الكصيب في الليل

القطره الثالث عشر

زهراء مصطفى

الكصيب في الليل

لا تنسون التصويتات اي لڤ يوووو

زهراء...

لحد ما اجه طلعت بسرعه
لكيته تعبان كوه يمشي اكو دم على أيده يجري صاح بوجع قوي والم شديد كوه يحجي
محمد:تعالييي ساعدينييي زهراءءء
ركصت عليه سندته وطببته للاستقبال كعدته ولزمت أيده بيه دم كلت باستغراب
زهراء:هاي شبيك
محمد:التموا عليه خمس ولد طايشين
زهراء:اي وشسولك
محمد:كدرت اتفاده ثلاثه منهم اجو اثنين وراي وضربوني ضرب واحد بقى واحد ضربني براسي غدرني وراحوا
ضربت خدي صحت
زهراء:عزهههه خل اروح اكول لشهم
محمد:عوفيه ما صاير شي
زهراء:لا شلون ابقى بكانك لا ينزل دم أكثر مو زين
حرك وجه بمعنى زين ركضت للغرفه حركته واني أصيح
زهراء:شهم شهم كوم بسرعه كومم ولك كوم
كال بنعاس
شهم:شبيج بويه كولي
زهراء:اخوك
فز بسرعه كام كال
شهم:شبيه بيه شي كولي
حجيت بحزن وعيوني مليانه دموع
زهراء:مضروب والدم ينزل أيده كله روحله روحه حالته مو زينه
شهم:وينه هسه
زهراء:جوه بالاستقبال روحله شهم
راح لبس التيشيرت غسل وجه وركض جوه واني وراه والوم بروحي بسببي صار بيه هيج ابجي بحركه والعب باصابعي من الطفل متوتره وخايفه وشهم راحله لزمه وشافه دم ويتوجع صاح
شهم:شصار وياكك شبيك شنو هاي
محمد:لكك باععع شبيك اعمىى
شهم:كوممم كومم خل اوديك زهراء صيحي مرتضى يجي ويانه
زهراء:تمام زين اني يصير اجي
شهم:لا بويه لا تجين روحي نامي
زهراء:فدوه شهم اريد اجي
محمد:مو رايحين عرس تجين
شهم:لكك لا تصيح بيهَ لا اموتك هسه
محمد:اوف يالحبيب جرت اخوي العزيز
شهم:انجب هسه أنته بيا حاله وهيج تحجي زهراء احنه رايحين قبلكم تعالي وجيبي مرتضى وياج
زهراء:اوكي
محمد:كلام الحبيب غيررر اني ابن البطه السوده ولا جني اخو احوييي عوفني وروح للكلب
شهم:سد لسانك لا ارجك
رحت بسرعه كعدت مرتضى فز كعد يمسح وجه كال بتعب
مرتضى:ها زهور شكو
زهراء:محمد مضروب وكله دم شهم وداه للمستشفى
بفز وهرع كام بسرعه غسل وجه راد يطلع كلت
زهراء:اني اجي وياك
مرتضى:شهم يدري اني مو بحال مصايبه
زهراء:اي هوه كال تعالي انتي ومرتضى
مرتضى:تمام تعالي وراي بسرعه
زهراء:اوكي
امشي واني متوتره لبست جبتي وحجابي وطلعت لكيته بالسياره وجاي يخابر ما ادري منو صعدت سد الاتصال كال يله مع السلامه شهم حرك بسرعه واني مهمومه ومرعوبه راسي كله افكار واسئله واصفن ارجف انتبه فهد كال متعجب
مرتضى:شبيج زهوره
زهراء:خايفه
مرتضى:من شنو
درت وجهي على الجامه كلت بحيره
زهراء:ما بيه شي
مرتضى:خويه كولي إذا بيج شي اني اساعدج
زهراء:لا ما بيه شي
مرتضى:همم تمام
اخذت نفس طويل وصافنه ما لكيت اله احنه واصلين نزل وكالي نزلي نزلت واني وراه هوه مستغرب من حركتي بس يمشي بسرعه دخلنا سئلنا على اسمه دلونه الغرفه ركضنه الغرفه شفت محمد يلفون أيده هوه متوجع انقهرت عليه حان متوجع بس يكابر اعرفه دخلنه كال الدكتور
