صل على النبي ♡
كنت طالعه بس رجعت لي ماما وانا بقول عاوزه حاجه من السوق ؟؟ قالت لي سلافه"جارتنا بالحيطه" قالت عاوزه تمشي السوق عندها حاجات بتدور تجيبها امشي شوفيها عاوزه شنو قلت ليها حاضر وانتي م عاوزه شي؟ قالت لي لا م تتأخرن وم تبارى لي رناد دي قلت ليها لا مستحيل قالت لي كلكن نفس العجينه امشي امشي الحقي اخواتك... مشيت فتحت باب الشارع لقيت عامر قدامي قال لي ثانيه وحده وكنت حمشي وم حتشوفي الا غبارنا قلت ليه م بتقدر ي عموريش ويلا بلا قله ادب معاك اسبقني على العربيه قال لي ليه أن شاء الله ماشه وين قلت ليه لي خالتو سلافه م بتأخر قال لي اللهم طولك ي روووح هو اتقدم وانا مشيت بخطوات سريعه ودقيت بابهم فتحت لي جنات وهي بتقول الليله هوازن بِحالها عندنا؟ قلت ليها مرسله بس قالت لي اخخخخ ي وسخه قلت ليها وين خالتو سلافه؟ قالت لي جوا ادخلي.. دخلت وانا بقول ليها مستعجله ناديها لي.. جات ع صوتي وهي بتقول لي هوازن الكعبه الليله ماك ياكي لمن جيتينا قلت ليها يخسي عليك ي خالتو والله بس مشغوله عشان كدا م بطلع كتير قالت لي طلي علينا بس ي بتي والله جنات دي قاعده زهجانه ساااي وبراها لا اخ لا اخت قلت ليها لا بجيها أن شاء الله قالت لي خلاص سجلي الكلام ده ي جنات ضحكت وقلت ليها والله بجيكم بإذن الله وكمان افطر معاكم اها كده قصرت؟ قالت لي نشوف العمل بالكلام... جنات قالت ليها اي اي نحن ناس م بنقتنع الا بالفعل فقط... كانت شايله كبايه مويه ف يدها وادتني ليها قلت ليهم هيي نسيتوني الجيت ليه من دخلت م سِلمت منكن شغالين تلومو فوقي اها نحن ماشين السوق وماما قالت لي اعدي عليك اشوفك عاوزه شنو قالت لي يحليلها اي أمس بتكلم معاها ف اني مكسله امشي السوق وقلت ليها كان بقيت ماشيه بجيب ليكم جنات عشان كدي قلت ليها ولا يهمك ي ستهم اها هسي بتدوري شنو عشان عامر د شويه ويجي يطلعني منكم ضحكت وقالت لي عاوزه اجيب لي فواكهه جنات نفسها في سلطه فواكه وعاوزه لي عبايه استقبال لأن يوم الجمعه جايني نسابتي قلت ليها حاضر والعبايه عاوزاها بلون محدد؟ قالت لي اختاري لي اي شي... على ذوقك بس قلت ليها حاضر يلا ف امان الله قالت لي اصبري ي بت اديك القروش قلت ليها قروش شنو ي خالتو بينا نحن؟ قالت لي ايييي بينا اصبري... وي جنات م تخليها تمشي.... قامت عاوزه تجيبها وجنات ماسكاني قلت ليها طيب بمشي اقول لي عامر ينتظر قالت لي بسرعه لكن قلت ليها سمح... غايتو استغفر الله من الكذب بعد طلعت ركبت العربيه بسرعه وقلت ليه حرك حرك ي شاب قاال لي اتأخرتي قلت ليه استحملني ي عامر ياخ قال لي انا بستحملك لكن كعب راجلك... رناد قالت ليه الا يكون صبور غايتو.. قلت ليهم محسسني اني تأخرت كتير ي اخواني ارح ي عامر أسرع رناد قالت لي من هسي بدينا؟ م مشينا كتير هسي نرجعك لو عاوزه تبدي قلت ليها ماما موصياني م اتأخر عشان عارفه حركاتك...بدينا نتناقش ف اننا حنمشي المحل الفلاني والفلاني بعد وصلنا وعامر بركن العربيه وقال حينزل وم حيخلينا بنات برانا ف السوق وده الكان متوقع وفعلا حصل... والمعروف انو السوق زحمه وما وراء الزحمه؟ كلنا عارفين... ف المهم ونحن ماشين بعيد عن توتري وخوفي ان راجل يلمسني او يكون قريب مني عامر توترو من النقاط دي م كان أقل من توتري كان بمشينا في الطريق المافيه زحمه وعادي جدا لو كان في رجال بقول ليهم افسحو الطريق ده.... حقيقي كنت مبسوطه جدا جدا بالحاجة دي ومرتاحه...
