السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، إنك حميد مجيد فلا بأس. 🤍
.
.
.
.
.
_________________________________
اميرة:: وبلحضة ما حسينا ولا انتبهنا دوت طلقة بالمكان عطنا فد صوت وهشام التفت مفزوع وشاف نمر واكع بالكاع ودمة ترس الكاع
تمارة عاطت بعلو صوتها وكعت بالكاع وبلحضة تحول الفرح الى حزن وعزاء ...
عطت بعلو صوتي ولطمت على وجهي عفت ترف بالكاع ما صحت حتى على صوت طلقة
ركضنا على نمر حتى تمارة تعيط وتحاول تلزمة وصگر بمكانة يرتعش بعصبية وعيونة مشكلة على نمـر. ...
هشام ـ لككك حيوااان تعااال شيلة وياااي
وصگر لا حس ولا نفس كلشي صار بسرعة ما اجة ساعد هشام وهشام شاله على ضهرة وطلع رحت على ترف اصحي بيها واعيط
ـ ولچ يمممة كعديي ولكم بنتييي صگررررر
وصگر مثل الي صحى على زمانة التفت عليه ونزل عيونة على ترف اجة عليها ضرب خدها يصحي بيها ما تصحي كلبنا عليها ماي ماكو
نزل راسة على مكان كلبها وعقد حواجبة كام خلة مسدسة باحزامة ودنك شالها ركضت ويا بس تمارة بالبيت اخذتها وياي هيا والجهال
ويا صگر وخليتة ينزلهم يم بيت منصور حتى ما التفتت عليها بس انطيتها فرح وكتلها دخلي جوة الطريق كله نصحي بيها وهيا ماكو مثل الميتة تخبلت ابجي واعيط
وعيني بصگر كل شوية يغمض وياخذ نفس ويهمس مدري شنو وهشام خابر كاله اني بكذا مستشفى وجاي يطلعون الطلقة من ايد نمر ..
وصلنا للمستشفى وشالها بيدة لاول مرة بكد مت خايف عليها حتى حجاب ما لابسناها شعرها مثل الملاك حرير يتحرك وياها من شايلها
اخذوها من ايدة للطوارئ جان موقف مرعب يسألون شماخذة وما نعرف يكولون شبيها كنالهم لكيناها فاقدة
جان اصعب شي عليه واكثر شي يخوف واني اشوفهم كدام عيوني يصعقونها صعقات كهربائية لان حرفيا نبضها توقف
جنت ابجي كل علو صوتي واصيح بنتي هشام ما ادري شوكت اجة ما حسيت ولا انتبهت لازمني لا اروح عليها
اخيرا رجع نبضها مستعدل وخرو عنها وخلولها الأوكسجين كمت احمد بالله وابتسم وابجي
صگر من رجع كلبها ينبض كعد بالكاع مخلي اديه على راسة والدكتور تقدم علينا
ـ شماخذة ؟ كلبها تعبان كلش لدرجة راد يتوقف
هشام ـ صدگني ما ندري جنا طالعين ومن طبينا لكيناها واكعة
