الكصيب في الليل

القطره الثلاثون

الكصيب في الليل

ما مَجبور اعَدل صورتي ڪبالَك
شلون تشوفها بڪيفَك
آنه واحد يحب نَفسه
يفز بڪيفه مَـا ينطر يمر طَيفك
مَـا مَجبور اصير ڪراب
خاطِر يستلذ سَيفك
البرود البيه عاجبني
ولا مِحتاج مِن صَيفك

لا تنسون التصويتات لارساتي

زهراء مصطفى

زهراء...

ترف:انطينه شوي من حالته وبالمر بيه
الحجيه:تعب بتعب وقصته اسطوريه عبر الزمن
ذهب:يله بيبي احجيلنه على سعدون
الحجيه:هذه واحد جان فلاح عنده اخو تؤم هذه اخوه جان واحد مسربت وساكط كلش كارثه مو ولد وجان سعدون احلا من اخوه جايب العين لنفسه ويحبلك بنيه ومقررين الزواج وبيوم يحرثلك بالكاع وجوه اثنين رجال سحبوه وهوه ما يدري بالدنيه طشت رشت خطيه هوه فقير وعلى نياته يكلك هنا ودوه للملك

كال محمد وهوه ياكل

محمد:شيسوي هناك؟

الحجيه:ما تسكت شوي الزقچ اي هناك كال الملك أنته البايك حك هذه التاجر سعدون أنصدم كاله لا حضره الملك دار الملك على التاجر وكال هذه هوه الباكك كال التاجر اي هوه هذه هذه سعدون كبل ذكر اخوه وقرر يسكت
مرتضى:دتعلم يا حضي
محمد:هاي عليه
مرتضى:كملي حجيه
الحجيه:ضل ساكت إلى أن صارت التهمه عليه شالوه ودوه للسجن ضل هناك بالايام والأشهر والسنين وجان وياه رفيج دائما يحجيله على زمانه وأيامه وسعدون يا ينكتل يوميه لأن ما راضي يعترف ويكشف اخوه وأخوه نايم بالعسل ما داري بسعدون وهوه كبر من الضيم يكلك بأحد الايام درت بيه التحبه واجته تبجي تحجي وياه من وره ابواب السجن تعرفوهن

كلنه:اي

الحجيه:ضلت تحجي وياه ودرت اخوه السبب واجه برأسه تنتقملك من اخو سعدون

زهراء:عزهه
شهم:وسم مو جنه مندمجين شحجاج
زهراء:هذه شبيه هذه لا بالبطل هسه
شهم:بيج خير وسويه وعلي مو بطل اخلي براسج لا اخلي بيه قنابل
زهراء:بيبي شوفيه شلون يسحك بحجيه
الحجيه:بطلت يله كوموا كوموا
زهراء: ارتاحيت بعد ما تحجيه
شهم:لا انتي فقيره لكممم دفكوني اريد الزمه هاي ام كفشه كفشته شكبره
زهراء:امشي لك ابو عيون الدكم اصلا لابسه حجاب شلون اشوف كفشتي بطل جذب شوي ابو النسولن لا تخليني أفضح القصر والمضى
شهم:بت ابوج افضحي
زهراء:اسمعوا يا قوم هذه الدايح ابو الديسكوات اليوم شفته بالجامعه وي بنيه ما ادري شيحجون
ذهب:يمكن شغل
زهراء:يا شغل عيوني يا شغل هسه لو دكتوره وياه اي نكول شغل بس عيني هاي طالبهههه
محمد:اطشر عرض العراق
مرتضى:العراق شدخله
محمد:ولكم ابن ثامر يخوني يبوووو
شهم:اليوم النعنع ضلوعك أنته وياه
محمد:زهراء صيحي يبووو
زهراء:يبووووو بيبيييي
الحجي:اكعدوووو
محمد:الله يدخلك الجنه دوكفه
شهم:طايح الحض هاي هيه معلمتك على السربته الزايده
محمد:اختي العزيزه هيه الله شاهد لو مو هيه اني اصير دايح
زهراء:وطبك طوب شنو تتعارك وياه ما عنده اختك تكسر راسك
شهم:راسمنننن
زهراء:محمد لككك طايح الحض مو كتلك عوف هاي السوالف
محمد:هاي شو كلبتي عليه ددافعيلي
نبأ:بيبي دكملي الحكايه وعوفيهم
الحجيه:ها هيج كل يوميه
ترف:همه هيج يصعد الخبال عدهم ويتعاركون بعدين يرجعون احباب الله
الحجي:اتمنجدنا يوللل اكعدووو