ضَحـايا بَيـت دِليم .

part 50

بـقلمي : ضَحـايا بَيـت دِليـم .

Part 50

" بـسم اللّه الـرَحمـٰـن الـرَحـيم "

ورداتي أتمنى تتفاعلون بالرواية مو بس تقرون ♥

يوزر انستا 1taj__9
****************

اه يلـچمات روحـي لـما اضـن تُـبرد

*************

فركت عيوني حتى استوعب الشفتة ، رد اصرخ و خلا ايدة ع حلگي يسكتني و يبچي بـ ونين :

سيف : لا تخافين هذا انا ، راح اطلعـچ والله اخذچ وياي ما اتركـچ ماتركـچ اسف اسف "

بچيت بـ حرگة و حضنتة بـكل قوتي ، شهگتي تعلى كل ما اتذكر شهومي شلون انذبـح گدامي ، خلى اديناتة ع خصري حتى يرفعني ، لچم رجلي بـ رجلة عطت بـ صوت خافت متألمة :

سيف : أســف اسسسف ، يابويةة اسف يروحي كلة بسببي ، والله اشرب دمة هلگواد "

_سييف روحي راحت من الوجع "

_بية ولا بيچ من حيلي لـ حيلچ يبعد حيلي "

حچاها و فلت رجلي من الحبل ، دنگ و شالني راسي ع صدرة و رجليناتي بـ الهوا ، چان الجو بارد كلش يگص گص و هوَ لابس فروة غطاني بيها لفني لف "

ماعرف شنو شاف و شهگ ردت اشوف غطى عيوني و گال :

_لا تباوعين لا تباوعين "

شددت حضني اله و هوَ يردد بـ " يا الله " "يا محمد" "يا علي" ، طلعنا من المكان و چانت الدنيا ليل ، ابتعدنا من المكان و سمعنى صوت طلق ورانا ، ركض سيف بـ كل سرعتة و يريدد "يااعلييي يا حاظر الشدات"

صرت ابچي و هوَ يردد "يا علي دخيلك" وگفت گلوبنا من حاوطونا من كُل الجهات و صاح خليل بـ استهزاء :

_تشردون مني ؟؟

ز

فر سيف نفس بـ قلة صبر و حچة مفرفح :
_الله جابك "

خليل : شتيوي مثلاً تكتلني ؟؟ انتَ ماتكتل نملة مو نوب بشررر "

تذكرت كلامة من گال انا بنت عمو حسين حچيت بـ استفسار من سيف :

_سيف صدك انا نيران بنت عمو حسين ؟؟