يالصدفه الحلوه وياحظي الردي

الجزءالرابع.

راحت ريم تعلم امها والكل مستغرب لكن ف أتم الاستعداد لهالغريب.
برا عند ابو مقرن واخوانه متجهين للبوابه والعيال وراهم.
ابو مقرن : هلا ورحب هلا ورحب بالضيف يالله انت حييه
العم فيصل: الله يسلمك ويبقيك يابو ماجد.
نايف بصوت واطي لماجد: والله ونسيبك حطك عزوة لعمي
ماجد: قايلكم عارف انتقي
سلم العم فيصل عليهم والتراحيب لا زالت تتبادل بينهم
ابو مقرن: تفضل حياك
العم فيصل وهو مستحي: العذر منكم معي بنياتي
ابو مقرن: مامن شي تعذر له خل هلك ينزلون الحريم ينتظرونهم
وهنا ابو مقرن أشر للعيال يدخلون كلهم المجلس احتراماً للعم فيصل واهله .
ريوف: يبه مانبي نطول احسني مستحيه
العم فيصل: ابشري يابوك مير انزلي الجماعه يحترون.
نزلوا البنات اللي كان قدامهم ام مقرن وبناتها وحوريه وقمر ورحبوا فيهم بأبهى التراحيب .
ام مقرن: تفضلوا حياكم الله شرفتونا.
عبير: الله يسلمك ياخاله ويبقيك.
دخلوا المجلس والأنظار عليهم وخصوصاً ريوف صاحبة البسمه الحلوه والملامح الهاااديه
ريم بهمس: يويلي ياقمر شايفه الجمال.
قمر: بسم الله عليها قطعة حلا.
حوريه: والله ماهي قطعة حلا وبس إلا الجمال كله فيها
صيته: م عرفونا الحلوات من وين.
ام مقرن بحرج: يرتاحون اول وتالي ان شاءالله نتعرف.
عبير: لاعادي، احنا سوينا حادث وفي جماعه الله يحفظهم اظن منكم أسعفونا وعزموا ابيه.
ام مقرن: الحمدلله على سلامتكم يارب عسى ماصابكم شي.
ريوف: الله يسلمك لا الحمد لله بسيطه. 
ريم لجمانه: ويلي يالدلع.
جمانه: تسنه إلا انتي يالعوبه
ام مقرن حست ان البنات مستحين وتبيهم ياخذون راحتهم: عاد إذا بتروحون يابنات تجلسون لحالكم لين يجهز الغدا مرخوص لكم.
ريم: ايه يمه، يلا تعالوا يابنات.
قاموا كلهم للمقلط وهالمره جمانه من غلطة اول تعلمت واخذت جوال امها تدق ع منيف تعلمه لايدخل هو والعيال .
قمر: إلا انتم من هنا
ريوف: لا والله حن من الدوادمي جينا نتمشى ونقضي كم شغله وصار اللي صار
قمر: ياروحي آخر الشر ان شاءالله
ريوف: امين يارب
ريم: ماتعرفنا وش اسمائكم.
عبير: أنا عبير
ريوف: وانا ريوف.
وكل وحده بدت تعرف ع نفسها لين وصلوا ..
قمر: وانا اسمي قمر.
عبير: لك من اسمكم نصيب، عيني عليك بارده.
قمر: تسلمين هذا من ذوقك.
ريم: أنا صراحه م احب جو الرسميات شرايكم نلعب؟
اتفق الكل معاها ونطت تجيب الكيرم.
جمانه: أنا بشوف الغدا واجيكم.
قمر: ريوف أنا وانتي وعبير وريم
وبدوا يلعبون لين اخذوا ع بعض شوي شوي
—————————-
عند الرياجيل.
ابو مقرن: وانت ياخوك من هنه والا لافي ع الديره
العم فيصل: لا والله اني من الدوادمي جينا نقضي لزوم وبنعود لكن هالوجهه الطيب لزم عليه اجي
ابو مقرن وهو مبسوط جداً من ماجد:ابد ماسوا إلا واجبه مرحباً الف
واستمرت النقاشات بالمجلس بين الشيبان والعيال طلعوا برا
—————
ماجد: منيف هي عندك ياخيه كلم ابوي.
