احببتك رغُم اختلاف الطوائف.

part14

"بسم الله الرحمن الرحيم"

احببتك رغُم اختلاف الطوائف.

يجوز ارد بشَرط واحد
روح أگطع وَردة مِـن أقرب حَـديقة
وَ حـاول ترجعـها بأيدك
شوف يقبلها الغُصن ؟
أحنة وادم مِن نِهد شغلتنة
منباوع وراها و لا نِـحن
..
و أنتَ تعُرف رَفةّ الشـارب خَسارة
و رَفةّ المفتاح نَغمة تصير للنام بسجن
فُرصة و انتَ الضيعتني
إنـا عافيتك صِرتلك
من أعوفك عُمرك تخلصَة تونّ
...........................................................
عائشه ...

چنت نايمه نومه أهل الكهف ودخل عليه علي يكعد بيه .
علي:لچ هيو كومي يلا كافي نوم مو تردين اطلعچ يلا كومي .
عائشه: بنعس علي خلي انام بروح جدك ميته تعب ولحد هسه مشبعانه نوم.
علي:لا كافي كومي يلا صار 5ساعات انتِ نايمه كافي خما شبع.
عائشه:لك حس بيه تعبانه ومااكدر اتحرك .
علي:ها خوش كملي راح اروح اني .
عائشه:فزيت وكمت بسرعه لا يلا اروح .
علي : طكيتها بضحكه ع شكلها لابسها تراك أكبر منها وشعرها منكوش اشرت عليها ترحين هيچ؟
عائشه:لا هسه ثواني واكون جاهزه والله مااطول.
علي :شوفي حشغل المنبه واخلي يعد 30دقيقه اذا مكملتي اروح خوش .
عائشه:خوش.
علي :طلعت برا وصدك شغلت العداد ونزلت برا انتضرها .
عائشه:طلع علي واخذت ملابس ودخلت بسرعه للحمام بسرعه سبحت مدري شون وبدلت وطلعت واني مو من البنات الي يتمكيجون ف لفيت شالي واخذت تلفوني وطلعت اهرول ع علي .
علي :شفتها اجتي مفحطه ،خلص الوقت واتصلت ع صاحبي يجي ياخذني كلت هيچ لو وجها انكلبت وحسيتها حتبچي .
عائشة:يابا والله ما اتأخرت وهاذ اجيت بسرعه شوف .
علي:على غير مرا ان شاء الله اخذچ هسه راح اطلع ويه صاحبي .
عائشه:لا والله ماكو مو بس خليتني ابدل تاخذني وانتَ الممنون.
علي:بضحكه خوش بس لتبجين يلا راح اتصل على صاحبي والغي الروحه بعد عندچ شي ثاني اوامر إخره ست عائشه؟
عائشة:ابتسمت على كلامه واردفت لا بس طلعني لان احس نفسي صرت حديقه محروكه .
علي:دمشي يالحديقه.
عائشه:صعدنا بالسياره وانطلقنا .
علي:وين نروح ؟

عائشه:مدري الي يعجبك .
علي:لا مو اخذچ وبعدين تكومين تصنفين كولي لمكان واني اخذچ عمود أخاف يصير شي وتخرب الطلعه انتِ السبب.
عائشة:لا عادي اهم شي طلعه لان حالتي متسمحلي اصنف.
علي:خوش راح اخذچ ع مطعم .
عائشه:ماشي ،نزلنا يم مطعم راقي وحلو ومبين مسوي جديد .
علي:يلا انزلي.
عائشه:نزلت وطبينا سويه وبين مااصعد على درج عثرت بالبايات.
علي:اسم الله شجاچ؟
عائشه:مااعرف والله احس دخت .
علي:مو مشكلة تعالي اني الزم ايدچ وادخلچ .
عائشه:مديت اله ايدي ودخلنا سويه .
علي:كعدي هنا .
عائشه:جان المكان حلو وريحته تجنن والناس الي بس جان قليل الحمدلله عمود اخذ راحتي ههه،كعدت مقابيل علي .

علي:ها لحد هسه تحسين بالدوخه؟
عائشه:لا احسن .
علي:سحبت المنيو شنو تحبين تطلبين؟
عائشه:اريد كرسبي بالدجاچ واريد شورما واريد ببسي .
علي:تمام واني راح اطلب عيران وبيتزا.
عائشه:خوش .
علي:كابتن ،بلا زحمه نريد كرسبي بالدجاچ وشاورما وعيران وبيتزا فرنسيا.
الكابتن:صار .
عائشه:طلب علي الاكل واني صرت ادور عيوني بالمكان وجذبني ثلث ولد كاعدين كدامنا ركزت بيهم عزا هاذ ابن عم نرجس واصدقائه يمه شنو هالصدفه ،شفتهم اجوي يمشون يمه خفت لا يكون جايين علينا بس لا ارتاحيت من شفتهم راحو يطبلون اكل وشوي ررجعو لمكانهم قاطع صفنتي علي من كال .
علي:ها يحلو وين صافن؟