السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، إنك حميد مجيد فلا بأس. 🤍
.
.
.
.
.
_________________________________
2011 \ 6 \ 16 \
بغـداد "
گاعدة وحدي بالغرفة صافنة بالوضع ما فاهمة
شي من الي جاي يصير هسة اني غلطت ؟
كلها ضدي ضربوني اي بس هسة شكو
شنو هل فستان الي لابستة
شنو زواج اصلا هاذا عقاب الي بس اني
ما فاهمة شي
مجرد طفلة صغيرة ما فاهمة من هل عائلة
شي وكارهتم كلهم بسبب تعقدهم
انفتح الباب باوعت ساكتة اشوف امي عيونها
حمر تقربت مني كعدت بالكاع يم ركبتي
ولزمت ايدي حيل تبوسهم
بلعت ريك واني انقهرت على حالها
_ ماما
_ اسفة اسفة بنيتي ما كدرت احميج منهم
اني ما كدرت
_ شكو ماما ليش جابو السيد وليش
سألوني اذا موافقة ؟
باوعتلي بعيونها الحلوات الي من يوم
مات ابوية ما شفت بيهم سعادة _
_ زواج هاذا زواج بس هيج مجرد زواج
ينتهي وعد
_ يعني صرت مثلج
_ لا لا لا تبقين يمي وتنامين يمي بس
اسم زواج
_ ومنو زوجي ؟
_ محدد محدد لا تكوليين زوجي لا تكولين
محد زوجج
رفعت الفستان من يم رجلي وكلت
لامي بحزن _
_ ماما توجعني شوفي
مسحت دموعها بشالها واجتي حضنتني
قوي تبجي وتلوم _
_ شلون تنهزمين شلون ما تعرفين خوالج ؟ ها هيج احسن
_ اختنكت ماما حابسيني هنا خلي نرجع
لبيتنا
_ ماكدر ماكدررر
بجت بجزع تشهك نزلت دموعي بقهر
وكلت امسح دموعها بيدي _
_ اسفة ماما بعد ما اشرد والله
_ شيفييد شيفييد زوجوج زوجوووج
_ يعني شنوو
بجيت بخوف واني اباوع عليها بجت وبجت
وبجت لحد ما سكتت بس
تباوع عليه بعيون مورمة ابتسمت وسط
دموعها
ومسحت دموعي
_ مجرد زواج محد يطخج محد
_ مو انتِ گلتي البنية الة تكبر وتتخرج يلة تتزوج
_ اممم
_ بس اني صغيرة بعدني بالمدرسة وعمري
13 ليش تزوجت