منيف: مانيب مكلمه صعبه ياماجد
حامد: يامنيف وين الصعبه؟ بالعكس أنا شفت عمي مبسوط من الرجال وفرصه انك تكلمه.
منيف: يانااسسس وش ودكم اقول له وهو مكلم عمتي صيته؟
نايف: الزواج يامنيف ماهو بالغصب وانت عارف دام ماوده بها ماهو ملزوم فيها واذا مابتكلم عمي أنت أنا بكلمه.
ماجد : احلفففففف
نايف: منغير حلفان أنا م أشوف فيها شي وقلب ابن ادم دليله وانت ماسويت شي غلط
ماجد: الله يجعلني أفداك يانايف متى بتكلمه.
نايف: الحين
الكل :- ؟؟؟| وش الحين
نايف : عادي الحين ويش المشكله
منيف بأستسلام : أنا طلعوني منها
نايف: أنا بدخل لعمي وبعطيكم العلم..
حامد: قادح الرجال علامه استعجل اكثر منك ياماجد
ماجد: جعلني افداه محد فاهمني غيره.
————-
دخل نايف المجلس جنب عمه والعيال مستغربين قدحته لكن نايف كان مجرب الشعور وعارف انه مو بيده ومو قادر يلوم ماجد
ابو مقرن بهمس: علامك.
نايف: ابد ودي اكلمك.
ابو مقرن: وراك ياعمك قول.
كان ابو مقرن يعز نايف معزه فريده لذلك نايف م كان متردد انه يقول له: انت مو ناوي تزوج ماجد؟
ابو مقرن: بلا !
نايف: اطلع معي شوي اكلمك برا.
طلع ابو مقرن وهو مستغرب نايف وكلامه : وراك يانايف؟
نايف: من بغيت تزوج ماجد
ابو مقرن: بنت عمته ليش ويش العلم؟
نايف: بس ياعمي انت تدري انه مايبيها؟
ابو مقرن عقد حواجبه بضيق: وانت يانايف من متى تبيه يعصاني
نايف: معاذ الله ياعمي احد يعصاك انت عين العقل وحزامنا كلنا لكن الزواج بالطيب والتراضي وانا اشوف ان فيه حلول كثيره.
ابو مقرن: اجل الهرج يانايف لين يروح الضيف تالي يصير خير.
نايف: لا ياعمي أنا ابي اكلمك قبل يروح الضيف، الرجال عنده بنتين الله يستر عليهم وانا سألت الاهل عنهم وقالوا انهم خير من تربى والواضح انهم من صلب قومً تربوا راعين أصول وهذا مطلبنا ياعمي .
ابو مقرن: نايف ويش تلمح له.
نايف: ياعمي بدل ماتجبره على بنت عمتي صيته وانت عارف انه مايبيها ويمكن هي بعد ماتبيه ويعيشون حياه منكده وتكثر المشاكل بينك انت وعمتي اطلب له من بنات الرجال.
ابو مقرن: هوه قايل لك؟؟
نايف وهو يستغفر ف نفسه: معاذ الله ياعمي لا قال لي ولا شي مير أنا عرفت من منيف ان ماله نيه ف بنت عمتي ويوم شفت الرجال طيب قلت أشور لك ورأيك الاول والاخير.
ابو مقرن: زين زين بفكر.
——————————-
عند العيال برا.

ماجد: نايف طول.
حامد: هذا هو جاي.
قام ماجد يستقبله: هاااه بشرني.
جلس نايف: كم تدفع؟
ماجد: منيف وحامد بس علمني
نايف: خلهم عندك وخل علومي عندي
ماجد: يانايف انطق نشف قلبي وانا انتظر
نايف: نقدر نقول انه وافق.
ماجد بصرخه: اسألك بالله صادق؟؟
منيف: انثبر بلا صراخ البنات
نايف: اي صادق قال لي بيفكر.
حامد: شلون اقنعته؟
نايف وهو يدق منيف بنظره: افا عليك أنا نايف دواس الظلمه م يهاب
منيف: نذر ان لو ماتزحلق مني لألفعك بهاه .
الكل:ههههههههههههههههههههههههههههههه