صل على النبي ♡
شيخه هاجر قالت يلا تعالو معاي اوزعكم... ايوه انتي وريناد هنا... وبدت توزع فينا لم خلصت توزيع قالت لينا نسيت اقول ليكم انو المركز دا البسجلو فيه بكونو من عمر 16 إلى فوق عشان لم تتجهو على الفصول ما تتخلعو وتقول ما قالت قدرنا... ضحكت وانا بقول ليها اكيد حنخت ليك العذر ف الحته دي قالت لي عسل يلا انا ماشه...
كل وحده فينا مشت ع الفصل... مسكت ريناد قلت ليها متوتره والله قالت لي انا كمان بس فرحانه ي بت وبعدين م شاء الله تبارك الله الشيخه عجبتني شديد ابتسمت وبعدها دقينا الباب ودخلنا ما كان ف شيخه قاعده الغريبه المكان هادي وماف ضجه في منهم البسمعو لبعض ومنهم البتونسو ومنهم البقرو براهم ومنهم البقرو ايه والتانيه بتقرا ايه...
م كانو منتبهين معانا لم قلنا السلام عليكم ورحمة الله وبركاته ردو السلام وهم ببتسمو ف كم بنت جات وقالت لينا حياكم اتفضلو شكلكم جداد قلت ليها فعلا جداد... قعدنا جمبها لانو كانو ف كرسين فاضين.... قالت لينا م شاء الله تبارك الله واخوات؟ ريناد قالت ليها ربنا يحفظك ايوه اخوات انا ريناد ودي هوازن وانتي؟... قالت ليها الله اساميكم حلوه م شاء الله انا اسمي قطوف عنقود الحلقه طبعا ضحكت وانا بقول لا واضح انك صغيره عمرك كم؟ قالت لي 17 سنه قلت ليها وحلااااتي قالت لي اتريقي ي بابا اتريقي اها وانتي ي العجوز عمرك كم وستين صح قلت ليها لا اتغاظي لكن ما للدرجه دي.. قعدت تضحك ريناد قالت ليها اناا غايتو شافعه معاك لكن هوازن عجزت خلاص قلت ليها ي سلااام انا يادوب عشرينيه يختي مالك على هسي انا باين علي اني عشرينيه؟.. قطوف عاينت لي ريناد وقالت ليها مشمم الأخت نرجسيه قلت ليها أعوذ بالله من الغرور الزياده لكن واثقه شويتين ف نفسي يعني م اصل حد النرجسيه قالت لي الثقه ف النفس حلوة برضو ريناد قالت ليها لا نحن عندنا وحده نرجسيه جد جد قالت لينا منو؟ هوازن؟ قالت ليها لا عندنا اخت تانيه اسمها مهاد ديييي الله يقدرك بس تقولي ليها انتي مالك سمحه او انتي احلويتي بالله تشغل لك اسطوانيه تندمك ع اليوم الانتي حبيتي ترفعي من معنوياتها... قالت لينا هي هسي معاكم؟ قلت ليها اتسجلت ف حلقه جزء عم قالت لي الله الحلقه ديك صحباتي فيها قلت ليها م شاء الله تبارك الله لا شكلك اجتماعيه انتي قالت لي قاالو قلت ليها منو؟ قالت لي لا اصلا بقولها لم حد يقول لي شكلك كدا او انتي كدا قلت ليها الله المستعان المهم ي شافعه ما تكوني بتصاحبي اي زول؟ ريناد قالت لي شكلهاا بتصاحب من طرف فلانه.. قالت لينا من بدايتها ظلم وسوء ظن؟ العياذ بالله بس.. ضحكنا في كلامها قالت لينا والله انا م بصاحب اي زول يعني لو ارتحت ليك الا تدقني حتى اسكت لكن لو العكس ما بتكلم كتير يعني ريناد قالت ليها قايلاك حتقولي الا يكرهني وكدا قالت ليها لا طبعا بتعامل مع كل الناس معامله حلوة حتى لو غلط ف حقي ماف انسان بستاهل اننا نكرهو او نعمل ليه حركات او يشوف مننا شين بعيدا عن انو ماف زول بستاهل يتعمل ليه كدا ف انا لي نفسي ساي م برضى اتعامل معاملة شينه منها الناس تكرهني مم انا بحب اخت اثر عشان لم امشي يقولو قطوف كانت طيبه....
