ربَّـــمـــــــــا أنــــتَ

الـبارت 27

ربــما _ أنتَ

الكاتبة : نور الجبوري.

متابعه حسابي و تعليق بين الفقرات و نجمه لطفاً.

~~~~~~~~~~~~

كان سببـاً في أبتسامتي و لكنـةَ أبدع ببکائي.

~~~~~~~~~~~

أمواج : و حجت الكلام الي رجعني النقطه الصفر  و خرب كل احلامي و  افكاري.

أم حسان : أصف من بعد ما رفضتـة رانيا  بعد ماحب و خلص دراسه و فتح محل و بقى يشتغل و ملتهي.

_ أيي كملي.

إم حسان :  و اني بقيت أخطبلـة بس كل وحده تعرف بيَّ اخرس تبطل و اكثر من وحده رفضت و أصف كال بعد لا تخطبين ماريد و اني بدون علمـة اروح اخطبلـة و همَّ يرفضن  و اني ماكول خاف يعصب.

_ أيي و بعد.

أم حسان: أبو حسان اكو كم قطعه ارض بس هي تعود لأصف و اصف من كبر كاله حولهم بأسمي هذني الي بس أبو حسان جان يرفض و أصف هواي يحاول وياا  بس رافض لحد ما أجـة يوم و شرط على أصف أذا ازوجج راح يرجع كلشي بأسمه  و أصف جان رافض فكره الزواج بيج بس اني و أبو حسان كوه قنعنا.

_ يعني ازوجني بس حتى يرجعلـة لاراضي؟.

إم حسان: أيي و حتى أبو حسان جان خايف كال هذا بس احولهم بأسمه راح يطلك البنيه  يرجعها و من شاف علاقتكم و زواجكم أصف رجع كال يلاً رجعهم بس أبو حسان  خاف من هل شيء و كال من اشوف طفل بحضنك يلاً ارجعهم و اني الممنون.

:- ماكدر اوصف شعوري بهاي الحظه أبوي زوجني على مود الفلوس و أصف همَّ قبل يزوجني حتى ترجعلـة لاراضي الي هي هم فلوس،  هسه عرفت ليش ماجـة على العرس و لا شافني و تعرف عليَّ جان همـة بس يزوج و يحصل الاراضي اني مو مهمه ولا شيء بنسبه الهم بكيفهم يجبوني و يحطوني.

أمواج : كمت و اني دنيا تفتر بيـة ماعرف شنو اسوي احس نضربت على راسي.

أم حسان : وين يمه؟

_ هسه أجي.

:- صعدت الدرج و اني جسد بلا روح حتى هو طلع مثل أبوي يحب الفلوس  وصلت للغرفه و فتحت الباب دخلت باوعت عليَّ امدد على الجرباية و يصفح بجهاز اول ماشافني أبتسم و اني ماتحملت سحبت المزهريه كسرته و رجعت سحبت العطر كسرته بالـگاع و كلشي بديت اكسر و اني احجي بحركه گلب.

_ هـيج هـيج طلعت أنتَ ماتحبني كله جذب بجذب الحب و الاهتمام جذب بس حتى ترجعلك الاراضي اني لا شياء  أنتَ نفسهم نفسهم نفس أبوي نفس حسن و حسين نفس أبو حسان تحب الفلوس تحب الأملاك  كسرت كلبي حركته حرك و اني الثوله اكول ليش ليش مايجي يشوفني ليش مالبسني حلقه طلع من وراء خشمه قابل عليَّ بس حتى يرضـة ابو حسان  .