صعدت فوگ للغرفة كسرتها تكسير حتى للكنتور
والميز كسرتهن نمت ع الگاع و وجع گلبي
كتلني گعدت الصبح وما طلعت ضليت مشغل
اغاني واندب حظي وادعي ع كل من كان السبب
بحالتي صار العصر وأنا بدون اكل نزلت للگراج
واحوم بالمنطقة صار الليل وأنا كلشي ما حاط
بحلگي ، رحت لحديقة عامة ، اشتريت لفة
وگعدت ع مسطبة شوي ومطرت الدنيا مطر قوي بقيت بمكاني بلكي المطر يطفي نار گلبي
رفعت عيوني أشوف بنت واگفة تحت المطر
وفاتحة أديناتها وتفتر أندار وجها ع جهتي
وشفتها هاي دُرة چنت أتمنى لو اروح واضمهة
بين ضلوعي گلبي يحترگ وي كل دمعة منها
تفتر وتبچي گلبي انكسر عليها شافتني
وبقت تفتر ما اگدر اتحمل خليت ورحت
صعدت سيارتي ومشيت للبيت قفلت الغرفة
حتى محد ينضفها أنا أريدها مكركبة نمت بالگاع
وبعد ما حسيت بشيء .
مر كم يوم نفس الوضع حد يبوم چنت گاعد بالاستقبال أدخن وصافن بالفراغ اندگ الباب
رحت فتحت ، استغربت من شفتهم الشرطة :
_السلام عليكم
_وعليكم السلام ، تفضل سيدي ؟
_هذا بيت حجي حسين ***** ؟
_أي سيدي تفضل وياك أبنة رائد
_انتَ واخوانك كلكم رهن الاعتقال بتهمة اختطاف
المدعو فؤاد **** الـ دليم !
اجوي اخواني واهلي كلهم يستفسرون وأبوية
ما قبل ياخذونا بس گالوا :
_اعذرني حجي ، بس هذا واجبي ، ولدك كلهم
ما عندنا دليل عليهم ناخذهم نحقق وياهم ويرجعون أما رائد فـ أكو دليل قاطع هوَ
و المدعو تُراب أبن عم الضحية الهم أيد
بالموضوع .
حطوا سلاسل بأديناتي ورجلية أما اخواني بس
لزموهم من أديناتهم أخذونا للمركز وبلشوا تحقيق
ويانة واحد واحد ...
«دُرة»
مَرت أيام والوضع نفسة ما تغير شي الروتين
يتكرر كل يوم ، حد بيوم چنا گاعدين ناكل
والكل فرحان ويضحك ، اندگ الباب وراحت
الشغالة فتحت الباب شوي ودخلوا الشرطة :
_السلام عليكم
ردَو سيف وتُراب :
_وعليكم السلام ، تفضل سيدي ؟
_انتَم سيف وتُراب ، اولاد استاذ خليل الـ دليم ؟
_نعم سيدي احنا اولادة ، ليش شصاير ؟
طلعوا الكلبچات من بنطلوناتهم وگالوا :
_انتم متهمين بقتل فؤاد أبن عمكم
سيف عاين التراب وجاوب الضابط :
_العفو سيدي ما يحقلك تاخذنا بدون دليل
_ومنو گال ماكو دليل ؟ تفضلوا للمركز وتفهمون .
حطوا الكلبچات بـ أدينات تُراب وأنا لزموني
بس ما حطوا الكلبچات ، دُرة حاولت وياهم
بس ما يقتنعون ، أخذونا للمركز ، ودخلونا غرفة
التحقيق بالبداية أنا نكرت وطلعوني وبعدها تُراب .
«تُراب»
دخلت غرفة التحقيق ، حاولت أنكر بس طلعوا
مسجلين تسجيل صوتي النا أنا ورائد ، طلعوا
سيف واخوان رائد كلهم الا أنا ورائد گالوا سجن
حد يوم المحكمة والقاضي يحكم أذا نطلع أو ننسجن
أنت تقرأ
ضَحـايا بَيـت دِليم .
Mystery / Thrillerضائِعـة بَيـن الخَـوف وَالغَرابـة أحساس لا يـُوصَف بِكَلِمـات عَـميقة لأنهُ أعمق بِـكثير لِـذلك نَلتزم الصَـمت وذَرف الدِموع وحده هوَ يَـكفي عَـن الكَـلام
