ربَّـــمـــــــــا أنــــتَ

الـبارت 8

ربـما _ أنتَ

بقلم : نور الجبوري.

متابعه و تصويت و تعليق بين الفقرات لطفاً ♡.

~~~~~~~~~~~~~~~~~~~~~~~~

كون كل شارع اشوفك
جا گضيت العمر امشي
وكون اگابل مرة وجهك ؟
اله اعميهن
اذا ينطبك رمشي
مو مجرد صدفة انت
ولامحطة ويمها اگعد
واستراح انت كلشي

~~~~~~~~~~~~~~~~~~~~

أمواج : لا تـعـوفني بعد  ..  شنو احجي و اخربط لا تعوفني ابقه و لا تخليني اتندم لان احجي اني اموت اذا ابقه كاتمه كلشي داخلي و انفجر  أنتَ  بس ابقه لا تزعل اضوج اني وحدي كلش.

::- هو اندار و اجـه كعد بصفي و برجله يهز المرجيحه  ..

امواج : لا تحجي ايي شيء ابقه بس اسمعلي.

::- هو صافن و مبتسم و اني صافنه عليه عيونه تشرح الي بداخلنه و لي مانكدر نكوله..

امواج : أتمنى  اني وياك و امي  نعيش ابيت وحدنه لان بس انتم ماجرحوني و تخافون عليه  مو مثل البقيه.

::- هو بس صافن و يسمعلي.

امواج : اني قررت قرار.
اريد ابقه يمك و ما اطلك ابد.

::- هو ظهرت على ملامحه  الاستغراب.

_ مو لان اهلي يضربوني و يكرهوني لا بس  أنتَ انسان هادء  و حباب  و ماتضربني و دائمن منطيني مساحه  ..

::- هو بس يباوع عليَّ و ما يرمش فتره طويله يلاً يرمش  مع ابتسامته الحلوه على وجـهه.

_  اني وياك  صرت طيره حُره محد يكدر  يكسر جناحه.

::- هو على نفس وضعه بس اني توترت من نظراته و استحيت ضربته على كتفه  و ضحكت.

_ كافي سوالف بعد لا تزعل و هاي هي هههههههه.

::- هو ضحك  و بقينه نتمرجح شويه بعده دخلنه الغرفتنه و من شفت خطوته  اتجاه الغرفتنه من داخلي فرحت رجع و اخيراً...  بعده نمنه لان الوقت اتاخر..

_ صباح الخير.
اليوم هنا ماتروح للشغل يعني.

::- هو يمط بجسمه و يفرك يعيونه و مبتسم و هز راسه  بمعنى أيي ماروح.

_ كوم يا كَسول  يلاً.

::- غسلنه و نزلنه لكينه الكل متريك و رايح بس ام اصف كاعده بصاله و فاتحه التلفزيون على قران  ..  اصف راح يمه باس راسه و كعد و اني دخلت للمطبخ  سويت ريوك و جبته و كعدنه يمه.

ام حسان :  اليوم مأخرين بالكعده شعجب.
و انت ماريح الشغلك.

امواج : ايي هو كال ماروح اليوم.

ام حسان : الله يسعدكم  ان شاءلله يوم الشوف جهالكم و افرح بيهم.

::- يربي وقت جهال هسه هم جابت طاريهم هستونه تصالحنه تريد تخربنه هااي..  احنه ابتسمنه و كملنه اكل..  بعده حضرنه الغده و اصف طلع اسوك و اجـه..  و اجوي الشباب..