الدكتور:منو انتم
شهم:زوجتي وأخوي
الدكتور:امم ما شاء الله
باوعتله باستغراب وحقاره من نضراته الي اكلني اكل بيه رحت لشهم حضنت أيده وابجي من منضر محمد كالي بقلق يتفحصني
شهم:روح كلبي بيج شي ليش هيج خايفه
زهراء:بسببي صار هيج بيه
فتح عينه بقوه وصدمه من حجي صار كدامي وعوينه بعيني كال بتعجب كأنه ما فاهم
شهم:شلون بسببج
صرت ابجي واني مبرطمه نزلت راسي والعب بصابيعي حجيت بشهكه
زهراء:اني كتله يروح يجيبلي حلويات بالليل وهيج صار بيه
لانت ملامحه وضحك من كل كلبه وحضني كال براحه
شهم:بويه عادي يروحلج فدوه هوه وعشيرته
محمد:ولا جني اخوه الخايس الاسود
زهراء:ما اقبل تحجي على رجلي
محمد:اوفف منج اوفف ضربتي عصفورين بحجر واحد
شهم:منو العصفور الثاني
محمد:الاغم المتوجع
زهراء:اويي شسويتلك اني ترى حبابه
محمد:اي كلشش كلشش
شهم:اسكت لكك صوتك ما يعلى عليه
مرتضى:ولكم كافييي شكد تتعاركون جنكم جهال
محمد:جا ما اشوفه سوه بيه نشف شفقه
دكتور:هاي شنو نشف شفقه اول مره اسمع بيه
شهم:قصده جفاف عاطفي شوي كلماته غريبه مخبل مضروب برأسه شتترجى
محمد:دنجب بعدني بحيلي بكامل قواي العقليه زوجوني الله لا يوفقج يا ام الجرب إذا ما الزمج واموتج ما اطلع ابو نعيم
باوعت لشهم عيني بعينه صحت
زهراء:شهممم
حجه بحنيه وهدوء
شهم:روحه وعقله وكلبه روح كلبه معليج بيه مخبل هذه عوفيه معنجر راسه فستقتي
محمد:ماكو غيرك الراسه معنجر لعبت بيك فلك هاي الصاكه
شهم:هاي أنته كلته صاكه شلون لعد
مرتضى:خرب يومكم اسكتوا ولك محمد أنته شوكت تسد لسانك فاتحه مترين بس تحجي كافي عمي شنو هذه لو يموت هم يحجي إذا راح للجنه يسويله كعده ويامهم ويطببهم للنار من سوالفه
زهراء:واني شاهده
محمد:اسكتي ام لسان النجره
زهراء:انجب
محمد:شهم الزمه لا اجره ودك تكفخ
زهراء:انجب
محمد:ولجج ام لسان بس اكوم اله اخبلج
زهراء:انجب الاجلح الأملح جنك ضربان شام ريحتك تلعب الروح ايععع
محمد:هاي شلون راح الفه بالوايره وادكه بصونده مال بواري واشوفج شلون تحجين عليه
شهم:شحدك تدناله ايدك اكصه وحك العباس وجفوفه
محمد:اسكت بزونه مسحوكه وعطوبك واصله الابو موزه يمهَ فرفور يمشي على أوامره يمنه جريذي خايس وبس يعيط
دار عليه بتعجب وعصبيه كال بحده
شهم:هاي عليمن
مرتضى:على طنطل فات استوه اسكت ابو نعيممم
زهراء:حبيبي تعال نطلع لا تعكر مزاجك من وره هذه اوعع
محمد:اوعع بوجهج الخايس
شهم:لسانكك
محمد:عجل ما تحاجيه بس تكب عليه
مرتضى:كافي طلعوا شهم وزهراء اني ابقى يم محمد ها هيه
محمد باوع صفح واني ابوعله من فوك لجوه هوه عصب صاح
محمد:ولججج صوجييي وعليي اطلعع بنص الليالي اجيبلج حلويات الخايسه الي يسوي مثقال ذره شرا يرى وانتي الشر بنفسه
زهراء:وانته الذره بكد الدوده حتى اصغر منه
كام يتلفت بهيجان استغربت كتله
زهراء:شبيك
محمد:ادور شي اركعج بيه واموتج خلاص واخلص منح ومن لسانج شهم شلون متحمله اني ثانيتين ما اكدر
