احببتك رغُم اختلاف الطوائف.

part12

"بسم الله الرحمن الرحيم"

احببتك رغُم اختلاف الطوائف.

اتمنى أردلك بَس صعب
منتهية اكيد السلعه اذا رجعت على الباعوها
والبوگة زحمه من الاهل
محتار تبقة بفشلتك لو تلزم الباگوها؟
رماد بجگاره انا وطحت
ما اظن بعد تلزمني...
الگضيتهن وَحدي ترى
يرفضوهن اللبسو عگل
صدگني ..
شايف شگد تقهر لعد ادعيلك بنص الفرض
واتذكرك بايعني
ادريك كُلش تختلف
بَس مال هجرانك صلف
صعبه ترى
چا عَ الاقل ودعني..

.............................................
حَسن...
طلعت من الامتحان والرون صاعد بسبب الامتحان والحر صح أول يوم بس احس نشكيت شك ومنا هاي الي مدري منين طلعتلي وليش كُل هاذ الاهتمام الها ليش من احجي وياها اضوج وبنفس الوقت اريد ابقى احاجيها شنو هالمشاعر وليش بس احسهم وياها هيه بالذات شديصير والله تعبت كملت طريقي وشفتها واكفه يم نرجس وديحجون اتقدمت عليهم واردفت يلا نرجس خلي نروح .
نرجس :ها ؟
حَسن:شنو ها وجعا يلا خلي نروح دام كملتي .
نرجس :اي كملت يلا .
حَسن:بيچ شي ؟
نرجس :ها لا مابيه شي .
حَسن:مدري المهم يلا خلي نروح .
نرجس :اصبر بس اروح اودع عائشه مااتأخر انتضرني .
حَسن:يلا بساع روحي ودعي ست الحسن .
نرجس : هههههه ماشي رايحه ،عائشه رحت شفتها دتحجي بالتلفون .
عائشه:ها حبيبي ؟
نرجس :اجيت اودعچ قبل لترحين .
عائشه:يروحي أنتِ.
نرجس :يلا تعاي نوصلچ بطريقنا .
عائشه:لا ميحتاچ هاذ علاوي اجه ياخذني .
نرجس :كالت علاوي واشرت ع شاب طويل وضخم وحلو واجه يمشي برزانة بأتجاهنا اجه واردف .
علي:ها عيوش عُمري شون جان الاسئله جاوبتي؟
عائشه:اي الحمدلله ،بس مو كلها عندي اغلاط .
علي :عادي ابويه مو مشكلة اهم شي جاوبتي وسويتي العليچ .
نرجس :خرب شون واحد حلو نعل هبل كلت خلي احجي شي بالكت يحبني يعجب بيه ،اءحم السلام عليكم.

علي: وعليكم السلام هلا خويه .
نرجس :اني صاحبه عائشه.
علي :اي الف هلا خويه.
عائشة:علاوي يلا خلي نروح ترا ميته نعس .
علي :يلا خويه مشينه.
نرجس :يمه صوته وحنيته يبوي شنو هاذ ينكرط كرط دنحجي وصار حَسن اهوو انتَ وكتك؟
حَسن:يلا نرجس ما كافي ؟
نرجس :يلا مشينا .
حَسن:لا أخاف بعد عندچ شي ؟
نرجس :لا معندي شي خلصت يلا نروح .
حَسن:هاي من أول لوز.
نرجس :شون يعني ؟
حَسن:لتغشمين نفسچ اعتقد تعرفين شنو الي داقصده .
نرجس :شبيك والله مااعرف شنو .
حَسن:صاحبتچ العزيزه من أول يوم لكت شاب ما شاء الله الله عليه .
نرجس :دا تقصد عائشه ماغيرها ؟
حَسن:لا ع امها دا اقصد مو عليها شبيچ لتثولين بنفسچ وتعاي شفتچ تحجين وياه خير شعندچ؟
نرجس :لا ترا هاذ اخوها واني مجرد سلمت عليه .
حَسن:ها حلو اخوها جذبت عليج مو ؟
نرجس :لا مو جذبت عليه وحتى مكالت هاذ اخوي بس من اجه كلها ها عائشه خويه ف أنه عرفته هوا اخوها وكلش مؤدب حتى كال خويه من سلمت عليه.