احببتك رغُم اختلاف الطوائف.

part13

"بسم الله الرحمن الرحيم "

احببتك رغُم اختلاف الطوائف.

القصيدة ..

بزيناتك تعيرني ولك يا زين ؟
على الماكو عشت وياك
مثل المشتري محبس رزق بالدين
الخسارة الـ بية من كل صوب
حسافة و انتَ أمنيتي
ويَ طيحت كل رمش بالعين
اذا ع الهيبة احنـه الچنه نُصبغ بيك
و اذا حاصدلي وردة انا الزِرع صوبيـن
يـ المخليني هلهولة بعرس معدان
عليه تزامطت نسوان
كلها تصيّح شبيها ؟؟
(بيت انطلب دَم و ثار )
ما قهرتني ايدك من تحز نَحري
قهرني الخنجر الـ مالي مَليّ الـزنجار

الگلب يتگطع بسچين
شعندك رحت لأهل الفوسّ
وجه و گُفة حافضني
ماترهم و اكول الوادم يغيروك
چنت إستـاذ و انا دروس
كلها تصيحلك بهدايّ
من گلبك تعتّ بيه مثل جَر العبي من الروس
تتفنـن بتعذيبي و لا واحد يگلك ليش
جنود و لزمو الجاسوس
ما خذت الحذر منك
من اطرافك و الزم بيك
صوچي تقربت للموس
و المأذينه سـولفنـا
المُهم ما نگدر بلياك
توجع بَعدك الايام
( حامل و بـ بطنها تدوس )
تَعال النا الاعذار هواي
-طگنـا العوز و انتَ فلوس

عليك افترن شچم سوگ
و ردن فارغات الايد
كالن ما لگـن مثلك
جَمالك سيرةّ العُربان
-يـ حنـة بچف الحديثات فنه الما يباوعلك

شما يـمشي العُمر تغلى
بَشر من صنف الانتيكات
نباوعلك و ما نشبع نِـرد النوب
مرايه بـ چـف المعرسـات
هدية ميت انتَ شلون افرط بيك ؟
لا هيهات
يـ شايل حُضن بيت إجداد
نبچي ، نعارك امنه إعليك
المهم بس كون بيك نبات
............................................................
عائشه..
دخلت للغرفه ميته تعب دخلت للحمام واتوضيت وفرشت السجاده وصليت وكمت بدلت ملابسي ونزلت للمطبخ اريد اكل شي واروح انام طبيت لكيت امي ،ها الله يساعدچ.
فاطمه :هلا يمه .
عائشه:اجيت بوستها من راسها.
فاطمة :اي شون جان الامتحان وياچ جاوبتي لا؟
عائشه:لا الحمدلله جاوبت بس عندي اغلاط قليله .
فاطمه :مو مشكلة اهم شي جاوبتي .
عائشه :اي الحمدلله ٫شنو مسويه اكل اشم ريحه دولمه ؟
فاطمة:بضحكه اي سويتها صار كم يوم ممسويتها وهم انتِ واخوانچ تحبونها ف سويتها .
عائشه:يايي تعاي ابوسچ .
فاطمه :ههه حبيبتي يلا كعدي هناك ارتاحي بين مااجهز الاكل .
عائشه :لا خليني اساعدچ انتِ تعبتي كلهم عليچ من الصبح تشتغلين هسه اجه دوري .
فاطمة :خوش بس خلي اكمل الغده وانتِ فرشي السفره وسوي اللبن والزلاطه .
عائشه:تمام اخذت السفره وطلعت فرشتها بالصاله ورجعت سويت اللبن وطلعت للصاله رتبته وخليت بصفه الكلاصات رجعت للمطبخ واخذت الخضراوات وصرت اثرم بيهم كملتهم وخليتهم بمواعين وشلتهم ع سفره ورجعت ع ماما ،ماما كملت تحتاجين شي .
فاطمه:عاشت ايدچ لا ماما مااحتاچ غير سلامتچ وروحي صيحي اخوانچ وتعاي كعدي ع سفره ثواني ويجهز الاكل .
عائشه :صار بعيوني الثنتينن،طلعت ع درج لغرفه علي وعُمر الي صايرين واحد بصف الثاني وغرفتي شوي تبعد عنهم بمسافه وغرفه ماما وبابا جوه كملت مشي ودكيت الباب .