ربَّـــمـــــــــا أنــــتَ

الـبارت 16

ربـما _ أنتَ

الكاتبة : نور الجبوري

متابعه حسابي و نجمه و تعليق بين الفقرات لطفاً ♡. 

~~~~~~~~~~~~~~~~~~~~~~~~~~~

أضَمك بية مِثل النَخل لَمن يَضم جَمارة🤍

~~~~~~~~~~~~~~~~~~~

امواج : أصــف  شبيك ؟.

::- ساعدته وصلته للجربايه كعته عليَّ و رحت ركض جبت بطل مي شربته و غسلت وجهه و اني گلبي يدك سريع خايفه عليَّ.
امسح بوجهه و احجي.

_ أصف شبيك شكو منو وياك  لا تسوي هيج و تخوفني.

:- هو ساكت مثل الشخص المصدوم.
لزمته من الکتف و حركته.

_ أصف احجي وياي شبيك ليش هيج وضعك  ؟.

:- اشرلي اجيب جهازه و اني ركض جبته هو فتحه و كتب.

_ جنت بالمقبرة رحت الأبوي.

:- باوعت عليَّ بس الامر مايحتاج هيج يصير بيَّ لأن أبو مات و هو صغير كلش.

_ بس وضعك مو مال واحد رايح للمقبرة.

_ كتب … أمواج اني صح  ما اتذكر  شكله كلش و لا عندي ذكريات وياا بس اني أحبه كلش من اباوع على نفسي بالمرايه واشوف شكلي الي يشبه احس روحـه داخل جسمي و هسه رحت القبرة متت الف موته.

_ أسم الله عليك لا تحجي هيج هذا حد يومه.

_ كتب … هذوله الحقراء الچلاب  مو عمامي هذول عايفين قبر اخوهم مهدم امواج شفته مهدوم  و صاير تراب و على الكبر زبايل  محد يجي يزوره دمروني دمروني الـ  ***.

:- رفعت ايديَّ و مسحت على راسه اهدي لان عصبي كلش.

_ كول يالله اذا على القبر سهله تكدر تبني من جديد و ترتبه تمام بس اهدى أنتَ و عمامك الله ياخذ حقك منهم.

:- هو غمض عيونه و اني بقيت امسح  على راسه عسى ولعل يرتاح و هو ياخذ نفسي حتى يهدي وضعه شويه ... مرت فتره و جهاز اصف رن حسان يتصل عرفت على مود نطلع انطيت رفض و حاجيت أصف.

_ أصف يلاً نطلع اخوانك ينتظرونه.

:- فتح عيونه عرفته تعبان.

_ اعرف تعبان بس لازم نطلع حتى سياقه لا اسوق قصي يسوق السياره و من نوصل هناك نام و ارتاح يلاً عيني كوم.

:- هو و كف على حيلة و اني لملمت الغرفة و لبست شالي و طلعنه اخوته لكيناههم جوه همَّ راحو بسيارتهم و أصف أنطه المفتاح الـ قصي يسوق و انطلقنه  ،  طول الطريق عيني على اصف ساكت و بس صافن كسر گلبي  ،  وصلنه للبيت أصف صعد للغرفه بسرعه دخل يسبح من طلع حاجيته.

_ أصف اسويلك اكل.

:- هو أشرلي ما يشتهي.

_ بس شلون ما ماكل شيء أنتَ.