شهم:احسن منك هيه
محمد:هج الطعر ابو راس شوكت اخلص من هاي الطعره الثانيه
راد يهجم عليه فهد وكف بينهم صاح
مرتضى:كافيييي ولكمممم شهم اطلعععع بلا مشاكل جود الزم لسانككك
محمد:لازمههه بسس هذه يعصبنييي
شهم:اي اعصبه كلك سقوطيه هوه غير أنته منرفزني ولك اخخ لو الزمكك لو عايفك بدمك مو احسن ومرتاحح
محمد:ولا جنك متت عليههه ردت تموت لمن شفتني هيج ها ها اي ابد هوه غير ما تكدر بدوني
شهم:اي مو قندره أنته
محمد:أنته التك الثاني
شهم:لككك السافل تعالييي
محمد:ماكو سافل غيرك يا عاررر
دكتور:شبيكم ترى بالمستشفى مو بالبيت
مرتضى:أسفين مخابيل وسخيفين معليك بيهم هسه اطلعهم شهم اطلع بلا مشاكل
شهم:تمام اذا ما الزمك وارجك وحك علي
واحنه دانطلع وصلنا للباب كال محمد
محمد:اي روح جريم مرتك
شهم:انطم
مرتضى:هسه اخليهم يخيطون حلكه ابو نعيم
شهم:يمك بعد
مرتضى:تمام
طلعنا وسدينا الباب مسح وجه رحت عليه واني مبتسمه لعبت بشورابه وتلمست وجه باوعلي بتمعن بتفاصيلي وحضنته بكل قوتي كلت
زهراء:اشهمي
شهم:روح كلبه كولي
زهراء:لا تعصب فدوه ما احب اشوفك معصب
شهم:لا بويه ما اعصب لخاطر الصاكه مالتي
بسته بخده ضحكلي ورجع باسني بخدي درت شفت الدكتور يخزرني ما اهتميتله درت على شهم احجي وياه
شهم:روح كلبي رايح اجيبلج اكل تجين
زهراء:لا باقيه هنا
شهم:ليش
زهراء:تعبانه اريد ارتاح
شهم:تمام ديربالج على روحج وروحي يم مرتضى ومحمد لا تعوفيهم زين
زهراء:زين
باس ايدي وراح والدكتور بعده يخزر ويباوعلي بعصبيه باوعتله صفح واني عاكده حاجبي ما فاهمه ليش هيج يباع ردت اطب الغرفه لزمني من ايدي وجرني اله يباوعلي بانفعال يعصر بيدي كال
دكتور:ليش هيج تقربين منه ليشش
زهراء:أنته شلك دخل بيه أنته منو وتحاسبني وخر ايدك وجعتني
دكتور:شيقربلج هذه هااا
وخرت ايدي دفعته كتله بالم
زهراء:معليك
رحت بسرعه للغرفه محمد باوعلي صفح دار وجه رحت لمرتضى كعدت يمه دخل الدكتور نفسه بس يباوعلي ما ادري شرايد مني ما اهتميت تضايقت من نضراته كلت
زهراء:مرتضى اني طالعه شوي واجي
مرتضى:وين ترحين
زهراء:اجيب مي وهم اختنكت هنا اريد اطلع
محمد:اختنكت ام العلاوي
زهراء:معليك
مرتضى:اجي وياج
زهراء:لا اصلا شوي وراجعه
طلعت تعبانه اريد ابقى وحدي من التعب والجوع صارت افتر بالمستشفى وطلعت اشتم هوه وبروده ارتاحيت لأن اكو حديقه وأشجار ورود كلش حلوه ابتسمت وطلعت سنوني مرتاحه حسيت بايد لزمت ايدي درت وجهي بسرعه اشوف منو انصدمت من لكيته نفسه هوه الدكتور تنرفزت من حقارته وقاحته وجرئته صحت
زهراء:لك شرايد مني شرايد شبيك تلحك وراي وآلله اذا شافك شهم يرجك وعلي
حجه بوجه بارد
دكتور:نسيتيني زهراء
انتبهت على شكله صح احس شايفته قبل ما ادري وين شايفته حجيت
زهراء:هوه أني اعرفك علمود انساك ومين تعرف اسمي
رفع حاجبه بتعجب وحسره
دكتور:اني احمد نسيتيني معقوله زهراء
زهراء:منو احمد