لم بتحكي كدا انا كنت ف حاله استوعاب للبتقولو حتى ريناد عاينت لي بخلعه كدا... قطوف لم قالت هي مالكن اتهجمتن كدا؟ ريناد قالت ليها انتي زي طبع هوازن ونفس الكلام القلتي هسي هي قبل كدا قالتو ولو م اخاف الكذب د هو زاتو... قلت ليها بجد يعني حسيتك وانتي بتتكلمي بتوصفي فيني او تقولي حاجه فيني قالت لينا سبحان الله ♡.. ريناد قالت لينا بجد سبحان الله وبعيدا عن الصدفه ف نقطه انك م بتصاحبي ساي صنفتينا لتبع منو؟ قالت ليها القلب القلب يختي والله دخلتو توووشك قلبي بدون استئذان قلت ليها صراحه نحن كمان حبيناك والله ريناد قالت لينا انا اول مره ادخل ف حد بسرعه دي دي حركاتك انتي ي روز لكن انا اول مره... ابتسمت ام قطوف ضحكت وهي بتقول لا بجد م شاء الله الاتنين بتدخلو ف الناس بسرعه وتلاقن الطييات ريناد قالت لي البنت دي عسل والله قلت ليها بس ي بت م تمدحيها قدامها... قطوف ختت يدها ف وشها وهي بتقول مزيد من المعسلات عزيزتي... قعدنا نضحك فيها وبدينا نتونس كانت بتحكي لينا شويه عنها وشويه عن المركز والشيخات حقيقي م حسينا ان الزمن مشى وجات الساعه تمنيه... م تمنيت الونسه تنتهي ابداً من الراحه... بدون قلنا وقالو وبدون شوفو فلانه بدون قطيعه ونميمه وبدون بهتان... دي القعده البتستاهل وقتك ♡..
لم بدت شيخه هاجر وهي بتقول السلام عليكن ورحمه الله وبركاته... صبحكم الله بالخير والعافيه والصحه مدداً ثم مدداً طيب الليله بإذن الله حأبدء تسميع العشره اوجه وانتو ي ريناد وهوازن احفظو التلات اوجه هسي لو قدرتو عشان تسمعو معاهم ولو م قدرتو بكره ان شاء الله....هي بدت تسمع بالصف كان عندها مكتب وخاته جمبو كرسي بتقعد فيه القارئه و كانت بتنده بالأسماء... انا قلت لي ريناد انتي توأمتنا حتكون منو قالت لي اختياري قالت.. قبلت على قطوف وقلت ليها عندك توأمه؟ قالت لي كان عندي لكن هسي لا قلت ليها تكوني توأمتي؟ قالت لي طواالي انا لاقيه؟ قلت ليها بوسه ليك يلا انا حأحفظ وانتي تسمعي لي اول قالت لي طيب وانا حراجع قلت ليها طيب... فعلا اي وحده فينا مسكت مصحفها وبدت تقرا وتحفظ بعد جهد وتركيز قدرت احفظ بس م ع قد كدا.. قلت لي قطوف سمعي لي قالت لي طيب جيبي بعد سمعت ليها ومرات بتوقفني وتقول لي لا غلط فطيتي ايه... قالت لي راجعي تاني لكن نسبه انكك يادوب حفظتي رهيبه م شاء الله تبارك الله قلت ليها رهيبه انتي يلا احفظي انتي زاتك اسمع ليك قالت لي طيب دقيقه اثبت الايه الأخيره.. راجعت كم مره تاني ثبت لي اديتها تسمع لي والحمد لله المره دي م غلطت... بعدها سمعت ليها.. لفيت الجهه اليمين عشان اشوف ريناد لقيتها بتسمع لي وحده جمبها... عاينت للصف لقيت باقي تلات