الكصيب في الليل

القطره الاخيره ⚡

الكصيب في الليل

اذا مالك خلك تجرع مرار الشوگ
عوف العشگ لأهل العشگ خله  
شكد الكهوه مره وتجرح البلعوم
رغم كل المرار وصابره الدله.

لطفا التعليق بين الفقرات وتصويت

زهراء مصطفى

زهراء...

واحنه بضحكاتنه وفرحتنه شهم نكلب وجه وهوه يباع بالمرايه الاماميه كتله بتساؤل

زهراء:شهم شبيك

رن موبايله بسرعه فتحه سمعته يكول

شهم:لككك ورانههه دز دوريه كول الادهم.

غلق الاتصال تخبلت صار يلف بالمناطق ويباع بالجامه
دخلنه بدرابين وحسيت بالتيه والدنيه ضلمه عرفت الورانه بحر
نضرت مره ثانيه شفت وياه شكم واحد مسلحين ناوين شر
شهم يحاول يتيهم ونرجع وجان نتيهم وصار يمشي بمناطق
الى أن شفت منطقتنه ارتاحيت نزل ونزلت وياه صار وراي
طلع المفتاح ودخلنا صعدني فوك نزعت الحجاب والجبه كال

شهم:هسه انتي نعسانه روحي نامي

هزيت راسي بمعنى اي ورحت تمددت غطاني راد يروح لزمت أيده واني ارجف وكف ورفع حاجبه

شهم:ها بويه
زهراء:تعال نام يمي
شهم:مو عندي شغل
زهراء:الشغل اهم مني
شهم:والله انتي اهم بس اريد نخلص من الساقط**
زهراء:ما اريد ابقى وحدي بالبيت وضلمه وليل يمكن يجوني شلون أمن اني

تنهد وقرب مني تمدد وخله أيده على رأسه ويطبطب على ضهري اتخيل يروح ويجوني ضميت نفسي على حضنه كال

شهم:لا تخافين اني يمج

حسيت براحه من كلامه وغفيت كعدت الصبح ما لكيته يمي
بسرعه باوعت على الشباك لكيته الضهر زفرت بعدت البطانيه
رحت على الحمام غسلت وطلعت توجهت للكنتور فتحته اخذت الصندوك
شفت المسدس اخذته وصرت اباع بيه وثكيل نوعا ما انفتح الباب
وبسرعه وجهته عليه ولازمته باثنين ايدي اي هوه شهم تقربت منه
هوه مصدوم واكف كال بسرعه

شهم:زهراء انتبهي هذه مو لعب جعاب هذه بيه رصاص ديربالج
زهراء:طلكني
شهم:زهراء نزليه احسلج مو لعبههههه السالفهههه
زهراء:اطلكني لو تروح لربك
شهم:شقاج عوفيههه ولج مسدسس بيههه طلققق تريدننن تموتينيي
زهراء:راح احسب منا للخمسه اذا ما كتلي طالك افرغ السلاح برأسك