السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، إنك حميد مجيد فلا بأس. 🤍
.
.
.
.
.
_________________________________
ترف :: اني گلت تغير گلشي واكيد تتسألون شنو الي تغير ؟ تدرون كلكم بيتنا وذكرت شلون صاير قديم وبوقتها ورة طلاك هشام وامي باسبوع مطرت مطرة قوية حيل رغـم چانت الدنيا حارة يعني بداية الصيف بس المطر حب يودعنا واستمر المطر اربع ايام بدون توقف والبيت فد نوب صار رطب والغرف الفوك صارت فد نوب حتى نزلنا جوة ونزلنا اغراضنا لان حتى الغرفة بوطت من السكف راح تكع
وللاسف البيت الجوة هم بوط وحتى وكع السكف وبوقتها نص اليل انخبصنا وشلنا اغراضنا فرغنا البيت جابو گية جبيييرة آديب وريفال وامة واختة راحو لبيتة
نمر وامة وعزيز وجدي وبيبي ابو صگر تدروين وين ؟ هسة تگولون هذولة طشارهم ما الة والي بس اجرو بيت هنا علمود شغلهم بـسس صگر حن لريحة اهلة ههه مو عندا بيت بالانبار بمحافضة الرمادي رحنا اني وامي وتمارة وامل لبيت صگر الي بالانبار ومحد يدري بي بيتة كاللهم اجار بس اني ادري
ولان هاي عطلة نصف السنة رحنا بعيد وبعد وبعد راح تتغير امور چان بيت يحتوي على غرفتين وصالة متوسطة الحجم ومطبخ داخلي واستقبال جبير وطارما هم تكفي سيارة وبيها حديقة صغيرة حتى ورد بيها
والبيت ما شاء الله بناء جديد ومن كل النواحي مكمل من سيراميك لاثاث يعني اثاثنا القديم مادري وين ودوه هو اصلا اثاث كلش قديم وهشام .....يدري بگلشي وكايل لصگر يبيع الغرفة ما احجيلكم هضمة امي ساعتها وشكد تشمتن بيها وشكد حقدت على هشام عبالك بس شي يريد يخلص منة
هيا تمثل عساس ما مهتمة واني ادري بامي من تنقهر وجها يبهت وامي ضعفانة بشكل مو طبيعي وما الها خلگ ابد
غرفة اخذناها اني وياها وتمارة واخواني وغرفة ام صگر وقمر وامل بيها وصگر نام بالاتسقبال واني بية دودة يصير عندي فضول اعرف كلشي سمعت امل وصگر يحجون وتريد تنام يمة وهو طردها يتعامل وياها عبالك وحدة غاثتة يعني مستغربة اول زواجهم وحتى بعدة چان يعاملها زين يعني مو مثل هيچ يحترمها هسة لا مدري شمسوية هاي
يومين يلة استقرينا من مسواك ومن تنضيف وتعزيل وهسة بعد التنضيف جاب هوة غدة وحضرنا بالصالة كعدنا گبل لا ناگل گال
_ اسمعني عدل قمر تمارة ترف امل جبتچن هنا حتى ارتاح من وجع الراس ترة اني ما عندي جبيرة وصغيرة والله ثم والله اذا سمعت وحدة تعاركت وطلعت صوتها لا الزمها واعلكها هناا ممنوع الباب ينفتح بيدچن يندك الباب تطلع بس امي حتى انتي عمة ممنوع تطلعين
