💞 Δяяαиɢɛ∂ мαяяιαɢɛ 💞 [Taekook] (Completed)

💞 chapter 13 💞

සාරාගේ ප්‍රශ්නේ ටේගේ ඔලුවට ලොකු බරක් වෙලා තිබුනේ.. ඉවසගෙන ඉන්න බැරිම තැන ටේ මේ ගැන නම්ජූන් එක්ක කතා කරන්න තීරණේ කලා..

වෝඩ් රවුන්ඩ් එක යනගමන් ටේ මේ දේවල් ගැන කල්පනා කර කර හිටියා..

" ඩොක්ටර් අජුස්සි... "

ටේ ඇදගෙන හිටිය සුදු පාට කෝට් එකෙන් අදින පොඩි එකාව දැක්කේ එතකොට... හරිම හුරතල් පෙනුමක් තිබුන පුංචි කොලු පැටියෙක් තමයි ඇවිත් හිටියේ...

දිලිසෙන ඇස් වල කඳුළු පිරිලා රතු වෙච්ච මුහුණයි උල් කරගෙන ඉන්න තොල් දෙකයි දැක්කම ටේට මතක් වුනේ එයාගේ බනීව... ඒ නිසාම ටේ පුංචි පැටියව වඩාගත්තා...

" මොකද මේ prince අඩන්නේ... "

ටේ එයාගේ අතේ හිටපු හුරතල් බෝලෙගේ කඳුළු පිහදාන ගමන් ඇහුවම පොඩි එකා ඉකි ගගා අඬන්න ගත්තා... ටේට දරුවව නලවගන්න තේරුනේ නැතත් එයා ඒකට උත්සහා කලා... ඒත් එක්කම එතනට දරුවා අඩන සද්දෙත් එක්ක ආව නර්ස් කෙනෙක් දරුවව ටේගෙන් ගන්න හැදුවත් ටේ එයාව දුන්නේ නෑ...

" අජුස්සි... මට ඔම්මා ඕනේ... "

පුංචි එකා කඳුළු පෙරන ගමන් එහෙම කියද්දි ටේට තේරුනා පොඩි එකා ඉන්නේ පාලුවෙන් කියලා ඒ නිසාම ළඟ හිටපු නර්ස්ට කියලා ටේ කොල්ලවත් අරගෙන එයාගේ කැබින් එකට ගියා...

වැඩ කරන මේසේ උඩින් පොඩි එකාව තියලා එයාගේ අතට සෙල්ලම් බඩුවක් දීපු ටේ එයාගේ පුටුවෙන් ඉදගෙන වැඩක් කරන්න ගත්තත් හයියෙන් දොර ඇරුන සද්දෙයි කවුරුහරි වැඩුන සද්දෙයි හයියෙන් ඇහුන නිසා ටේ වගේම පොඩි එකාත් හොදටම බය වුනා...

ඉක්මනින් ඉදගෙන හිටපු තැනින් නැගිටලා දොර දිහාට ගියපු ටේ දැක්කේ පස්සත් අත ගගා ස්ටෙටත් එක ඇහිදින ජිමින්ව...

" යාහ් ජිමිනා... ඇයි හැමදාම උඩ බලාගෙන ඇවිත් භූමි වන්දනා කරන්නේ... මං දන්නේ නෑ තවමත් ඇයි ඔයා ඒම කරන්නේ කියලා... "

ටේ හිනාව කාගෙන එහෙම කියනගමන් ජිමින්ට නැගිටින්න අත දුන්නත් ටේගේ අත ගසලා දාපු ජිමින් ටේට රවන ගමන් කොන්දත් අල්ලගෙන නැගිට්ටා... එතකොට තමයි එයා දැක්කේ මේසේ උඩට වෙලා ඉදගෙන ඉන්නේ හුරතල් බෝලෙව...