ربَّـما_أنـتَ
بقلم: نـور الجبوري
تصويت و تعليق بين الفقرات ✨.
***********************
يذهب الموقف ولا يذهب تأثيره ♥.
~~~~~~~~~~~~~~~~
أمواج : يمه كمل التمن وصار يخبل.
أم حسين : عفيه عليج حبيبتي.
_ اجيت كعدت يمه وهيه تثرم خيار
أمواج : يمه والله طالعه روحي ماطلعيني.
أم حسين : ابوج مايقبل وعنده شغل هل فتره.
أمواج : لا لا بدون مايدري مثل قبل.
أم حسين : قبل جنتي طفله هسه كبرتي و العالم صارت تعرف ابوج بعد اكثر حتى يكولوله موو؟
أمواج : يمه راح اموت حسي بيه ماشفت راحه من نولدت لحد الان.
أم حسين : شبيدي عليج يمه شو حالي حالج كاعده وساكته.
أمواج : زين اخذيني وياج للصالون اكص شعري لو اسوي وشم…هاا شدكولين؟
_ طكتني خزره و حجت بعصبيه.
أم حسين : كافي انسي خليتج اسوين مره و لحد الان متندمه.. و على كصه الشعر أنتِ تعرفين شنو صار بيج اخر مره كصيتي شعرج.
::- صفنت و أني اذكر شنو صار بيه من ابوي شافني كصيت شعري موتني كتل يومين ماطلعت من غرفتي من وجع رجليه ماكدر امشي و فوگ كول هذا اني عتذرت منه.
أم حسين : هاا ياحلو ها يتفاح وين صافن؟
أمواج : أبتسمت. بعدج تصيحلي تفاحه هههههه.
أم حسين : جنتي تموتين على التفاح حتى من وراء وطاحت كل اسنونج.
::- بهل اثناء دخل ابوي و حسن اخوي وهمه جاين من شغلهم. سكتنه اني وامي وسلمنه عليهم و صبينه اكل.
أبو حسين : حسن خابر اخوك كوله خلي يجي يشرب الجاي عدنه.
حسن : تمام.. اليوم شنو راد منك ابو حسان من حجيتو سويه؟
أبو حسين : بعدين اسولفلك انتَ و اخوك.
أمواج : ابوي طول الکعده يباوع عليه استغربت خاف يريد يضربني ياستار كلشي مامسويه.
خلصنه اكل و بديت اغسل مواعين و امي اسوي جاي ؞؞أجـه اخوي حسين لن هو بيته وحده بس نفس منطقتنه..
حسين : شلونج موجُ.
أمواج : الحمدلله.
_ مشى الغرفه ابوي و اني غميته من وره بديه لكلهن رغوه من الزاهي ؞ امي ضحكت عليه .
أم حسين : عيب يمه اكبر منج.
أمواج : عوجت حلگي وقلته ؞ كال موجُ كال ههه اسمي امواج امواج راح يخبلني.
أم حسين : اخذلهم الجاي احسن و أنتِ كملي غسل هههههه.
::-راحت امي وشويه ورجعت مستغربه.
أنت تقرأ
ربَّـــمـــــــــا أنــــتَ
Romanceتبدين ذابلة بالقرب مني. كما لو كنت البحر. أقف عاجزاً عن جدوى ارتوائكِ. رغم ما أملك من ماء. يبللني غرق الفقد. جرء دفع عجلة الحياة المريعة وحدي. دون مساعدة منك. استظل بك.. رغمًا عني. تحت ظلك القادر لوحده. على حمايتي. من شمس الفراق .. ..
