وخر راسة من حضني باسني بخدي بقوة أخذ التشيرت يريد يلبسة سمعنا صوت شهم يبچي
گمت حتى اطلع و هوَ أجة وراية والتيشيرت بأيدة
دخلنا لغرفة تُراب نايم وشهم يبچي ، ضحك سيف
وگال أنتِ شيلي أنا ما اعرف للاطفال شلتة ونزلت
أريد انطي لشهد شفتها بعدها بالصالة انطيتها
شهم اخذتة مني و نزل سيف يلبس بالتشيرت
وگفت ع طولها وطاح شهم من أيدها ع ظهرة
صرخ شهم بهستيريا وبسرعة سكت أخذتة
لصدري بسرعة و سيف سوا الدرج طفرة
وحدة نزلوا تُراب و دُرة يركضون ويصيحون :_شكووووو شصاير شبي شهممم
أخذ سيف شهم لصدرة وصرخ بصوت عالي كلش :
سيف : ولككككمممم أبنيييييييي ما يتحرك أبنيييييييييي .راح تراب ركض جاب مفتاح السيارة رحنا وياه
قبل يأخذنا بس شهد دفعها وما قبل تجي
واحنا بالسيارة رش سيف مَي ع وجه شهم
وگعد يبچي حضنة سيف بقوة ويصيح :_الحمدلله الحمدلله عايش .
وصلنا للمستشفى ونزلوا هوَ و تُراب ركض اخذتة
دكتورة چبيرة بالعمر ودخلتة لوحدة من الغرف
شوي وطلعت وأحنا نلوب من الخوف عليه كل
ما سمعنا صوت صراخة :الدكتورة : الطفل ما بي أي جروح بس صارت
عندة فزة قوية ، لا تخلو يخاف من شي مو زين
ع عقلة بعدة صغير .
سيف : دكتورة يعني ماكو خطر ع حياتة ؟
الدكتورة :لا ماما ما بي شي وتگدرون تأخذوا
هسة بس ديرو بالك عليه الحمدلله الضربة
مو ع راسة .راحت الدكتورة و دخل سيف أخذ شهم وطلع
بشم بي ويبوس بوسات عشوائية ، اجتة
درة اخذتة من سيف تبوس بي وتگول :درة : يا روح عمتك من عمري العمرك .
آخذة تُراب ضمة لصدرة ويبچي :
تراب : حبيبي تدري عبالي راح تروح مني
أموت أنا بدونك لا تتركني ، أريد أشوفك من
تكبر وتصير زلمة سبع .بست شهم وهوَ بأدين تُراب ، رجعنا للبيت و
سيف نزل من السيارة ركض دفر باب
البيت وأحنا نركض وراه خاف يسوي شي
لـ شهد شافها گاعدة ع التخم تبچي صاح
بصوت رج البيت رج :سيف : لچ شهدددددددددد
شهد : أبني وييين حبيبي شهمممملزمها سيف من رگبتها خانگها انطاني تُراب شهم
وراح يريد يخلص شهد من أيد سيف ، سَيف
خانگها بقوة وجسمة كلة يرجف من العصبية
شهم يبچي واحاول اسكتة بس ما يسكت
درة و تراب ما يگدرون لـ سيف يحاولون بس
يدفعهم ، رحت الهم خليت شهم بيد درة و
دخلت بين أدينات سيف وصرت بينة وبين شهد
حضنتة بقوة وهمست بأذنة :نفس : أتركها سيف عفية بداعتي عليك
تركها لزمني من خصري و رد عليَّ بصوت مسموع :
_نفس أبني چان مات بسببها ، ليش تحلفيني
_خلص هيَ ما متقصدة و هوَ مو بس أبنك أبنها
هم وتخاف عليه عاد خليها تشيلة حرام عليك
تمنع أم من طفلها .
أنت تقرأ
ضَحـايا بَيـت دِليم .
Mystery / Thrillerضائِعـة بَيـن الخَـوف وَالغَرابـة أحساس لا يـُوصَف بِكَلِمـات عَـميقة لأنهُ أعمق بِـكثير لِـذلك نَلتزم الصَـمت وذَرف الدِموع وحده هوَ يَـكفي عَـن الكَـلام