دكتور:اخو مصطفى خطيبج
انصدمت احس بنهدام بروحي وكلبي من اذكرت مصطفى اني ما ناسيته لأن هوه بكلبي وروحي وعقلي بس من اسمع اسمه تتخربط اموري احس بركان على كلبي حسيت بوجع بكلبي وخنكه قويه ودموعي تنزل بحركه صرت بشهكات قويه لزم كتفي بحنيه وهدوء كال بحزن وغصه
احمد:ادري بيج بعدج ما نسيتيه اعرفج تحبيه هوه وصاني بيج كالي ديربالك عليه لا تخليه تبجي لو تنزل دمعه منه خليه قويه لا تعوفه بيوم كله أني احبه بالحياة وبالاخره لحد الموت احبه اني اعشكه لأن هيه محفوره بكلبي وعقلي وهوه بلحضاته الاخيره كال وصيتي لا تعوفون زهراء لو شنو صار اني راح ابقى يمه ما اعوفه اني وعدته وهيه تدري ما اخلف بوعدي اله كله اعشكه للموت وخلي تسامحني إذا اذيته لو زعلته بحرف واحد ومات الله يرحمه
وكعت بالكاع رجلي ما شالتني نهد حيلي بس ابجي حسيت اريد اموت ولا هاي الحضه صرت اتنفس بسرعه ما اكدر اتنفس نزل باوعلي كالي
احمد: زهراء تحبين مصطفى
زهراء:مو بس احبه اعشكه بروحي هوه ولا فدوه يوم نسيته
احمد:لعد هذه منو الي جنتي تحجين وياه
ما كدرت احجي درت وجهي رجع كال
احمد:هذه منو كولي
زهراء:خطيبي
احمد:أها الله يحفضكم لبعض خويه
زهراء:بس اعرف اني ما احبه
احمد:شلون ما تحبيه
زهراء:انخطبنه واني اهلي طردوني بسببه ورادوا يكتلوني اخخخ كلبي اطرينه نخطب لأن اهلي يكتلوني إذا ما تزوجته
احمد:شلون يعني رادوا يكتلوج
كومني وكعدت بكرسي حجيتله كلشي صار وياي من الالف للياء واني دموعي تصب هوه يستمعلي بدون حرف خلصت ودرت وجهي أخذ نفس من الوجع يشتد عليه وكلبي نار دموعي حاره صح بارده بس اني محتره وما احس بالحوالي استمعلي بهدوء وكال
احمد:ليش ما اشتكيتي ولا تنخطبين لشخص ما تريديه
زهراء:شنو مخبله اشتكي على اهلي ذولي اهلي مهما كان لو شنو يصير يبقون اهلي
احمد:أها صح اني اسف
زهراء:لا خويه لا تتاسف
احمد:زين انتي ليش ما حبيتيه مو زين وياج شي من هذني السوالف
زهراء:لا هوه حنين وياي ويحبني يعشكني منطيني حريتي بس ما احبه لأن احب مصطفى ما اكدر احب غيره ما اكدر
احمد:لازم اني من شفت حبه الج وخوفه عليج عرفت حابج زهراء لا تخسريه يحبج ومصطفى بالجنه أن شاء الله وأكيد ما يقبل تبقين وحدج وهيج تسوين بروحج
ذبيت نفس طويل بحيره وضياع خنكه هزيت راسي ونزلته
زهراء: ما اكدر والله ما اكدر روحي وعقلي وكلبي كله مصطفى
احمد:الله يعينج والله صعبه ادري بيج وادري بحبكم لبعض المهم اعتبريني اخوج وحبيه لخطيبح لان اكيد راح يعوضج عن مصطفى
زهراء:جااي احاول ما اكدر
احمد:ايي
زهراء:احمد اريد صور مصطفى
احمد:ليش شنو ما عندج صوره اله
حجيت بحسره طويله
زهراء:موبايلي انكسر
احمد:أها تمام راح اطيج رقمي بورقه
زهراء:تمام
طلع ورقه وقلم كتب رقمه اخذته واني ارجف بالحضه احمد انلزم من ياخت صدريته باوعت شفته شهم خفت حيل لزمه بالحايط وصاح بوجه بكل عصبيه والأكل بالكاع ايدي وجعتني دخت حيل رحت حاولت ادفعه ما اكدر شريانه مبينه وعيونه تناطح حمر من العصبيه صاح
