السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، إنك حميد مجيد فلا بأس. 🤍
.
.
.
.
.
_________________________________
صگر ـ عمي تريد يطبن كلية ؟
صار الوضع متوتر والكل واحد يباوع على الثاني يمكن احنا الوحيدات بالعشيرة كاعد نخلص دراسة محد بالبنات هيج وهشام ركز انضارة على صگر وحرك راسة ..
هشام ـ عجل شناوي ؟ بعد هل تعب اكعدهن بالبيت ؟
صگر ـ لا موهيچ بس هسة ؟
ترف ـ لعد شوكت غيـر ادخل كلية واصير محامية
ضحك بخفة ضحكت ويا رافعة حاجبي ـ
ترف ـ ليش تضحك والله اصير محامية
هشام ـ تصيرين اگيد واني هسة كدام الكل اكلكم ترف وتمارة اذا ما دخلن كلية وما قبلتو انتو صگر نمر ابطل حتى نسوان ما انطي
نمر ـ اني شعلي والله قابل وين لاكيها حرمتي تصرف علينا
هشـام ـ ومال تتزوجوهن ورة الزواج تقنعوهن ويبطلن لا غصبا عليهم يداومن ويتخرجن يعني الي اسمع بيها غايبة يوم واحد اجرها هنا واكسر راسها وغصبا عليها تروح
منصور ـ لا انشاء الله خطهن يجيبهن ويرجعهن
نمر ـ بس اني اريد استقر بغداد
هشام ـ اي هنا بنفس الكلية الي اداوم بيها بغداد
صگر ـ يعني اني الطايح بيها ؟
هشام ـ خليها يم اختها
صگر ـ لا خوب اوديها اني وارجعها ومن التحق ابقيها هنا
هشام ـ هاي هيا
ام صگر ـ هاذا ضيم وشلعان كلب شنهو عايزين تا يشتغلن هاذا الخير اعلى من روسنا
هشام ـ ام صگر مو على الخير بس هاي احلامهن قابل اكعدهن بالبيت كعداتچ
ام صگر ـ يا وشمالي اني ابو صگر مدللني
هز راسة هشام وامي تضحك رحت للمطبخ اكل كيك وفرحانة حييل طبت قمر وتمارة ومريم كالت مريم
مريم ـ همزين اني مبطلة مريحة راسي
قمر ـ والله جذابة قبل يومين تبجي عش كلها تدرس واني مبطلة
ضربتها متت ضحك عليها كالت تمارة ـ
ـ يا الله ما مصدگة راح ادخل كلية واحط مكياج وكله اكعد وبيدي الكهوة ومن اتخرج هم ارجع عليهم ما يخلصون مني واصير الدكتورة تمارة هشام وادرسهم احلى مادة انكلش
