රිද්මය(GL)

Chapter 16

"ඕයි අයියේ එළියට එනවා.වෙඩින් එකකට යනවා නෙවේ ඕයි"

"ඉන්නවකෝ වදේ පොඩ්ඩක් මන් මේ කොන්ඩේ හදනවා"

ඔක්කොමලා නිවාඩු දවසක් හොයාගෙන අපි කට්ටිය කතා උනේ beach එකට යන්න.සෑහෙන දවසකින් එකට කොහේවත් ගියේ නැහැනේ.යොෂින් මට උදේ ම එන්න කිවුව පාර ආපු එක තමයි මන් මේ ඉන්නේ....අයියගෙයි නංගිගෙයි වලි බලාගෙන. ඇත්ත තමයි කතාව හැබැයි....අයියට පැය ගානක් යනවා ලෑස්ති වෙන්න.කාර් එක එලවන්නේ ඌ නිසා දාලා යන්න ය.පව් මගේ කෙම්ල.

"ඕන් ආවා....so....how do I look"

"U look like a dummy.එනවා යන්න.අර බෝයිපෙන් දැන් බලන් ඇති පැය ගානක් තිස්සේ ගන්න එනකම්"

"I was on facetime with him while doing makeup.He knows "

"Aarghhh එයා ගැන හිතන්න පුළුවන් මේ අහිංසක නංගි ගැන හිතන්න බැහැ.හහ්.මේ බලනවා දාඩියත් දාලා මට. ආශු යන්"

අයියා දඩබඩ ගාල පඩිපෙල බැහැගෙන කා පාක් එකට ගියේ මේ චෝදනාව එල්ල වෙන බව දැනගෙන ද කොහෙද.හැබැයි අපි දෙන්නා යනකොටත් කා එක start කරලා වත් නැති බව දැකපු යොෂින්ගේ කන් දෙක ආයෙම කේන්තියට රතුවෙන දිහා මන් බලන් හිටියේ හිනාව තද කරගෙන.

"මොනාද කරන්නේ ඕක-"

"මේ.....පොඩි අවුලක්....පොඩි නෙවේ ලොකු අවුලක්...කාර් එක start වෙන්නේ නැහැනේ"

අපි තුන්දෙනාම මූණට මූණ බලාගත්තේ දැන් මොකද කරන්නේ කියලා හිතාගන්න බැරුව.

"අනේ මට කොහොමහරි යන්න ඕනෑ.....කාලෙකින් ගියේ නෑ කොහේවත්.aaahaaaaa"

"ඉන්නවා බොරුවට අඩන් නැතුව තාත්තාට කතා කරන්නම් මන්"

"තාත්තා අම්මත් එක්ක ෂොපින් ගියා ඕයි තවුසේ කාමරේ අස්සේ රිංගන් ඉන්න වෙලාවෙ."

"අඩේ....දැන් මොකද කරන්නේ"

"අපි ගල්කිස්ස beach එකට යමුද?එතකොට train එකේ යන්න පුළුවන්....මේ වෙලාවට ඇති මන් search කරලා බලන්නම්."

"අහ්...එහෙනම් බලන්නකෝ ඊළග train එක කීයටද කියලා...මන් ගිහින්ම නැහැ හැබැයි train එකේ..."

ඔයා වගේ නෙවේ කෙම්ලේ පොදු ප්‍රවාහනය භාවිත කරන පරිසර හිතකාමී පුරවැසියෙක් මන්.හොඳ වෙලාවට පැය බාගෙකින් train එකක් තිබ්බා ගල්කිස්සට.