ضَحـايا بَيـت دِليـم .
بـقلمي : دُر حُـسين "
Part 38" بـسم اللّه الـرَحمـٰـن الـرَحـيم "
ورداتي أتمنى تتفاعلون بالرواية مو بس تقرون ♥
****************
«دُرة»
قاطع تفكيري الدكتور و هوَ يسألني :
_بابا شمسوية اليوم ؟
حچيت و أنا غاصة بـ البچي :
_نظفت البيت "
الدكتور : لا تشتغلين بعد بابا الطفل بـ خير الحمدلله
النزيف مو يمة ، بس ديري بالچ تسويها مرا لخ ترا
تخسرين ابنچ "باوعت لـ رائد بـ أبتسامة ما مصدگة كلام الدكتور
هز راسة يطمني طلع هوَ و الدكتور ، حدما خلص
المغذي و اجتي ممرضة شلعت الكانويلا ، و راحت
وراها بـ نص ساعة دخل رائد مد أيدة الي حتى نطلع
طلعت وياه و هوَ ما حچة ولا حرف .وصلنا للبيت چان الكل منتظرنا طمناهم أنُ ماكو شي
و رائد گعد يمهم بـ الصالة و أنا صعدت لـ بيتي اجتي
زينب وياي ، گعدنا بـ الاستقبال شغلنا السبلت لان
الجو بلش يصير حار ، بقيت يمي شوي و اجاها مسج
، ترخصت و راحت .گمت أنا دخلت للـ غرفة غيرت ملابسي و تمدد
ع السرير ، ما جايني نوم لان قبل شوي گعدت .بقيت هيچ فترة حدما سمعت صوت طقطقة
بالبيت عبالي رائد فـ ما سويت شي ولا
حجيت ، شوي و انفتح الباب چنت مظلمة الغرفة
شفت شخص ملثم و طالعة بس عيونة .عيونة مو غريبة عَـلي اعرفها بس وين شايفتة ،
تقدم و صار گدامي غطيت نفسي بـ اللحاف خايفة
منة ما ضل عقل براسي من شفتة مد أيدة بـ جيبة و
طلع خنجر صرخت و أنا خايفة :_رااااائددد "
تقرب خلى الخنجر ع بطني و حچة بـ صوت اعرفة :
خليل : تأكدي ما اخلي عايش لا هوَ ولا ابن اخوچ
انتُ راح تبقون طول عمركم مأسرين بـ قيود
بيت دليم ._بابا !!
من صارت حركة بـ الصالة هوَ كفر يم الشباك فتحة
و دار وجهة دز بوسة بـ الهوا و أنا لسة بـ صدمتي
طلع و دخل رائد و اهلة كلهم ، شافة من طلع طلع
وراه ، الشباك اذا طلعت منة تبقى تمشي ع ممر ضيگ
حدما توصل للـ درج الأساسي و تنزل "
أنت تقرأ
ضَحـايا بَيـت دِليم .
Mystery / Thrillerضائِعـة بَيـن الخَـوف وَالغَرابـة أحساس لا يـُوصَف بِكَلِمـات عَـميقة لأنهُ أعمق بِـكثير لِـذلك نَلتزم الصَـمت وذَرف الدِموع وحده هوَ يَـكفي عَـن الكَـلام