( احم تغير موعد التنزيل راح يكون بين يوم ويوم 👈👉😶)
السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، إنك حميد مجيد فلا بأس. 🤍
.
.
.
.
.
_________________________________
ترف:: تـرف ...✓
اول ما دخلت هل بيت شهدتهم يضربون
امي ضرب مو طبيعي ومستحيل اني انسى
هل مشهد
چانت تضمني بحضنها خايفة علية ومحد
مهتم بوجعها ولا بالطفلة الي تبچي بحضنها
ما جنت افتهم ليش يكرهون امي ولا
احد يكلي جانو الجهال بالبيت والنسوان
يعايرني ( النغلة ) لا اعرف شنو نغلة
واذا كلت لامي تكلي معليج بيهن
جنت بس اراقب شلون يصيحون على امي
على اقل شي اشوفها تتعب وتشتغل
مرات حتى ما يبقة اكل تاكل
ونسوان ولد عم امي ونسوان خوالي هم
يقفلون الثلاجة
جديتي ام امي ساعة زينة وساعة لا
مرات تتعارك وياهن وتوكف ويا امي
ومرات تكلها طبج مرض منو كالج
تشردين
من يصير الغدة او العشة ما نكعد اني وامي
وياهم ولا اصلا احد يصيحلنا
حتى مرات ميبقة اكل بالجداري
ناكل وراهم
ومرات امي تصيحلي
تضملي لفه وتضمها لو بصدرها لو
تصيحلي اخذها وروح برة اكعد اكلها
جنت صغيرة وما افتهم ما اكول اذا اكلت
اني هيا شراح تاكل
جانن بنات خوالي ولدهم الصغار الي بنفس
عمري
يكرهوني هم على كره اهلهم ومن يشوفونهم
شلون يعاملوني ويعاملون اني
يسوون نفس اهلهم
مرات يلعبون وياي وما يسوولي شي
ومرات يضربوني احاول ادافع عن نفسي
بس همه هواي
يكتلوني بسبب الساني ارد عليهم
ويكتلوني ما جان احد يدافع عني بس
امي تلزمهم وتكتلهم
تصير مشكلة شكبرها بالبيت وامي هم تنضرب
بس ما تخليهم يضربوني
تحاول شكد ما تكدر تحميني
لحد ما صار عمري يمكن 8 سنوات
صار شوية تغير بحياتي شوية
صار بابا هشام هم يحبني جان ما اله
شغل بيه ولا بامي اصلا لا يباوع علية
ولا يحاجيني
اغار وانقهر من اشوفه يدلل بناته
ويحضنهم
كدامي اتذكر بابا كمال بابا كمال الي ما شبعت
منه
اتذكر الذكريات ويا ومستحيل انسه
ما اتذكر كلشي كلشي بس
اتذكر من نروح اني وياه
للمحل شلون شايلني على ضهرة
