السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، إنك حميد مجيد فلا بأس. 🤍
.
.
.
.
.
_________________________________
ترف:: صرخت كل قوتي من لزم ايدي عوجها يمن طگت صرخت امي بية تعت بيه منه لزمة عزيز وخرة لزمت ايدي اصرخ وهوسة هاذا الي يحجي وهاذا الي يبجي ويبرر
دخت حيل من الوجع نفسي لعبت صيحت بي امي
_ حيوااااان خنيييث شلووون تمد ايدكك عليها
جرني منها حيل وضربني راشدي قوي كال
_ اكسر راسها بت الچلب
دفعني حيل ورة الراشدي لزمني نمـر قبل لا اكع صرت بحضنة حيل لزمني بحضنة ضمني وبعد ما حسيت بشي اغمى علية من گد الخوف والضربات
فتحـت عيـوني على لمسات حنـينة على راسـي باوعـت دا اشـوف شفتة هـشام عيونة صايرات حمر وجهة متهجم عدل كعدته من شافني كعدت
_ ها بابا شلون صرتي
بلعت ريك باوعت امي وتمارة كاعدات على الجرباية يمي حرگت ايدي حتى اكوم صحت بوجع احسها نار تلسع بيدي امي نطت تلزم بيدي وهشـام صافن بعصبية كال
_ منين توجعچ
_ منا منا
اشرت على جف ايدي اشهك استغفر الله وخزر امي وگال
_ كومي يلة لبسيها شي خلي ناخذها يلله
امي كامت بسرعة طلعت لغرفتنا وهشام طلع باوعت على تمارة تباوعلي بحزن كلت
_ شصار
تمارة _ كولي شنو ما صار ويا ما اغمى عليچ نـمر شالج وچان صگر يضربة وصارت عرگة بينهم وانوبة اجة هشام وشافچ هيج وجهج ازرگ ومغمي عليج تعارك وياهم وعمو ناصر ابو صگر تعارك ويا هشام وام صگر ودوها للمستشفى رجلها بس مفصوخة وصايريتلج هوسة
غمـضت عيوني بقهر ونزلت دموعي اتذكر شلون ضربني كدام الگل ولا اهتـم يسمع منو الغلطان المهم عندة يضرب ترف وهاي كله وهو سبب اغمائي وانوب يغار من نمر باله شنو لازمني لا خلي اكع بالكاع بلكت استاذ صگر يرضى
تمارة _ كلهن نكتلن صگر كتل قمـر وامل وام صگر اكـيد راح تاخذ جزائها
ترف _ لا محد يحاسبهم لا تخافين اني هنا غريبة وراح ابقى غريبة
تمارة _ ترررف شبيج
ترف _ تعبت تمارة تعبت
سكتت تباوعلي بحزن طبت امي هم وجها مخرمش لبستني الحجاب بسرعة والعباية واخذتني وصت تمارة على اخواني هشام باب الغرفة حضني بيد وحدة ونزلني جنت لازمة ايدي واريد اموت من الوجع نفسي تلعب فد نوب
