Star god (Demon)

Episode 8

ဆော့ဂျင်တစ်ယောက် ဘာမပြောညာမပြောနှင့် စားပွဲမှထသွားသဖြင့် ထယ်ယောင်းခမျာ ကြောင်တောင်တောင်လေးကျန်ခဲ့၏။ မကြာမီ အခန်းတွင်းမှ ပြန်ထွက်လာပြီး ကုတ်အကျီရှည်ကိုယူကာ အပြင်ကိုပြန်ထွက်သွားပြန်သဖြင့် ထယ်ယောင်းတစ်ယောက် ဘာမှမပြောလိုက်နိုင်ပြန်။

ထယ်ယောင်း:အွန်း..ဒီနတ်ဆိုးက ပေါ့သေးသေးတော့မဟုတ်ဘူး...သူမရှိတုန်း ငါသိချင်တာလေးတွေ ဒါမှမဟုတ် တန်ဖိုးရှိတာလေးတွေ တခုခုရှာကြည့်အုံးမှ။

ဒီလိုကြံစည်ကာ ဆော့ဂျင်မရှိတုန်း ဆော့ဂျင်အခန်းတွင်းသို့ဝင်သွား၏။ သူမြင်လိုက်ရတာက မထင်မှတ်ထားလောက်အောင် သပ်ရပ်နေတဲ့အခန်း။

ထယ်ယောင်း:ဝါး..ဒယ်ပါ့ သပ်ရပ်နေတာဘဲ..

သူခဏလောက်ဟိုဖွင့်ကြည့် ဒီဖွင့်ကြည့်လုပ်နေရာမှ အခန်းထောင့်က ပန်းအိုးတင်ထားတဲ့ ဘီရိုလေးပေါ်ရှိ တလက်လက်တောက်နေသောအရာလေး။

ထယ်ယောင်း:တွေ့ပြီ! ငါရှာနေတဲ့တန်ဖိုးရှိတဲ့အရာလေး..

ထိုအရာကတော့ ဆော့ဂျင်ရဲ့ personalသုံးBlack Cardပင်။ ထယ်ယောင်းတစ်ယောက် ထိုကတ်ကိုမြန်မြန်ယူလိုက်ကာ မကြာသေးခင်ကဝယ်ထားတဲ့ Gucciကုတ်အကျီကိုယူကာ သူရဲ့ပြိုင်ကားနဲ့သူသွားနေကျ Brand Mallတစ်ခုဆီသို့ သွားလိုက်သည်။ ထိုMallထဲကို သူဝင်လိုက်ခြင်း ဝန်ထမ်းအားလုံးက အရေးကြီးဧည့်သည်လိုမျိုး ကြိုဆိုကြသည်။ တကယ်တော့ ထယ်ယောင်းက ထို Mallရဲ့ VVIP memberတစ်ဦးဖြစ်၏။

ထယ်ယောင်း:Gucciတွေ အသစ်ဝင်တယ်လို့ကြားတယ်။ အဲ့တာအကုန် ငါ့ကိုပြပါ။

"ဟုတ်ကဲ့ သူဌေးလေး"

ဝန်ထမ်းတွေက ရောက်သမျှ Gucciအသုံးအဆောင်တွေကို ထယ်ယောင်းဆီယူလာကာ တစ်ခုပြီးတစ်ခု ပြကြသည်။ ထို့နောက်..

ထယ်ယောင်း:ဘယ်လိုလုပ်ရပါ့!..အကုန်ငါ့အကြိုက်တွေဘဲ..မန်နေဂျာကြီး အကုန်ထည့်လိုက်ပါ..ပြီးတော့ဒီမှာ ကတ်..

ဆော့ဂျင်ရဲ့ကတ်ကိုဝံ့ဝံ့ကြွားကြွားထောင်ပြကာ မန်နေဂျာကြီးလက်ထဲထည့်လိုက်သည်။ ထိုအဖြစ်အပျက်ကိုဘေးကဝိုင်းကြည့်နေတဲ့ သူဌေးသမီးလေးတွေကလည်း ထယ်ယောင်းပေါ် အသေအကျေကို ကြွေနေကြတော့သည်။ ဒါကိုရိပ်မိတဲ့ ထယ်ယောင်းက ထိုကောင်မလေးတွေဘက်လှည့်ကာ မျက်လုံးတစ်ဖက်မှိတ်ပြလိုက်သဖြင့် ကောင်မလေးတွေလည်း အကောင်ကိုက်သလိုကို ထအော်ကြလေတော့သည်။ ဒါကိုကြည့်ရင်း ထယ်ယောင်းကတော့ ပြုံးပြုံးကြီးနဲ့ထွက်သွားတော့သည်။ ဒါမဲ့...