني
زهراء:شلوننن هيجججج تكسرنيييي شهممم شلوننن
صرت اضربه بكره ما أريده محتقرته
شهم:بويه بس سمعيني اهدي اهدي كافي
زهراء:ولك تدري ما بقالي بس أنته هيج اسوي بيه واني حبيتك والله اهلي حقهم هيج يسون اني شلون كسرتهم وعفتهم
حضني قوي واني ابجي انوح
شهم:روح كلبي فدوه اروحلج سمعيني بس تفهمي موقفي
زهراء:ولك يا ضالم البخت ولك ما صارلنه سبوع وتزوج شهم تزوج اني قصرت بشي وياك سويت شي كلي علمود افتهم ليش ازوجت
صوتي صار ما ينسمع اختفى
شهم:بويه والله احبج انتي روح كلبي ما اعوفج للموت بس سمعيني اهدي واني اكلج ليش ازوجت
حجيت برود عكس الي بداخلي لهيب نار تجويني
زهراء:شهم ورقه طلاكي توصلني وما اريد اي شي منك
صار يرجف وعينه مدمعه شدد قبضته وأخذ نفس طويل من ركبتي
شهم:زهراء لا تكسريني هيج اني بعد منو الي انتي كل حياتي ما اكدر بدونج عشت ايامي بسواد وياج نورت حياتي احبج روح كلبي وفستقتي بس اسمعيني لا تسوين شي تتندمين عليه
زهراء:اني بعد ما اريد اسمع منك شي اني صوجي حبيت واحد مثلك ما شفت واحد مثلك نذل حقير وجلب يسوي هيج بأقرب الناس اله الصبح جنه نضحك وهسه اخخ كافي عوفني اريد أطلك مال ابقى وياك اموت
شهم:زهراء
زهراء:كافي شهم ما اريدك ما ارجع بكلامي ورقه طلاكي توصلني وبعد نتهينه
دفعته وبتعدت ما باوعت عليه على شنو اباع واحد نذل صوجي حبيت واحد مثله اهلي وياهم الحق شفت ذهب وترف يتعاركن وي جوري رحت على الغرفه ابجي وشهم يدك بالباب ويصيح ويحاول يفتحه ويصيح افتحه
شهم:زهراء فتحييي لااا تخلينييي اكسرهههه فتحييي جاي اكلجججج مخبله انتي ولج فتحييي واللههه راح اكسره فتحي
لميت ملابسي ودموعي تنزل بهدوء واني اذكر كلشي حلو بينه واذكره باشمئزاز بسرعه لزمت موبايلي خابرت حيدر بسرعه وحاجيته
زهراء:ريان تعال أخذني
حيدر:ها شكو
زهراء:ولك ريان بسرعه تعاللل
حيدر:ابقى يم الحب ما عندج أهل بعد
سمعت امي تكول انطيني
اريام:هاي يمه شبيج
زهراء:يمه كولي اريام يجيني لا اسودن هسه
اريام:شكو يمه صاير شي
زهراء:بسرعه أخذوني واني اكلكم
اريام:زين
سديت الاتصال شهم مستمر يدك الباب واني ما افتحه لحد ما كسره ودخل كال
شهم:ما اطلعين
زهراء:شنوو مو بكيفككك اطلعععع وانتههه مطلكنييي
شهم:ما أطلككك شسويننن
زهراء:والله أطلك شنو هسه اشتغل الوتر الحساس كمت تريدني
شهم:من زمان رايدجج
زهراء:لا والله اشو اطلكني وغصبن عليك
شهم:واني كلت طلاك شيلي من بالج ماكو
زهراء:شرايد مني اتهنى وياه اني ما أريدكم
شهم:والله العظيم ما أطلك لو على موتي
زهراء:ليشش شتريددد منييي عوفنييي بحالييي
شهم:تبقين حلالي وما اطلكج لا عبالج اعوفج لو ازوج اربعه تبقين مرتي وما اعوفج
زهراء:ولك شرايد مني كافي تعبت منك تعبت اريد اروح
شهم:وين ترحين
زهراء:لو لجهنم الحمره الك ما ارجع
شهم:زهراء انتي الحنينه لا تخربين العلاقه بسبب شي تافه
زهراء:لا بله هذه تافه تعال اقنعني ولك اني مخبله وابقى يمك وترى خابرت حيدر يجي ياخذني
شهم:اممم تمام اشوف شلون ياخذج
زهراء:وسم الهاري يالخايس كون تموت أنته وياه واخلص منكم خربت حياتي بسببكم
شهم:لا تتدعين هيج لا تتندمين
زهراء:ولا ينهزلي شعره حتى
شهم:الموت مو سهل يعني اعوفج طول الحياة
زهراء:احسن ارتاح شوي
حرك وجه وطلع قفل الباب اندهشت وقلقت كعدت على الجربايه لازمه راسي وابجي بحركه تعبت من الحياه ربي تعبت ليش هيج صار واذكرت كلمات شهم بالحمام مال مستشفى سكتت شوي وره تقريباً نص ساعه اجاني شهم كعد يمي حجه باسف
شهم:اني اسف بس لا تعوفيني
زهراء:أها الاسف شيفيد
شهم:بس انتي ما سمعتيني
زهراء:ما اريد اسمع ها هيه اريد أطلك اريد اخلص ارتاح مو تعبت
شهم:اذا رحتي بحضنمن أنام وارتاح وانسى همومي كله بحضنه وارتاح من اشم ريحته
زهراء:امك
شهم:منو اسولف وياه واضحك وانسى كلشي وياه
زهراء:ترف
