السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، إنك حميد مجيد فلا بأس. 🤍
.
.
.
.
.
_________________________________
ترف:: اباوع على رجلي ملفوفه نايمة على جربايتي وصافنة بضياع وخوف من كلشي احجي ؟ راح اخرب حياة اختي وسعادتها اسكت ؟ اخاف يرجع يتعرضلي ذيج البوسة ذيج البوسة مو غلط والله مو غلط
اعتذر مني وكال عبالة تمارة بس ما صدكت وسكتت ما سويت مشاكل بس لان مخطوبين ولان اذا عرف صگر راح يسوي مصيبة
بس هسة نفس الملابس والله الوحيدات الي طابعات ابالي نفسهن وما عندي غير هل دليل
قطع تفكيري فتحة الباب وامي طبت بيدها دولكة ماي كالت _
_ ها يمة خوما توجعج ؟
_ لا
جذبت واني رجلي توجعني ما الي خلك لـ اي شي انطتني مسكن شربت خلت ايدها على خدي _:
_ حبيبة امچ انحسدتي والله
ضحكت بخفة _
_ منو حاسدني يمة
_ يا يمة غير الگمر تمشين وعينهن عليچ
ابتسمت بخفة وهيا تجيب وتحجي وخايفة وقهورة اخر شي كالت _
_ لاا اني بعد منا وهيج اشغل بخور حرمل وابخر البيت
_ يمة ماكو داعي اني وكع من ايدي القوري
_ طبعا متدرين يا يمة هيا العين بالمكان هسة ارتاحي علمود باجر ناخذج يعقمونها
هزيت راسي وطلعت امي غمضت عيوني بتعب ونفسي تلعب هواي ماكو دقايق وطب صگر سد الباب وتقرب عليه عاقد حواجبة بانزعاج ابتسمت بوجه مد ايده يلعب بشعري
_ توجعچ ؟
_ لا ما توجع شوية
تنهد وكال بهدوء _
_ منهو راد منچ تكومين وعش تجيبينه انتي
_ اني كمت محد كالي شفت ريفال تعبانة و ردت اساعدها
تقدم اكثر صار بصفي واخذ راسي على صدرة ايدة على راسي والثانية على ضهري يبوس بكصتي غمضت عيوني اشم عطرة الحلو كال
_ باجر اجيچ اخذچ للدكتور واذا وجعتچ باليل خابريني بس
_ اممم
لزم فكي بخفة رفع وجهي وطبع بوسه كام من مكانة وكال _
_ لازم اروح هسة امي خابرتني تكول مريضة وتريد تروح للدكتور
هزيت راسي رغم ادري بعمتي كذابة متريدة يبقة يمي واكدر هسة اخلي يمي واكشفها لعمتي بس اني الي اريد اضل وحدي اخاف تخوني مشاعري واحجي لصگر وتصير مصيبة ..
