السلام عليكم غزيلاتي 🦌
تـجبر الرماد 🔥
بقلم الكاتـبة : فاطمـة الشمري
.
.
.
🤍 اللهم صل على محمد، وعلى آل محمد، كما صليت على آل إبراهيم، وبارك على محمد، وعلى آل محمد، كما باركت على آل إبراهيم، إنك حميد مجيد فلا بأس. 🤍
.
.
.
.
.
_________________________________
ترف :: وهاذا سبوع وهشـام حاجة خالي على السالفة واعتذر خالي منة وام نمر هم اعتذرت ونمر وتمارة
جانت رافضة رفض قاطع ترجعلة بس هو ما ادري شلون قنعها وسكتت وكالت مسامحتة بس لساها طافية مو مثل قبل ودست على كرامتي ورحت دا نتراضى وهم ردتني وما قبلت تتصالح وياي
عفتها براحتها وصگر اجة وهاي ثاني مرة نروح الهم وما حاجاني ولا باوعلي لحد ما اقتنعت صدك بطل يحبني ..
وكلت احاجي وافتهم منة هاي احنا يمهم كاعدين فتحت موبايلي ودزيتله
ـ لازم احاجيك ضروري
جان يكلب بموبايلة رفع عيونة عليه مثل المستهزئ لابس تراك اسود وبي موروني لاف شماغ چراوية رجعت كتبت
ـ اخر مرة
دز ـ لايك
كتبت ـ
ـ ورة البيت يم الورد رايحة الحكني
كمت كلت ل امي على كيف رايحة للحمام برة رحت وكعدت على التخم البرة بردانة ها ما كتلكم خلصت الاجازة ورجعنا نداوم
عشر دقايق وسمعت خطواتة اجة كعد بعيد عني يدخن جكارتة بلعت ريگي ـ
ترف ـ شلونك ؟
هز راسة سخب الدخان وذب الجكارة دعس عليها كال
ـ كولي
فركت ايدي بتوتر وتقربت علية بلعت ريگي شفتة يباوع ببرود ما مهتم اخذت نفس بتعب وذبيتة كلت اخر محاولة
ترف ـ اسمعني صگر هاي اخر مرة راح ابرر الك
رفع حواجبة مستهزئ وضحك كلت
ترف ـ وراح احلف اذا تضن جذب والقران والله وروح ابوي العزيز جانت الكهرباء طافية وضنيتة انت صگر بحياتي ما حبيت احد لحد ما حبيتك ما فكرت باحد غيرك ولا فكرت تفكير اخونك بس اذا انت لسة مصر على هل حالة خلينا نسوي غير شي
جان يدخن يباوعلي باستهزاء ـ
ترف ـ تريد احاجي هشام وننفصل ؟
ما جاوبني عصبت كلت بهدوء ـ
ـ صگر احجي وياك ؟ تريد ننفصل لا تخاف ما راح اخليك بموقف محرج راح اكله اني ما مستعدة وهشام راح يتفهم و...
صگر ـ ترف
سكتت مال جسمة وتقرب من وجهي يحجي ـ
صگر ـ تضنين لو اشك بيچ مخليچ لسة على ذمتي ؟
