صل على النبي ♡
بعد قضينا اليوم مع بعض كل حد رجع بيتو... الساعه كانت 11... راقده وبفكر في الحصل قبيل دا بس تاني استغفرت لحد ما نمت.... صحتني ريناد الساعه 2 قالت لي قومي ي بت م عاوزه تصلي قلت ليها الساعه كم قالت لي اتنين قومي قلت ليها طيب وانتي مساهره ولا صحيتي يادوب قالت لي لا مساهره عاينت ليها وقمت قلت ليها مع منو قالت لي واحد م عندك بيه شغله يلا امشي حمامك قلت ليها اصبري بمشي وبجيك جابت ليها اولاد كمان.. مشيت دخلت اتوضيت وطلعت لقيتها بتصلي قلت ف نفسي شوف بالله عشان ما اسألها يعني... عاينت لمهاد لقيتها متكرفسه من البرد ف غطيتها وشلت الاسدال وصليت ركعتين بعدها بقيت اسبح تاني صليت على النبي وبقيت ادعي كتييييير بكل حاجه يتمناها قلبي وختمت الدعاء بي لا إله الا انت سبحانك اني كنت من الظالمين..
{وَخَشَعَتِ الْأَصْوَاتُ لِلرَّحْمَٰنِ فَلَا تَسْمَعُ إِلَّا هَمْسًا}
قمت صليت ركعتين تاني وبعدها قريت قرآن وبقيت مواصله كدا لم الأذان اذن..
"الفجر الذي طابت به خواطرنا💛
قمت من المصلايه وقلت لي ريناد بمشي بصحي ديل قالت لي سمح انتي امشي صحي عامر وانا بدق الباب لي امي وابوي قلت ليها طيب.. مسكت طرف الاسدال ورفعتو فوق ومشيت لي عامر دقيت الباب مرتين بعدها دخلت لقيتو قاعد ف المصلايه قلت ليه صاحي انت؟ قال لي ايوا صاحي قلت ليه كنت جايه اصحيك للصلاه حتصلي هنا ولا ف المسجد قال لي لالا ف المسجد قلت ليه طيب دعواتك قال لي اسمعي عليك الله بعد تصلي وتعملي الشاي اعملي معاه زلابيه قلت ليه من عنيا حاجه تانيه؟ قال لي وتعالى اكوي لي قميصي قلت ليه طيب م اني م بحبها قال لي معليش مجبوره معاي قلت ليه حاصل.... سمعنا صوت امي قالت لينا انتو هنا قوم قوم ي عامر حصل الصلاه وانتي امشي عشان تختي الشاي ف النار قلت ليها حاضر... مشيت طلعت الاسدال وانا بقول وضوء القيام للقيام و وضوء الفجر للفجر وده الاحب لي ومن أحب شيء فعله ♡..
بعد اتوضيت طلعت وصحيت مهاد ابت تقوم قلت لي ريناد ساهرت ولا شنو قالت لي اي شكلها ساهرت قلت ليها وانتي ي الأخت قالت لي بحكي ليك ياخ يوم تاني قلت ليها ممم كويس بحترم بس انك م عاوزه تحكي هسي قالت لي بوسه ليكك قلت ليها لكن ي ريناد م صح اقصد حرام عديل قالت لي ما بتوصيني اكيد بس م قاعدين نتكلم الليله يادوب دق قال عاوز يسأل ابوي وعامر فاضين بتين وعاوز رقم عامر وكدا قلت ليها وبببب الموضوع جدد يعني؟ هو منو واسمو منو وساكن وين وعاوز يجي بتين وليه قالت لي هوازن لا إله إلا الله قلت ليها محمد رسول الله قالت لي هو ف السعوديه والموضوع جد اي قال يعقد و اجيهُ هناك قلت ليها وماف عرس؟ قالت لي لا عرس لي م عاوزين نعمل عرس بس بلبس بلدي وامشي ليه هناك قلت ليها انتي جاده؟ قالت لي كل الجديه وعشان ما تتخلعي فيني امي عارفه ومهاد عارفه وعامر عندو خلفيه عنو كان حكيت ليه ان ف زول قال عاوزني ع سنه الله وبس قال لي انتظريني سته شهور وهدي مرت السته شهور قلت ليها د شنو كلكم حتمشو منن حتمشي وانتي والجايه منو يخوانا قالت لي ربنا يتم ع خير قلت ليها أن شاء الله يارب لكن لي م وريتيني وكمان اعرف آخر زول ف البيت قالت لي اخر زول بابا ي السمحة قلت ليها لحنتيها لالا انا زعلت والله قالت لي ي بت هي هو زول بس بالكلام قال عاوزني اجي ازيع الخبر؟ وهسي لم يتقدم والعقد يقرب حتى نعلن قلت ليها اقضو حوائكم بالكتمان يعني لالا انا لحد هسي مصدومة والله عيب منك اكون انا اختك واعرف بالطريقه دي قالت لي بحكي ليك قصتو بعد نصلي هسي ارح نلحق... عاينت لمهاد عشان أصحيها لقيتها قاعده بتعاين لينا قلت ليها بسم الله انتي صحيتي قالت لي من بدايه الشمار صحيت تعالى ي ريناد جاي بتين وريتيني؟ ريناد قالت ليها الصلااااااه وكبرت... ضحكنا فيها بعدها استغفرت وكبرت اولا الرقيبه بعدها صلاه الفجر.. بعد خلصت الصلاه قريت ايه الكرسي والباقيات الصالحات وصليت على النبي وقعدت اتحصن... الاحساس كان دافئ شديد... حاسه نفسي خفيفه ومرتاح جدا وكلو بفضل التقرب من الله ♡..
انا حييت بعد ما سعيت في الطريق إليه... حسيت ان عمري الفات كلو كنت ميته ويادوب صحيت... وم ندمانه على الفات لأن الجاي هو المهم ف الحمد لله مدداً ♡.
