صل على النبي ♡
يلا انا ماشه اراجع قالت لي خير ان شاء الله... فعلا مشيت قعدت لي في ركن وبقيت اراجع واثبت الحفظ لحد ما الشيخه جات مشيت قدام وقلت لي ريناد تسمع لي مسافه دوري يجي قالت لي الليله عاد جنات ماف قلت ليها اي والله ربنا يعافيها وتنزل تاني قالت لي المطمني انو خالتها معاها لأن الملاريا عاوزة اهتمام وهي براها قلت ليها الله المستعان بس اها ارح سمعي لي....
___
مِنن:
ايوا يا ابوي امي قالت انك بتناديني... قال لي ايوا تعالى اقعدي عاوزك.. قعدت وانا عارفه هو جايبني لي بس فضلت اعمل زي ما هوازن قالت اني اعمل رايحه بس... قال لي طبعا قبل فتره اتقدم ليك تميم ولد خاله ناس جنات الامها اتوفت المهم يا بتي انا قبل اوريك قلت لي امك ما نكلمك لحد ما نسأل عنو وسألنا وم شاء الله زول مؤدب وليه مكانه ف الاختيار يعود إليك حأديك تلات ايام تستخيري وتردي لي قلت ليه أن شاء الله يا ابوي... قمت دخلت غرفتي وقلت استخير م مشكله... صليت صلاه الاستخاره وطوالي صليت الظهر لأن كان اذن وقعدت وانا بفكر...
بعد اتجاوزت حبي لي عامر بقيت احرص شديد ع قلبي وهسي م عاوزه ادخل ف علاقه بدون اتأكد ان الزول القدامى ده بقدر يسعدني ولا لا وهل هو مناسب لي ولا لا ف الاختيار كان صعب شديد وم قدامي حل غير استخير الله كتير...
وانا في توتري ده دقيت لي هوازن ردت لي بعد مسافه
_السلام عليكِ يا مِننا♡
=وعليك السلام ي روزنا♡
_كيف حالك ان شاء الله طيبه
=الحمد لله بخير وانتي
_الحمد لله.
=وين انتي في الجوطه دي كلها
_مشينا الكوفير والله
=م شاء الله طولتو م مشيتو
_ايي فعلا والله الليله قلنا نمشي نغير نفسياتنا شويه
=احسن شي اها حتعملي شنو انتي
_عملت حمام زيت لشعري وبعد شويه دوري حيجي عاوزه اعمل بخار ياريت لو جيتي بجد راحه يبت
=بجي يوم تاني اها ومهاد المجنونه عملت شنو
_بتعمل ف بدكير هسى اتخيلي وعاوزه تستشور شعرها قالت وريناد شقرت شعرها وعاوزه تكويهُ مكوه غاز
=م شاء الله اللهم بارك وانتي لي عملتي حمام زيت كان تعملي زي ريناد بس
_لا م بحب اشقر شعري ولا بحب اكويه ف الأفضل حمام الزيت دا وخلاص وبعدين رهيب والله
=مبسوطه انكم فرقتو والله اسمعي افتحي كول فيد
_دقيقه.... هلاااااااا
=ياااا رهيبين م شاء الله بجد الكوفير شكلو رهيب انا جاياكم
_حبابك
=وين مهاد وجهي الكاميرا عليها
_هي بعيده لكن بتشوفيها من هنا... شايفه؟
=مستكينه البنت
_اي عايشه الدور
=كدي خليك من ده وخلاص اقفلي الكاميرا عاوزاك ف موضوع
_اها ي ستي احكي
=مم ابوي فتح معاي الموضوع
_مم اها
=وقال سأل منو وموافق لكن عاوزني استخير وارد ليه بعد تلات ايام
_طيب الحمد لله يا منن أهم شي انه يكون كويس ومحترم انتي اعملي زي ما قال ليك عمو واستخيري
=خايفه
_الله ربك ي فراشه ♡
=متوتره ي روز
_الله عونك ♡
=بس مافي مرادي كدا
_كله من عند الله وكل شي من عند الله خير ♡
=حابه اطمن ان الاختيار حيكون صح
_استشعري وجود خالقك جنبك ♡
=كيف
_رددي "لاحول ولا قوة الا بالله"
=يعني اوكل حولي وقوتي إلى الله
_ايوه ي فراشه ♡
=صح صعب اني اقرر قرار مصيري زي ده بس متأكده ما حأتخذل مدام انا مستشعره وجود ربنا جنبي ولا حول ولا قوه الا بالله..
_خليك متأكده ي منن ان كل شي من عند الله خير
=اطمنت اسمعي جنات دي بتدق لي اشوفها وارجع ليك
_حتى انا دوري جا ف يلا لبعدين أن شاء الله وطمنيني على جنات
=حاضر