شهم:مني حنينه عليه وتخاف وترتب أغراضي وتهتم لأصغر تفاصيلي
زهراء:ذهب
شهم:ادري غلطت بحقج وادري الي سويته غلط واني والله احبج واريدج انتي بس خليني ابرر موقفي
دك موبايلي رحت شفته حيدر وبسرعه سد الخط باوعت من الجامه شفته حيدر درت لزم ايدي
شهم:زهراء تعالي كتلج طلعه ماكو
زهراء:مو بكيفك وخر يله
بعدت ايدي بقوه هوه يحاول يلزمني صرت اركض وطلعت بسرعه فحطانه واتنفس بسرعه نزل حيدر لزمني
حيدر:شبيج
زهراء:شهم ما أريده أخذني
حيدر:زين بس شبيج شمسويلج
زهراء:احجي بعدين بس أخذني
حيدر:تمام امشي
طلع شهم سحبني وصرت وراه
شهم:زهراء ما ترجع وياك
حيدر:هاي اختي مو بكيفك لك تعالي زهراء
شهم:مرتي هيه شنو مو بكيفك
حيدر:مرتك؟
شهم:ازوجته عندك شي يله ولي
زهراء:حيدر أخذني
حيدر:تعالي اشوف شلون يدنالج
شهم:اي تعال وعلي وسيفه بس قرب منه امحيك من الوجود
زهراء:لك حيدر شهم ازوج عليه تقبله
حيدر:شنوووو
زهراء:اي والله ولك أخذني منه ما أريده
سحبني من شهم وشهم ساكت شيحجي بسواد وجه
حيدب:اني اختي مو فصليه لو محد رايده وما عده أهل وهيج اسوي بيه وبعد اختي ما ترجعلك لو على فراش الموت هم ما تأخذه
شهم:اشوف شلون
زهراء:حيدر اوكف خل يطلكني
شهم:ما أطلك وشسوين سوي
زهراء:أها تمام لعد افسخك
شهم:زهراء وحك العباس دسويه ما تعرفين روحج وين العب بيج فلك راح تشوفين شي ابد ما يعجبج
زهراء:شسوي مثلا
شهم:اموتج بيدي
حيدر:دنجب سكط وطبك طوب ابو النسوان يلعب عليهن
صعدنا بالسياره وكل نضري على الشارع وساكتين طول الطريق شهم يتصل وما ارد صارت بال19 مكالمه ما رديت وسويته صامت قطع الصمت حيدر كال
حيدر:شصار وياج وشبيه العار السكط
زهراء:ازوج عليه الحيوان
حيدر:مو كتلج ولج مو حاجيناج واخر شي تزوج عليج
زهراء:اني شعرفني شمدريني بيه كافي لا تلومني والله البيه مكفيني
حيدر:تمام
وصلنا للبيت نزلت ملابسي دخلت للبيت واهلي كبالي اجت امي عليه بسرعه
اريام:هاي يمه شبيج
صرت ابجي وحضنت امي
زهراء:يمه شهم ازوج عليه رجع جوري
اريام:عزه صدك
زهراء:اييي يمه شلون هيج يسوي والله يحبني
اريام:الرجال ما يتامن بيهم لو يموت عليج هم يخونج
زهراء:يمه بعد ما أريده
ريتاج:منو كال نرجعج اله راح نعذبه مثل ما سوه بيج وبجاج
شهد:احنه نعلمه انسحله شوف عينج شصاير بيه دخل يولي ما تستاهلين اتعبين علموده
اريام:يمه بعد لا ترجعيله ولا تشوفين وجه ولا تردين عليه انكطعي عليه خل يحس بقيمتج
زهراء:طبعن
حيدر:واني أعلمه السكط شلون هيج يسوي اذا ما فريته ما اطلع حيدر
اريام:يله يمه روحي سبحي وانسيه ولا تفكرين بيه اليوم تونسي وي خواتج وسون سوالفج هاي العنايه وهيج
ضحكنا
زهراء:زين يمه
سحبني البنات وصعدنا فوك حضرت ملابسي والبرنص دخلت سبحت سويت عنايتي مقشر سبحت ارتاحيت هَم ونشال من كلبي طلعت لبست كعدت كدام المرايه مبتسمه واباع اشوف جمالي سويت عنايه لوجهي وسشورت شعري وكويته عطرت روحي وشعري وطلعت اركص فرحانه دخلت لغرفه خواتي
زهراء:هاييييي بنات اليوم اريد سهره انسى بيه روحي
ريتاج:تعالي يمنه حلويات نسهر سويه ونصور
زهراء:اوكي يله
شهد:ولج زهيره شطالعه خرب يومج
زهراء:اوييي استحي ولجن
شهد:هههههه
ريتاج:كافي ولجن ديله حضرن السوالف السهره
زهراء:تمام
شهد اطلع فلم واني اسوي حلويات وريتاج تحضر الكعده صرت أصور الكعده والحلويات والمشروبات والفلم وملابس النوم وصورت نفسي واني بكشختي اخذت صوره لنفسي وكلهن نزلتهن كلوز وعفت موبايلي والتهيت وي البنات اكل واباع واضحك ومتونسه واصور وانزل طلعنا اغاني وصورت التلفزيون ونزلته خلصنا الكعده تعبانات كمت رحت لغرفتي ونمت على الجربايه اخذت موبايلي أباع بيه شفت منو شاف الاستوري تعجبت شفت شهم شايف الاستوريات كله شون صدك اني مخليه شهم بالكلوز يا حضي المصلبخ هسه هاي سوايه أسويه متصل واني ما راده ورسائله