السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، في العالمين إنك حميد مجيد . 🤍
.
.
.
.
.
_________________________________
هـشام _ انتِ طالـق
عصرت ايد ترف حيل غوشت عيوني وغمـضت
روحـي متوجعة منة من كل النواحي هواي عذرتك هشام هواي
.
.
مو ذاك الاعرفك انت من سنين اطباعك علية هواي مختلفة مدغيرة الملامح بيك والاشواك وجياتك احس مابيها اي لهفة جنت تجرح كبل يومين عندي يطيب هسة الجرح منك ابد مايشفة وجنت توكف كبل والعين تحجي العين هسة شبيها عينك شو صفت صلفة كبل حجيك ذهب والناس تمدح بيك ومن تحجي عسل تتناثر الشفة هسة اختلف حجيك كلة ذم واعتاب وبكلمن يودك كمت تتشفة على جتافي حملتك سرت بيك دروب وبنار العشك جمدوب اتحفة ونار البية منك ابد ما تطفة شمسح من ذنوبك وانت شو كل يوم تجرح بالكلب وادكلي ما اشفة طك صبري وخلص والدمع شح العين وهم البلكلب ماضن بعد يخفة
فتحت عيوني على ضوضاء وسوالف يمي باوعت شفت ترف وام آديب وصگر ونمر وعزيز كلهم كاعدين انتبهتلي ترف اجت خايفة وتبجي
_ يممة يمة
نامت على صدري تبجي رفعت ايدي بالكوة على راسها اجة صگر كال بسرعة
_ عمة شلون صرتي ؟
هزيت راسي كعدت يمي ام آديب _
_ الحمد لله على السلامه صارلچ يومين نايمة خوفتينا عليچ
ترف وخرت تبوس بوجهي كال صگر
_ على كيفچ وجها ولج مورم
ترف _ يمة اسفة يمة اسفة كلة بسببي كل وجعچ بسببي اسفة يمة اسفة
ابتسمت بتعب مسحت دمعتها
_ لا تلومين نفسج المكتوب يصير
اجت الممرضة جيكت الوضع ثاري صارلي يومين فاقدة من ضربة راسي القوية ما الي نفس احجي شي ولا الي نفس افكر بالي صار وين هشام وشـكد اني متاذية منة
طلعو الولد مادري وين بقت ترف وام آديب كلت بهدوء
_ اخوتج وين اختج
ترف _ بالبيت بدر ويسر يمها خايفة عليچ
هزيت راسي كالت ام آديب _
_ لا تنقهرين اميرة لحضة غضب يرجعج على ذمتة والله
اميرة _ ميرجعني كرهني ادري بي
ترف _ اني احجي ويا اعتذر وابوس رجلة اذا راد بس يرجعج
باوعت للسگف وكلت بنبرة باهتة
