احببتك رغُم اختلاف الطوائف.

part5

"بسم الله الرحمن الرحيم "

احببتك  رغُم اختلاف الطوائف.

باجر من ترد ما تلگه شي موجود
تلگه الورود ذابل والارض صحره
تلگاني مدينه  مسدده البيبان
بيها الگمر  ميت والشمس حمره.

...............................................................             

كلمات تخرج من ثغه وتطرب مسامعي ويصيبني بعض الذهول من هاذه القصه التي يسردها  ،خالو وهوا هجرها لو رجع الها؟
احمد : أنتِ شنو تكولين ؟
عائشه:اي يرجع الها لان دام كل هالحب والانتضار اكيد يرجع الها .
عُمر:لا اني اكول ميرجع .
علي:اي اني اكول ميرجع مثل مكال عُمر لان لو يريدها مجان هجرها كل هالمده .
فاطمه :لا اسمعو غلطانين .
احمد:اي صح يرجعلها .
عُمر:شون يرجعلها وهوا تركها كل هاي الفتره؟
احمد:دنطي صبر ياابني خلي نحجي .
الكل: كمل .
بلش خالي يحجي من جديد.
احمد:ضلت هاي المره تنتضر ست سنوات ع امل يرجع الها لحد ما بيوم من الأيام دخل الرجل ع ابوها وكال يا محمد أشهد ان لا اله إلى الله واشهد انك رسول الله ف نطق الشهاده وكال إلى يا رسول الله هل ترد الي زينب ،لاني والله لا أقدر أن أعيش من دونها ف رد روسول الله السيده زينب رضي الله عنها لزوجها .
عائشه:خالو جان يحجي كل هالوقت واني مجنت ادري يقصد منو ،بس طلع قاصد السيده زينب رضي الله عنها وارضاها شكد لعد حلوه القصه مالتها .
عُمر: الله شكد حلوه قصتهم .
علي:خالي يعني هوا مجان يحبها ؟
احمد :لا خالي يحبها بس هيه اكثر .
عائشه:زين خالو شون الرسول زوج السيده زينب ورجع اخذها من زوجها ؟
احمد:سؤال حلو ،شوفي هوا صح الرسول نزلت الدعوه عليه بس مو كلها جانت مؤمنه بيه بس أهل بيته ومجموعه ف جان عادي الزواج بيناتهم وهوا صح جان فرق بالعمر بس هوا مرفض راح لزينب رضي الله عنها وفاتحها بالموضوع وزوجها لان وافقت ،وبخصوص ليش رجعها لان الله طلب من الرسول يباعد بين الكافر والمُسلم ف رجعها ،ورجع زوجها اسلم ورجعها وهاي كل القصه
علي :اريد مثلهم .
عُمر: والله حُبهم شريفف.
عائشه: هههههه اي والله جد شريف مو مثل حُب هالوكت .
علي:اني راح اخلي الناس تحجي بقصه حُبنا اني وزوجتي بالمستقبل .
عُمر:غير لو يستقر الشريف الخفيف .
علي:لتدخل ابني .
عُمر:ديلا خوش ،وها من تزوج سويلي تاك لتنسى هههههه.،ويلا من رخصتكم اريد انام .
علي:جعلك بالطمره اي والله.
عائشة:خالو احجيلنا انتَ ع قصه حُبك .
احمد:ان شاء الله خالو ان شاء الله.
فاطمه :يلا اتأخر الوقت خلي انام .
عائشة:خالو يمك يلا .
احمد :تعالي يعيون خالچ نامي .
عائشة:نمت ع ايد خالو والبقيه كلهم بمكانه نام،نايمه وعيوني معلكه بالسماء السوداء التي يوجد داخلها نجوم وقمر جميل وكان الهواء بارد ونسمات الهواء الباردة كانت تداعب وجنتي وخصل شعري ،نمت واني الفرحه مرسومه ع ثغري.