بنات ويجي دورنا اتوترت وبقيت اراجع وحسيت نفسي نهاي م حافظه.. قطوف قالت لي هي مالك قلت ليها متوتره ي بت قالت لي د الطبيعي عادي لكن لم تمشي ليها حتقري بدون تحسي المهم هسي راجعي كويس وحفظك م شاء الله تمام هسي انتي حاولي م تتوتري وتفكري انك كيف حتسمعي ليها كلو بتتسهل أن شاء الله... ابتسمت وبقيت اراجع لم جا دور قطوف ومشت سمعت وجات مشيت انا قالت لي اتفضلي قعدت قالت لي حفظتي؟ قلت ليها ايوه قالت لي طيب اولا حفسر ليك الآيات تاني بقراها ليك وبعدها انتي سمعي لي طيب؟ عشان ما حضرتي معانا القديم قلت ليها طيب ان شاء الله.... بدت تفسر لي بطريقه حلوه بعدها قرت لي الآيات تاني سمعت ليها قالت لي ممتازه.. عملت صح على الدفتر وقالت لي بس التجويد وان شاء الله مع محاضرات التجويد حتتعلمي قلت ليها أن شاء الله وجزاك الله خيراً.. مشيت لي ريناد وانا بقول بتوفيق ليك قالت لي متوتره طبعا قلت ليها بتنسي التوتر والله بس امشي واستعيذي قالت لي طيب بسم الله..
بعد ماا انتهينا من التسميع اخدنا بريك وبعدها الحصه التانيه حقت الجديد انتهت قمت وانا بلف طرحتي كويس قطوف قامت لفت النقاب حقها وهي بتقول اتخيلتكم منقبات قلت ليها قريبا بإذن الله وانتي منقبه من بتين؟ قالت لينا من سنتين الحمد لله قلت ليها م شاء الله تبارك الله ربنا يحفظك قالت لق اللهم امين اها في مطعم قريب بعمل سندوتشات رهيييبه ارح نفطر هناك ونرجع البيت.. ريناد قالت ليها نحن صايمين والله قالت ليها م شاء الله تبارك الله ربنا يحفظكم يارب قلت ليها يلا لبكره بإذن الله قالت لي أن شاء الله يحلوه.. صحي اديني رقمك اسجلو.. اديتها الرقم وبعدها شكلها شالت رقم ريناد انا مشيت للشيخه وسلمت عليها قالت لي اها ماشه بعد دا قلت ليها ايوه أن شاء الله قالت لي بالسلامه المهم انا قبيل شلت رقمك وسجلتو لكن هاك رقمي خلي عندك قلت ليها طيب رني لي هسي وبسجلو قالت لي فكره مفكرت فيها المهم يلا وراي رااجل وعياال قلت ليها اللهم بارك عندك بنوتات قالت لي بهظر بهظر الراجل دا ابوي والعياال ديل اخواني قلت ليها م شاء الله افتكرت معرسه يعني قالت لي كنت مخطوبه والله لكن فركشت وان شاء الله لخير قلت ليها أن شاء الله قالت لي ع فكره انا قدرك يعني ما تقولي لي شيخه هاجر قولي لي هاجر ساي ولو سمحت الظروف قولي هجوره السمحه... ضحكت وقلت ليها حاضر يهجوره السمحه قالت لي هييي يلا راجلي بكون منتظرني ضحكت فيها و ودعتها ريناد جات قالت لي شكلنا حنرجع بي ركشه قلت ليها مهاد قالت كلمت عامر بمواعيدنا قالت لي غايتو اان شاء الله يجي بسرعه لاني مهبطه عديل قلت ليها يحليلك انا بس مصدعه طلعنا برا لقينا امي ومهاد واقفين مع