صل على النبي ♡..
مِنن :
فستان استقبال اسود فيه ورود بالبيجي.. شبشب بيت بيجي... اكسسورز وساعه ذهبيه.. مرطب ولفيت الطرحه... وعاينت ف المرايه نظره أخيره بتوتر... أخذت نفس وقلت ي هبله د راجلك.. ابتسمت وانا بقول بس امانه ما ابتسامتي رهيبه م شاء الله... مشيت برا امي قالت لي يبت الراجل فتر وهو منتظرك ف الصالون قلت ليها اصبري اها طالعه ورده؟ قالت لي ورده وبس؟ ع امك يختي ضحكت وانا بقول كويس اديني العصير.. ادتني الصينيه شلتها ومشيت بخطوات بطيئه ومشاعر متلخبطه واولها الخجل والتوتر...لم دخلت الصالون منزله راسي والقيت السلام... رد ع السلام و وقف.. ختيت الصينيه ف التربيزه القدامو وانا منزله راسي... وقفت وانا بعدل الطرحه النزلت...قال لي كيف حالك قلت ليه ب بخير الحمد لله قال لي حتحرجيني؟ رفعت راسي لقيته مادي يدو...سلمت عليه وزحيت يدي بسرعه قال لي اقعدي اقعدي... مشيت قعدت ف الكرسي الجمبو ومن التوتر حسيت الحته حاره قلت ليه افتح المكيف؟ قال لي فاتح يا منن قلت ليه اا اا قال لي خفي خفي قلت ليه شويه كدا والتوتر بروح م تشيل هم سكت مسافه بعدها بقى يسألني عن احوالي والناقصني وكدا قال لي الورد العلي الطاوله ديك حلو؟ عاينت على محل اشر كان جايب علب ماكنتوش وفوقهم ورود كتيره قلت ليه يااا الله يا تميم حلوو شديد... استحيت اقوم في سري قلت بعد تمشي بنطط.. قلت ليه شكرا والله م كان تتعب نفسك قال لي عجبوك؟ قلت ليه شديد شديد والله جزاك الله خيراً قال لي وجزاكِ ... كيف الوالد طيب؟ قلت ليه الحمد لله كويس قال لي وملهم لقى شغل؟ قلت ليه اي الحمد لله أمس كنا بنتكلم معاه وقال ماشي معاه كويس قال لي الحمد لله طيب.. وانتي طيبه؟ قلت ليه طيبه الحمد لله.. سكتنا شويه وكنت بفتش ف حاجه اقولها بس م لاقيه انتبهت انو م شرب العصير قلت ليه ليه م شربت العصير قال لي اهاا نسيتو انتي كمان اشربي معاي قلت ليه لا انا م عاوزه قال لي حأكب ليك معاي قلت ليه طيب عشان أرضى عليك بس قال لي ايواا كلام جميل... كب لي وكب لنفسو واداني قال لي بالصحه والعافيه.. ابتسمت.. شربت شويه وختيتو قال لي جميل تسلم اليد العملتو قلت ليه دي ماما قال لي ربنا يحفظ الماما قلت ليه آمين قال لي منقبه من بتين يا منن قلت ليه من الثانوي قال لي م شاء الله تبارك الله و واجهتك صعوبه قلت ليه في الأول بس تاني اتعودت عليه وبقي حاجه ضروريه جدا والله ي تميم ما تتخيل انا اتعلقت بالنقاب قدر شنو قال لي م شاء الله طيب احكي لي يعني عنو وكدا قلت ليه طبعا الزول لم يتنقب ما بتعود عليه بالساهل بس بحبو مع الوقت... انا لسه بتذكر لم اتنقبت صحباتي اتريقو علي وقالو لي نحن ماخدين راحتنا وبنتنفس بطريقه احسن منك والهوا يطقنا وانتي لا وي عويره فكي وي بت النقاب د مسؤلييه وي منن عيشي حياتك يعني يا تميم انا لقيت الكلام من كل الناس حتى اهلي م سلمت منهم خلي صحباتي اهلي م كانو راضين بيه ابدا بس انا كنت قويه ولي الأن بفتخر بي قوه شخصيتي وكل مره بقول هو من عند الله... انت عارف انا صح كنت بلقى الكلام من القريب والغريب بس ابدا ما كنت برخي لزول ولا كنت بسمع لحد كان المهم اني انا عاوزه شنو وبس خلاص م مهم رأي زول تاني... حتى صحبتي الكانت قريبه مني لم قالت لي النقاب ده مسؤليه وانتي م قدها وانتي كنتي بتلبسي لبس شاذ ف كيف تجي تتنقبي طوالي وصعب وم ادراك قلت ليها ربنا رحيم وحيثبتني بس دي الكلمتين القلتهم ليها كنت واثقه ان ربنا معاي وجمبي وم حيخذلني ابدا كنت واثقه من قراري كويس وي جبل ما يهزك ريح... م كنت شغاله بكلام الناس لأن اصلا كلام الناس م بنتهي.. يعني تكون محتشمه وببب وتكون م محتشمه وبين.. لكن الحمد لله والله ان ربنا ثبتني وثبت قلبي وصبرو... كتييييير كنت بدوخ وبقع لكن اصلو ما بيأس وخاته الرحمن في قلبي وبقول بكره تهون وم مهم تعب الدنيا المهم الفوز في الاخره.. النقاب نعمه وراحه وهديه من ربنا لينا.. النقاب ستر وعفه... انت عارف زمان الناس بتقول لي ما بتعرسي بنقابك ده والجاي يعاين ليك منو م كنت بدي الموضوع اهميه وبقول الجاي من ربنا كلو خير... الحمد لله الحمد لله... وصراحة اول ما لبست النقاب م كنت ملتزمه بس تاني خطوه خطوه عتبه عتبه قدرت احتشم بالطريقه البترضى ربي... العافيه بجد درجات والبصبر في الدنيا الله بشرو تاني فشنو اكتر من كدا...
