السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، إنك حميد مجيد فلا بأس. 🤍
.
.
.
.
.
_________________________________
ترف:: فتـحت عـيوني على اصوات وضربات بخدي غواش بعيوني اباوع عليهم كلهم متجمعين بقلق فوك راسي امي كاعدة على جهى وصگر لازم ايدي وخدي يصحي بيه
ريفال _ صحت صحت شوف
صگر _ ترف ...تسمعيني وياي
هزيت راسي مسطورة غمضت شوية واسترجعت كل الي صار وكعت عيوني على تمارة واكفة تباوعلي بقلق دمعت عيوني ودرت وجهـي لزم وجهي صگر بثنين اديه
_ ترف!؟ شبيچ عش واكعة هل وكعة الكشرة منهو وياچ
حاولت امنع الغصة البجية الي تجي بسدة حلگي بس عبس حلكي اشهك ما سويت شي والقران ليش كمت احس باحساس الخاينة شهكت وبجيت من گلبي
الكل انصدم يسألون شصار شكو امي تتوسل وصگر يحچي بحنية وهشام دوخة واني بس براسي خنتهم ؟ سوء فهم بالغلط ما ادري
فززتني صرخة صگر بية _
_ رددددي عليييية لا تخبلينيييي شصاااار شبيچ ؟؟؟
ترف _ مـ ما ما بية شي دخت خفت من الكهرباء طفت
عقد حواجبه باستنكار محد مصدگني _
_ شوداچ لهاي الغرفة وانتي ويا تمارة ؟؟
باوعت على تمارة بخوف واكفة كلت _
_ راحت للحمام خفت وحدي و وانرهبت عـ عبالي نفس ذاك اليوم و...
صگر _ اششش كافي يله ماكو شي تمارة ماي جيبي ماي
جابتلي كلاص ماي واني صافنة ودموعي تنزل شربني ماي هوة واني ما اباوع عليه خجلانة منه وخايفة يكشفني ما اكدر احجي اريد احجي واخلي ياخذ حقي بس كلشي ملخبط
نمر ضن اني تمارة راح تخرب خطبتهم اذا حجيت راح صگر يسوي مصيبة سكوتي اولى
هـشام _ يله يله ما صار شي اطلعو يله بابا انزلي قلقتي الكل عليچ
هزيت راسي امي باست خدي وكامت تباوعلي بقلق ابتسمتلها جذب حتى لا تخاف بقة صگر وتمارة باوعلها صگر
_ روحي انتي هسة نجي وراچ
هزت راسها بسرعة وطلعت سدت الباب توازيت ما اريد ابقة يمة هسة يكشفني وخرت الغطة اريد اكوم لزمني _
_ وين وين اوكفي احاجيچ
شغلت انضاري عنة احجي _
_ يله بسرعة جاي ينتضرونا
