صل على النبي ♡))
واقفين ف المطبخ بعد امي طلعت وكل وحده فينا بتعمل ف حاجه وبنتونس رناد قالت لي هوازن انتي عامر قال بجي بتين قلت ليها دق لي قبيل قال بجي بعد المغرب قالت لي انا قبيل دقيت ع خالتي قلت ليها تخلي معانا مِنن قلت ليها جدد؟ و وافقت؟ قالت لي والله بعد تحانيس حتى قالت لي طيب بس تجي بكرة.. منن قالت ليها واااي ي رناد اختك وين انا بس.. ضحكنا كده مهاد جات وصاره وشها.. قلت ليها بقع والله قالت لينا يعني انا انظف برأي وانتو هنا التلاته اللهم بارك وتتونسن.. منن قالت ليها ولاقيانا بنلعب ما قاعدين نعمل ف الغده ي عزيزتي المشاهده... قلت ليها تعالى اشتغلي معانا طيب... قالت لي طيب دقيقه اخم الوسخ د... هي انتي ي منن اخوك جايك بعدين ولا شنو... منن قالت ليها انا باااايته.. مهاد حضنتها وقالت ليها خالتي رضت كيف قلت ليها رضت والله عاد انا م صحبتها المقربة كيف م ترضى لي.. رناد قالت لي شوووف شوف والله خشمها م فتحتو انا العسل السمحه حنكتها... مهاد قالت ليها المهم انها اتحنكت والله الليله متعهه... أثناء ما نحن بناخد وندي ف الكلام امي جات وهي بتقول ارح نصلي جماعه العصر اذن قلت ليها طيب حاضر نخلص بس ونجي.. فعلا خلصنا سرعه عشان المواعيد وكل وحده فيهم دخلت الحمام تتوضى اما انا طلعت الحوش اتوضيت ف الوضايه وفرشت الفرشه الكبيره وحضرت عبايات الصلاه والسبح كل وحده ختيت ليها حقتها قدامها... وانا بجيب ف المصاحف عشان نقرا الورد جات منن وهي بتقول والله الواحد بنتعش عديل ف بيتكم قلت ليها لازم ده فيهو ورده بحالها انتي بتهظري؟ قالت لي الواحد م يقول كلام قدامك.. لكن بجد م شاء الله حتى الحوش والاصايص حلوين انا لمن كنت ف البلد م كنت برتاح كده قلت ليها انتي صحي مشيتي قعدتي قدر ده ف البلد لي؟ قالت لي تتذكري آخر مره شفتك فيها؟ يلا دي كان مشيتي للبلد وسبحان الله مشيت ساااي اقضي اجازتي هناك مع حبوبه لكن جدي اتوفي وحبوبه ابت تخليني اجي ومنها قعدت معاها لمن امي رسلت اخوي يجيبني قلت ليها ربنا يرحمو يارب..."مِنن بنت خالتي باللفه وف نفس الوقت صحبتي واختي وكل شي ♡"..
البنات جو وامي جات وقالت مهاد تصلى بينا ود الحصل.. لمن خلصنا صلاه عملنا الروتين اليومي من ايه الكرسي إلى التسبيح والتحصين وهكذا... لمن خلصنا كل حد فينا مسك مصحف وقعد يقرا الورد حقو...
بعد خلصنا بقينا نتونس شويه كده ماما قالت حتمشي لي جارتنا شوية وتجي.. وفعلا مشت ف بقينا نحن البنات قاعدين ف الفرشه وبنتونس بعد اي وقت لمت عبايتها وسبحتها عشان تلقاهم...
مهاد : هسي ي منن م حترجعي البلد تاني؟
منن: لا لأنو جبنا حبوبتي معانا هنا
رناد:يديها العافيه وهي كيف؟
منن:تعالو شوفوها.. بجد طولتو م جيتونا تعالو
هوازن:أن شاء الله بنجي والله
منن:أن شاء الله طيب
هوازن :انا ي بنات عاوزه امشي السوق عاوزه اشتري نقابات وعبايات وشرابات وحاجات زي دي
