صل على النبي ♡..
لم كنا ف العربيه ماشين على المركز فتحت تلفوني وكتبت ف المفكره :
_اللهم اجعل الدنيا آخر... همي"
كنت طوالي بدعي إني ما اتلهي
وما اكون من الغافلين الخاسرين
وما اكون من الظالين الطريق
وما اكون من الذين يظنون انهم يحسنون صُنعا
وما اكون من الذين قلوبهم متحجره
لا يعرفون الذكر ولا ضميرهم يأنبهم
جارين ورا الدنيا وناسين الاخره
ناسين في نار وفي عذاب
ناسين ان النار وقودها الناس
صح..
ان الله غفور ولكنه شديد العقاب
أن الله يمهل ولا يهمل
•••
عارف زي لم ترمي بخور ف النار
بس الفرق ان النار حقت الدنيا بارده
بالنسبه لنار الاخره
لك أن تتخيل؟
ايوه ايوه النار الفي الدنيا بااارده بالنسبه لجهنم
ف نحن دي ما مستحملنها ف كيف حنستحمل
جهنم؟
•••
دايما ادعي يارب اهدني
هداية لا اضل بعدها ولا أشقى
وادعي ان يخشع قلبك
وان لا تكن من الغافلين
ادعي ربنا ينجيك من عذاب النار
وان تعبر الصراط المستقيم
اوصيكم أن تدعو "اللهم رضاك والجنة وكل فعلٍ يؤدي إلى الجنه"...
معلومه ايوه...
انك بتدخل الجنة برضا ربنا عنك
ف دايما ادعي ربنا يرضى عنك
ويوفقك في عبادتو
ويوفقك تكون من عباد الرحمن
الذين لهم منزله عند الله
عاوز شنو اكتر من كدا؟؟
دنيا؟
انسيت القارعه يا ابن ادم؟
انسيت الهول الذي ينسيك امك؟
امك لاحظ ينسيك امك
انسيت انك تأتي يومها "فرداً" بأعمالك
ف ليه نكون من الخاسرين
وممكن نكون من الفائزين
ليه نكون متفوقين ف الدنيا
وفي الاخره لا؟
ليه ما نسعي ونخت طموحات للأخره
زي ما بنعمل بالضبط في الدنيا
هي الطموحات دي لازم تكون هادفه للدنيا؟
كلا والله وإنما الطموح الحقيقي
هو وصولك للجنة
" ف اللهم بلغنا الجنه
مع من نحب وتحب💛))..
......
بعد خلصت نشرتها بقدر ما اقدر وكنت بتمني من قلبي اني اقدر اصحي ناس كتييير من الغفوه يلي هم فيها زي م جاتني رسالة يومها وصحتني للكنت فيه ف انا عاوزه اصحى ولو قليل.. ف اللهم اكتب لكل شخص يقرأ الكلام دا الهدايه وكن له عون...
بعد ختيت التلفون عامر قال لينا اها كيف حاسين؟ م مضايقكم او مانعكم تتنفسو؟ قلت ليه كلا والله راحه احمد الله واشكرو عليها... مهاد قالت لي والله بجد انا من زمان مُناي اتنقب ف الحمد لله انه وفقني... ريناد قالت لي أن شاء الله ربنا يوفقنا دايما لطاعتو ويكون عون لينا قلت ليها امييين يارب اها انتي ي فلانة بجد قدر قرارك ده قالت لي روز ياخ انتي مفترض تشجعيني م تخوفيني قلت ليها يا بت تخافي ليه هو النقاب يتخاف منو؟ بالعكس قالت لي والله ي هوازن انا بجد لابسه قناعه صح شفتكم لبستو ولبست معاكم إلا واني مقتنعه تماماً اني مرتاحه أشد الراحه بالقرار ده وابدا م حاسه اني ندمت ولا اتسرعت وحتى لو جا ف يوم تعبني ف هو ع قلبي زي العسل وحأصبر ي هوازن عشان انا م ضعيفه للشيطان ♡...