شهم:أنتهه منوو وليشش مبجيهه شعندك وياه
حجه برود وأشر على أيده
احمد:ايدك نزله
شهم:أنتهه منوو حاجينيي
زهراء:وخر شهم فدوه وخرر كافي ترى تعبانه والله تعبانه ما عايزه
شهم:منو هذه شبيج تبجين؟
احمد:اخو مصطفى خطيبه المات الله يرحمه

من كاله عفتهم واني ابجي مقهوره من اذكرت ايامنه شريط حياتي وياه مرت من كدامي ضحكنه فرحتنه امشي واني ما ادري بروحي بس امشي صافنه ابجي لكيت روحي بشارع وصوت هورن اجت بسرعه واني واكفه بصدمتي اجتني دااندعم جرني شهم بسرعه من ايدي بعدني عن الطريق وكفت السياره نزل الرجال اعتذر وكال ما شايف طريقه وعافنه شهم خازرني بقوه بس اني بارده دفعت ايدي منه مشيت للمستشفى حسيت بايد على أيدي لازمتني قوي درت وجهي لكيته شهم صحت بازعاج
زهراء:شرايد مني شرايد عوفني بحالي
شهم:اني مو كتلج ابقي يم مرتضى ومحمد شعندج طالعه هاا
احجي وابجي ودايخه كوه اطلع الكلمه
زهراء:ع عوفني ب بحالي عوفني ت تعبانه تعبانههه
عاف ايدي لزم بوجهي يباوعلي عيوني نعسانه كوه افتحه اريد اكعد حضني باس راسي شفت احمد واكف يباع ومكتف أيده ملامحه بارده وتذكرت مصطفى ما يروح من بالي ما يروح دفعت شهم استغرب مني عاكد حاجبه ويباوعلي يتفحصني شبيه مستغرب أبعده من حضنه يعرفني تحب حضنه واحس بالامان وادفى بين ضلوعه اطيته ضهري ومشيت بتعب وبكل مكان اشوف مصطفى اذكره واحسه يمي وافكار هواي بالي ما ادري شلون وصلت للغرفه دخلت كعدت بضعف وإرهاق ذابه روحي اجه شهم دفر الباب وركض على مرتضى وضربه راشدي قوي محمد يباوع ما عارف شنو السالفه صاح شهم
شهم:لكك شلوننن عايفههه بحدههه شلوننننن
مرتضى:هيههه راددتتت تروح وحدهه اني كتله بس هيه ما قبلت
شهم:وانته تمشي برايههه ولكك روح وياه لا تعوفه بوحده
مرتضى:ليش شصار
كمت صحت بعلوا صوتي المستشفى كله سمعت الصوت
زهراء:كافييي كافيييي ما بيههه شييي لا تلومههه خلصصص عوفههه مالييي خلكك المشاكللل تعبت والله
ما احس بشي بس دوخه عيني مغوشه اجاني شهم بسرعه وكعت بحضنه يحاول يكعدني اجه مرتضى وما احس كعدت واني بغرفه المستشفى فوكاي شهم كال
شهم:ها بويه تحسين بشي تعبانه
حركت وجهي بمعنى لا درت وجهي على الجهه الثاني يبوعلي مجروح مكسور من حركاتي وطريقتي وياه يجر نفس كوه يطلعه رجعه نفسه للحائط ومكتف أيده وحجه
شهم:أوففف أوففف اون من لوعتي وكالوا يغني،
أنتي حركتي البحر من بعد سكته وإنتي خليتي السؤال الماعرفته
وإنتي خليتي النجم بعيوني يلتم
والنجم مو هينه لمته
إنتي رجعتي النفس لسنين ميته
وإنتي خليتي الغصن بالروح يثمر كبل وكته
وإنتي رجعتي الحنين البالصغر عند أمي شفته
إنتي ربحي وعوضت كلما خسرته يا جميله بكل غصن وجهج رسمته وجه ورده والنده إيغازلها جبته جيث أشوفج والكمر وياي جبته ويوم شافج أحله منه گالي خليها سكته.