نسوان وبناات وبودعو ف بعض منهم المشو برجليهم ومنهم المشو بركشه ونحن واقفين جمب امي وبنحكي ف اليوم الحلو دا واتعرفنا ع نص بنات المركز وزميلات امي الجدد وبقينا نحكي ليهم انو كيف استمتعنا وشكلنا م حنوقف بإذن الله... كانو بشجعونا ويحكو لينا عن المركز والشيخات ومدحوهم كتييير وحتى ريناد علقت ع شيخه هاجر انها طيبه وتخش القلب سرعه وكان مهاد عاوزه تحكي عن شيختها بس سمعنا صوت بوري ولم التفتنا كان عامر ... فرحت شديد انو جا وكنت متشوقه احكي ليه الحصل شنو بعد ودعناهم مشينا ركبنا قلت ليه السلاااام عليك يا ابن محمد قال لي المزاج رااايق شكلو قلت ليه اصبررر نستكين ف المكيف دا ونرص ليك قال لينا شكلو اليوم حلو اها احكو حصل شنو بالتفاصيل قلت ليه بالتفاصيل كمان اصبر على قال لي تعبتو؟ امي قالت ليه مهاد جسمها يرجف وريناد مهبطه ودي مصدعه كلمتهن الحكايه صعبه بس عنيدين وم بسمعو الكلام اها دا آخر عدم سماع كلام امكن قلت ليها يمه دا الطبيعي اننا نتعب بس وما وراء التعب؟؟ جنه يمه جنه ♡..
ريناد قالت ليها انتي ي امي ادعي لينا بس ربنا يخفف علينا ويكون عون لينا ف السعى الطريق دا عاوز
مُعين الا وهو الله.. مهاد قالت لينا انا انا م قادره اتكلم بعدين بعدين قلت ليها مهاد انتي شكلك تعبتي ي بت قالت لي تعبت والله هسي ما قادره اتكلم اسكتي مني قلت ليها ربنا يعين الجميع اها ي عامر ابدء ليك بالشيخاااات عسل ياخي وطيبات ورهيبات وم شاء الله تبارك الله يخشو توش القلب بدون استئذان يعني تخيل ريناد الما بتدخل ف الناس سرعه دخلت فيهم وحبتهم وانا اكتر طبعا قال لي اصبري قبل تبدي النقه يعني بلقي لي عروسه؟؟ قلت ليه بسم الله والبتتكلم معاها صباح مساء دي منو م عروسه؟ أمي قالت ليه شنو؟ بنت وتتكلم معاها صباح ومساء؟... عامر عاين لي بالمرايه نزلت راسي وحرفيا معرفت اقول شنو قالت ليه عامر انت شافع؟ يوروك الصح من الغلط؟ لا دا م غلط دا حراام وانت عاارف تماما بكداا... شوف بنت عاوزها لقدام تمشي بيت ابوهاا طوالي اما الف والدوران والحبكانيات وي بت انا عاوزك لقدام وتقعدو تنزلو وتطلعو مع بعض ما بتنفع معاي حركات زي دي والبنت دي كان انت عاوزها بكره دقيقه لي بكره؟ الليله دي تسوق ابوك وتمشو تدو كلمة للرجال ويبقي كلام رجال بعدها... قال ليها امي استهدي بالله هسي ياخ والله زاتو حيرتيني.. انا البت دي اي صح كنا مرتبطين وعاوزها لقدام بس حصلت مشاكل كدا وانفصلنا قبل يومين والله كنت ناوي اكلمك عشان تكلمي ابوي لكن الحصل حصل قالت ليه وليكم كم مع بعض قال ليها سنتين قالت ليه سنتين معاها ي عامر وبالحرام؟ سنتين معاها وانت بتعصي ربك؟ سنتين وما قلت د علاقه محرمه وبتغضب ربنا؟ وم فكرت ف رضا ربنا ولا فكرت ان دي بت عامر خليك من أن العلاقه حرام ترضى اولاد يعملو مع اختك كدا؟ ترضى اخواتك يرتبطو ويخشو ف علاقه لا بترضي ربنا لا بترضينا نحن؟ قال ليها لااا والف لا يا امي قالت ليه اها شوف انت هسي هجت كيف وم استحملت كلام ساااي انو اخواتك يكونو ف علاقه مع ولد طيب لي ترضى لبنات الناس كدا؟ م فكرت ان الدنيا دواره وكما تدين تدان؟ وممكن زي م عملت للبنت يجي واحد ويعمل كدا لأخواتك ويكسر قلبهن؟... قال ليها امي خلاص عليك الله.. قالت ليه عامر انا م بقول ليك الكلام دا عشان اوجع قلبك انا عاوزه اصحيك من الغفوه الانت فيها انا عاوزه ليك السمح وم عاوزه بعدين ربنا يسألك ليه كنت ف علاقه محرمه؟ ولي ما صنتها؟ ولي م جيت بالحلال؟ ولي قضيت وقت معاها وهي ما حلالك ولا مرتك؟ ولا تحل ليك.. قال ليها امي والله انا م حصل مسكت يدها ولا حصل قلت ليها رسلي صورك ولا حصل اتكلمنا ف حاجه حرام ولا حصل اتماديت معاها ولا حصل رضيت ليها حاجه كعبه وكنت بخاف الله فيها وعشان عندي اخوات كنت خاتي حواجز بينا وحسابات والله م كنت بساهر بيها الليل كلو ولا كنت بمنعها من الصلاه والله كنت حريص ما أأذيها ولا اكون نقطه سوده ف حياتها امي انا زي م قلتي عندي اخوات وبخاف عليهم وم عندي حاجه ف الدنيا أغلى منهم بس برضو م كنت متخيل بي دا كلووو انها حرام كنت مفتكر انها تكون حرام اذا غلطت معاها او اذا مسكت يدها او اذا وديتها محل مليان معاصي او اذا خليتها تظهر شعرها قدامي وإذا سهرت بيها الليل ونسيتها صلاتها وقيامها ونسيتها الاخره انا كنت متخيل الحرام هنا اني اعمل كدا بس م تخيلت وانا م بعمل دا كلووو يبقى حرام برضو والله ي امي م عارف... قالت ليه انت عارف؟ لو انت وهي بتقيمو الليل مع بعض ولو حفظتو وشجعتها لحفظ القرآن ولو بتصلو النوافل مع بعض برضو العلاقه حرااام خلي لو م مسكت يدها وم عملت كل البتقول فيه دا... الحمد لله هسي انت عرفت انها حرام والحمد لله انتهت العلاقه ولخير اكيد انت بس عليك تتعلم وتبقي حريص عشان ي عامر انت عندك اربعه قوارير وانا الرابعه والله ي ولدي انا كان م عاوزه ليك السمح م بقول كلامي دا كلو وبالعكس بشجعك للحرام لكن والله من خوفي عليك وحبي ليك انا ما بقدر اشوفك غاطس ف وحل المعاصي والذنوب واسكت وامشي عادي واخليك تغرق اعفي لي لو زعلتك بكلامي دا ... وقف العربيه ومسك يدها وباسها وبعدها باس جبينها وراسها وقال ليها ربنا م يحرمني منكم كلكم ويحفظكم لي جميعاً...♡..
قال تعالى : ﴿وَلا تَتَّبِعِ الهَوى فَيُضِلَّكَ عَن سَبيلِ اللَّهِ﴾ .
___
عامر :
قال تعالى : {وَهُوَ الَّذِي يَقْبَلُ التَّوْبَةَ عَنْ عِبَادِهِ}..