اخدت نفس وكنت عاوزه ارغي لسه بس انتبهت لي تميم المبتسم وبعاين لي بأنتباه سكتت ونزلت راسي قلت ليه امم اتكلمت كتير صح؟ قال لي ابدا واصلي انا مستمتع قلت ليه لا خلاص قال لي طيب عارفه ان دي اول مره تتكلمي كتير بالطريقه دي؟... ابتسمت وصلحت الطرحه وانا بقول اندمجت شديد مم عشان بحب سيرتو شديد ولمن تتفتح ما بعرف اسكت قال لي طيب واصلي يعني حتى لم كانو بنتقدوك م كنت شغاله بيهم طيب ده بعتبر شنو قلت ليه عون من الله.. الحمد لله كتير يعني انا لم كانو بنتقدوني كنت بصر اكتر قال لي طيب والتعب؟ قلت ليه كنت لم أتعب الآيات دي بتجي ف بالي ف بلقى اني صبرت الآية دي بتخليني اصبر على كلام الناس قال تعالى ﴿وَلَقَد نَعلَمُ أَنَّكَ يَضيقُ صَدرُكَ بِما يَقولون فَسَبِّح بِحَمدِ رَبِّكَ وَكُن مِنَ السّاجِدينَ﴾ والايه دي بتخليني اتذكر نعيم الجنة {أَصْحَابُ الْجَنَّةِ يَوْمَئِذٍ خَيْرٌ مُّسْتَقَرًّا وَأَحْسَنُ مَقِيلًا} والايه دي بتكون لي زي التحذير قال تعالى ﴿وَلا تَتَّبِعِ الهَوى فَيُضِلَّكَ عَن سَبيلِ اللَّهِ﴾ .... ف بلقى أني اتيقنت قال لي الحمد لله عليك.. ابتسمت قال لي ههه عارفه قلت ليه اها قال لي نسبة اني زول غيور شديد ف موضوع نقابك ده مكيفني ومخليني مطمن يعني فكرة اني انا الوحيد الاكون بشوفك دي حاجه بتطمني.. قلت ليه الحمد لله قال لي يلا انا بعد ده ماشي قلت ليه ااا اقعد شويه قال لي والله يا منن وراي شغل قلت اجي أطل عليك وامشي اواصل قلت ليه جزاك الله خيرا ما بتقصر والله يا تميم قال لي ده الواجب اها هاك ديل لو احتجتي اي شي اشتري قلت ليه لااا م محتاجه حاجه والله.. عاين لي وخت القروش ف التربيزه قلت ليه تميم عاين والله م محتاجه انا قال لي انا م قلت ليك انتي محتاجه انا قلت ليك شوفي العاوزه وجيبي امشي اشتري عبايات اشتري البعجبك يلا ف امان الله... م رديت ليه قال لي زعلتي يعني خلاص تمام كان عاوز يطلع قلت ليه تميم قال لي نعم قلت ليه عاين لي.. عاين لي وقال لي خير قلت ليه تميم انا بس م متعوده قال لي اتعودي عشان حتحصل كتير ويلا ف امان الله قلت ليه معليش حقك علي طيب وف امان الله... رجع وقف قدامي وقال لي قلتها ليك ميه مره وحقولها تاني انا مسؤول منك تمام؟ قلت ليه طيب قال لي م زعلانين صح؟ قلت ليه لا العفو والعافية قال لي يلا اشوفك بخير... حب جبيني وراسي وقال لي يلا ف امان الله... ابتسمت وقلت ليه ورعايته.. قدمتو للباب لمن مشي ورجعت وانا بقول عوض الله اذا حل انساك ما بك من ضجر... الحمد لله مدداً...
مرت السنين بحمدِ الله وها انا اليوم أم لأربعه أطفال ♡...
_تميم صليت الضحى؟
=اي الحمد لله وانتي؟
_صليتو قبيل
=طيب قومي خلينا نصلي الظهر قبل يصحو الشفع ويشغلونا
_طيب دقايق اتوضي
=حفرش المصالي ف الوقت ده
_طيب
=يا ام جهاد
_اها
=عِوض الله مبهر
_أصبت القول
=يلا امشي الزمن
_حاضر بس فهمتك ع فكره ♡
=مم اسمعي طيب اقولها عديل
_ههه اها طيب
=الحمد لله عليك
_♡♡♡♡♡♡..
