يالصدفه الحلوه وياحظي الردي

الجزء الثاني .

اما بالمشفى عند ماجد اللي لازال بالانتظار يقوم ويقعد فكره توديه وفكره تجيبه حول البنت اللي شافها وكيف لها ان تكون بكل هالجمال وبنفس الوقت يتعوذ من الشيطآن ويحاول ينسى

الدكتور: لو سمحت المصاب يسأل عنك.
فز ماجد دخل عند الشايب
ماجد : سم ياعمي
الشايب: بنياتي ياوليدي كيفهم
ماجد: الحمدلله كلهم بخير انت طمني كيف انت
الشايب: بخير لكن ابي اشوفهم
ماجد: ابشر ابشر.
طلع ماجد لطوارئ النساء وهو يمشي تذكر انه م يعرفهم كيف بيسأل.
رجع للشايب
ماجد: اقول ياعمي ويش اسماء حرمك عشان اسأل عنهم
الشايب : ريوف وعبير
طلع ماجد بيسأل عنهم وهو فبطريقة يتسائل ياترا اللي شفتها اي وحده فيهم ريوف والا عبير

النيرس: نعم اخوي هذا قسم نساء !
ماجد اللي ربكته توضح عليه: ابي اسأل عن ريوف وعبير كيفهم
النيرس: عفواً ايش صلة القرابه؟
ماجد اللي ارتبك اكثر وما عرف ايش يقول وكل اللي طلع معاه: خواتي
النيرس: اسمك
ماجد: ماجد سهيل
النيرس بأستغراب: بس البنات مو بنات سهيل
ماجد تلبك وضاع : خواتي من امي
النيرس: تمام ريوف سرير 7 وعبير 9 كلهم كويسين إصاباتهم خفيفه وهبوط بالضغط طبيعي من الخوف.
عند ريوف اللي تشوف شي بسيط من ورا الستاره ومستغربه مين ذا وكيف يقول خواتي ؟ وايش يبي ! ومن وين عرف اسمائهم !
اما عبير كانت نص واعيه ومو مركزه ف شي

طلعت النيرس وابتلش ماجد اللي واضحه عليه الربكه اخذ نفس عمييقققق يحاول يهدي نفسه من رهبة الموقف ورجع للشايب وهو مو عارف ليه كذب ع النيرس وليه قال خواتي وهو أصلا يقدر يتطمن منغير مايكذب لكن هذا اللي صار

الشايب: طمني .
ماجد: الحمد لله أنا سألت عنهم وماجاهم شي اصابات خفيفه
الشايب: ابي أشوفهم يابوك
ماجد: ابشر بس يخلص مغذيك اخذك عندهم ، بس ماتبيني اكلم لك ولدك اخوك اي احد يجيكم؟
الشايب بضيق: لالا معانا الله
طلع ماجد وهو حاس انه في شي بس مايبي يحرج الشايب زياده، واستمر بين قسم النساء والرجال يتطمن ع البنات وابوهم.

——————————————
في بيت ابو مقرن :
بزاوية الحوش منيف كبر يذبح وحامد ونايف يساعدونه وبهاللحظه وصل ابو نايف
منيف بصوت ضخم و عالي: ابووو مقررن، ضيوفك وصلوا
طلع ابو مقرن وابو حامد يستقبلون ابو نايف وهنا نايف استأذنهم يروح يسلم ع اهله وهو مليان شوووق
ومن الشباك قمر تناظر العيال وارتكزت عينها ع منيف اللي زخات الدم ماليه ثوبه والسكين بفمه ويدينه ترفع الذبيحه مع حامد ومتفرقه من المنظر جدااً
وصل نايف يسلم ع ابوه وامه بحنيه وحراره ويحمدلهم بالسلامه وبعد السؤال عن الحال...
نايف: وين قمر
ام نايف: لسى م نزلت تتعدل شكلها
نايف: زين ادخلي ادخلي حياك
لفت قمر ع نايف اللي فتح لها الباب السياره: شكلك م تبين تنزلين
فزت قمر وهي تحضنه بحجببب : ناااييفف.يالله قد ايش وحشة قلبي
نايف : والله وحشتي قلبي اكثر اخبارك
قمر : بخير يوم شفتك انت كيفك
نايف: بخير الحمدلله ، الشباب بالحوش سلمي ع عمامي وادخلي
———
عند الحريم
دخلت ام نايف بكل اناقه وشوفة نفس سلمت وجلست والمجلس لازال هادي ورسمي
ودخلت بعدها قمر اللي كانوا ينتظرونها كلهم ينتظرون النسمه الحلوه بالبيت.... دخلت بكامل زينتها وجمالها رغم انها ماتؤفر كشخه وميكب لكن لمسات خفيفه تطلعها فعلاً قمرر
قمر: السلام عليكم
الكل: هلااا وعليكم السلام ورحمة الله.
ام مقرن : ماشاءالله ماشاءالله ، تفضلي حياك تو مانور بيتنا.
قمر بخجل وهي تسلم ع ام مقرن: النور نورك ياعمه
وبدت تسلم ع البنات اللي فعلاً كانوا مشتاقين لقمر وروحها الحلوه اللي ماتحلا المناسبات إلا فيها