بعد نزلو دقيت تلفون لي سيما وقلت ليها ممكن اشوفك قالت لي وين ولي وفشنو؟ قلت ليها تعالى المطعم الفي.... منتظرك وقفلت منها واتحركت ع المطعم بعد وصلت قعدت ف الطاوله المطله ع الشارع... كنت متوتر ومنتظرها تجي وكلام امي يزن ف راسي فجأه الايه {فَمَن تَابَ مِن بَعْدِ ظُلْمِهِ وَأَصْلَحَ فَإِنَّ اللَّهَ يَتُوبُ عَلَيْهِ} جات ف بالي وبقيت اردد فيها بكل خشوع وبعدها قلت لا إله الا انت سبحانك اني كنت من الظالمين اللهم ردني إليك رداً جميلاً واهدني هدايه لا أضل بعدها ولا أشقى.. كنت بردد ف الدعاء دا لحد م سمعت صوتها
سيما : احم السلام عليكم ورحمة الله وبركاته
عامر : سيما وعليكم السلام ورحمة الله وبركاته اتفضلي
سيما : فشنو يا عامر قلقتني؟ انت كويس واهلك كويسين؟
عامر : كلنا كويسين الحمد لله
سيما : طيب مالك فشنو؟
عامر : سيما انا اسف على الحصل حتى لو كانت غلطتك انتي انا اسف اسف بجد وعاوزك تعفي لي
سيما :انت جادي؟ هسي بدل انا الاعتذر انت التعتذر؟
عامر :برضو اسف واعفي لي
سيما : عامر انا وافقت ع العريس بدون اشاورك برضو بتتأسف؟
عامر : دا م غلطك ودي نتيجه عادي عشان كنتِ متوتره وخايفه من نظرات امك لمن شافتك بتتكلمي معاي بالتلفون وبعدها قالت ليك جاك عريس وانتي من الخوف وافقتي عارف لم قلتي لي الكلام دا عصبت فيك وف لحظة غضب نهيت كل البينا عشان عارف البعديها شنو بس والله م قصدي اكسر قلبك
سيما : عامر انت طول المده الكنا مرتبطين فيها م حصل غلطت في حقي ودايما كنت خفيف على قلبي وكنت بجد الراجل البتتمناهو كل بنت... كنت انا الاعصب وانت الترخي كنت كتير بحاول اعمل ربع البتعملو لي بس م بقدر م بقدر اوفيك حقك والله... اخخ بس حقيقه ي بختها بيك البتعرسك و والله انت الاعفي لي لأن من يومها م قادره ارتاح يعني اتخيل اني م لقيت منك غير الخير اجي اعمل فيك كل دا
عامر : الله يستر الماسوره انفجرت ماف داعي للبكاء هسي
سيما : وكمان لسه بخفه دمك وتخفيفك على انا بجد حأتمني ليك الخير من قلبي وربنا يهنيك ويسعدك محل م قبلت وعافيه وراضيه عنك بس انت اعفي لي.
عامر : حكون صريح معاك انا كنت جاي أصلح غلطي بي اني اعرسك بس بكلامك عرفت انك خلاص اخترتي سكتك ف يااا سيما ربنا يوفقك ويسهل عليك محل ما تقبلي وصدقيني م شايل ف خاطري منك ابدا ابدا وبتمني لكك تلقي معاه الراحه وم يضرك ويختك ف عيونو زي م انا عملت واكتر ووو كمان بتمني انك م تكوني شايله فقلبك حاجه مني ونقوم كدا صافيه لبن
سيما: قشطه والله ي عامر... حقيقي ما عارفه اقول شنو بس ربنا يعدلها عليك ويهنيك ف حياتك انا حمشي بعد دا عشان اتأخرت ف امان الله ورعايته ♡
عامر : ف امان الله ♡..
هي مشت وانا اخدت نفس عميق وفرغتو وكان وراء دا كلو ابتسامه رضا مني وما بقى شي غير ركعتين توبه♡..
قال تعالى : { يُؤْتِكُمْ خَيْرًا مِمَّا أُخِذَ مِنْكُمْ }..
نتلاقي ♡
