"ညီမလေး "
========
Part-7
=====
"ကိုကို လက်ခံလားဟင်."
ချွဲနွဲ့သော၊ချိုမြိန်သော ရင်ခုန်လှိုက်မောသော သဲအသံလေးကြောင့် စိုင်း ခေါင်းမခါရက်။
"ဟင်လို့ ကိုကိုရေ.."
ထိုစဉ်.. ၊
"အဟမ်း.."
နောက်က ချောင်းဟန့်သံနဲ့အတူ ဦးစိုင်းနောင် အိမ်ထဲဝင်လာသည်။စိုင်းကို ဖက်ထားဆဲ သဲက ထိုအခါမှ လက်လွှတ်ခွာပြီး..၊
"အိုး..အန်ကယ် ပြန်လာပြီပဲ အလုပ်မှာအဆင်ပြေခဲ့လားရှင့်."
"ပြေပါတယ် ပြေပါတယ်. "
ဦးစိုင်းနောင်က ခပ်ပြုံးပြုံးပြောပြီး သူ့အခန်းထဲ လှမ်းဝင်သွားသည်။သဲမျက်နှာလေးကတော့ ရဲတွက်နေကာ.၊
"ကိုကိုကလဲ အန်ကယ်လာတာ မပြောဘူး"
"ကိုယ်မှမမြင်တာ.ပြီးတော့ ဘာဖြစ်လို့လဲ "
"သဲက ကိုကို့ကို ဖက်ထားတော့ အန်ကယ်ကတမျိုးမြင်မှာပေါ့လို့"
"ဘယ်မြင်မလဲ ခုလိုပုံစံမျိုးက ပထမဆုံးမှ မဟုတ်တာ."
"ဒါပေမဲ့..အား..ကိုကို့အင်္ကျီမှာ.ချောကလက်တွေ"
"ကြည့်စမ်း ညစ်ပတ်အိုးလေး.."
သဲလက်မှာ ကိုင်ထားတဲ့ ချောကလက်တွေက စိုင်းအင်္ကျီမှာ ပေကျံလျက်။
"သဲ ပြန်လျှော်ပေးမယ်..ချွတ်ချွတ် ကိုကို့အင်္ကျီချွတ်ပေး.."
"ရတယ် နောက်မှ မိဘုတ်လျှော်လိမ့်မယ်."
"ဟင့်အင်း မရဘူး..သဲကြောင့်ပေတာ သဲလျှော်ပေးမယ်."
"အင်္ကျီလျှော်တတ်လို့လား."
"အထင်သေးလို့ မိန်းကလေးလုပ်သင့်တဲ့အလုပ်တွေအကုန် လုပ်တတ်ပါတယ်နော် "
"အိုး..ဟို.."
စိုင်းရဲ့ရယ်မြူးရိပ်သောအပြုံးကြောင့် သဲက မျက်နှာကို ခပ်မော့မော့လေးပင် ထားလိုက်သေးသည်။
"နော်လို့ အင်္ကျီပေး."
"ဟုတ်ပါပြီ ဒါပေမဲ့ အင်္ကျီအရင်သွားလဲလိုက်ဦးမယ်လေ.."
"သဲရော လိုက်မယ် "
"အိုခေ "
စိုင်းအခန်းက သဲ ဝင်နေထွက်နေကြမို့ စိုင်း ကြည်ဖြူစွာပင် ခေါင်းညိတ်လိုက်သည်။
