يالصدفه الحلوه وياحظي الردي

الجزء السابع

ومن جا الليل في بيت ابو مقرن الدنيا قايمه قاعده من ترتيبات وتجهيز وناس داخله وناس طالعه والعيال بالعزبه يجهزون الذبايح.
بينما بالدوادمي ريوف تمشط شعرها وتهوجس حاسه بشي غريب عاجزه عن تفسيره
وعبير بغرفتها تبكي بكل رفض لماجد لأسباب قديمه .

وعند الحريم بالمجلس.
ام نايف متعمده: مبروك يا ام مقرن خطوبة ماجد.
ام مقرن: الله يبارك فيك يا ام نايف العاقبه لنايف.
صيته: ورا ماتباركين لي بعد يانوف.
ام نايف: ويش ابارك لك عليه.
صيته: ليه ماقالوا لك ان البنت بنتي٫ وابشرك بنتين مو وحده.
ام نايف بضحكه شامته: يحليلك ياصيته تمشي المويه تحت رجليك وانتي مادريتي
صيته بأستغراب: ويش هي مويته يانواف.
ام نايف: مادريتي؟ ابو مقرن خاطب لماجد عند الغريب اللي لفى عليه
صيته: وشووو؟؟ صحيح هالكلام ياسمحه؟
ام مقرن: والله ياصيته مادريت إلا اليوم هذا هو اخيك انشديه
صيته بصراخ: مادريتي إلا اليوم؟؟ يالعوبا تحسبيني غافله عن حسدك وما ادري انك ماتبغين عيالك ياخذون من بناتي؟؟
ام صالح"من حريم الحاره": خلاص ياصيته تعوذي من الشيطان ماهو وقته.
صيته: حتى انتي يالارمله ؟؟
ام مقرن: احشمي نفسك ياصيته انتي في بيتي وانا قلت لك اني مادريت إلا اليوم.
هدوء لثواني بسيطه و
جو البنات من المطبخ على الاصوات العاليه
ريم: ناديتي يمه؟
ام مقرن: لا يمه اطلعوا
ريم: اكيد؟
ام مقرن: اكيد يلا ع المطبخ.
ام نايف: قمر ادخلي اجلسي بلا لك المطبخ والشغل ارتاحي.
قمر بحرج:لا يمه بجلس مع البنات.
ام نايف: قلت لك اجلسي هنا وخلاص.
دخلت قمر جلست بضيق ورجعوا البنات للمطبخ.
ام ناصر "جارتهم": بسم الله عليك ياقمر كبرتي وصرتي عروس
ام نايف: تسلمين يا ام ناصر
ام ناصر: خبي لنا هالدره يانوف " تبي تخطب قمر"
ام نايف بأبتسامه واضحه : يشرفنا يا ام ناصر.

لان ليش لا؟ ناصر له مكانته الاجتماعيه والماليه وهو الوريث الوحيد لحلال ابوه وهذي اكبر مطامع ام نايف

بالمجلس عند الرجال.
نايف بصوت شبه واطي: ماجد.
ماجد: سم
نايف: خلاص عاد فكها علامك منفس.
ماجد: ابي خطب لي عند عمي فيصل.
نايف: طيب مو انت اللي كنت تبغى عنده؟
ماجد: إلا.
نايف: وغيرت رايك يعني؟؟
ماجد:لاا ويش غيرت رايي.
نايف: اجل؟
ماجد: يانايف هم ثنتين واظن ان اللي لمحتها الصغيره وابوها م بيزوجها قبل اختها
نايف: اما كذا
ماجد: عرفت ليه منفس.
نايف: طيب ويش الحل؟
ماجد: والله مانيب عارف راسي مصدع.
نايف: ماعليك يارجال ربك يدبرها.
ماجد: اهخ بس  

—————-
وعند الحريم لازالت صيته قايمه قاعده ومنتظره بس يتفرقون من العشاء عشان تروح لابو مقرن.
اما قمر طفشت وهي قاعده مع الحريم وهمست لأمها: يمه مليت بطلع للبنات.
ام نايف: ويش تطلعين له مبسوطه ع ريحة المطبخ؟؟
قمر: اي يمه مبسوطه ويش مقعدين بمجلس الحريم مافي إلا أنا بنت
ام نايف بزفره: زين قومي

وبالمطبح عند البنات:
ريم: نفسي اعرف ويش صار.
جمانه: كالعاده عمتك صيته وام نايف مناقر
دخلت قمر: بنات ويش فيهم داخل احس منفسين؟
ريم: واضح ان في شي
قمر: إذا خلص العشا بنسأل امي.
جمانه: ايه ايه امي م بتعلمنا.

انتهت هالليله على خير ولما راحت الناس
عند ابو مقرن بالحوش جات صيته : كذا يا ابو مقرن؟؟ كذا يا اخي تسمع كلام مرتك ؟ خطبت لماجد فوق خطبته عندي؟؟
لف ابو مقرن بغضب: صيتتتتهه
صيته: نعم
ابو مقرن: محد يملي عليه ويش اسوي أنا شوري من راسي تفهمين؟؟؟
وماجد ماله نصيب عندك وانا ماعطيتك كلمه
صيته: بس أنا كلمتك وقلت لي بتشوف.
ابو مقرن: قلت آشوف وانا شفت وما جاز لي الموضوع وارصدي عليه لاعاد ينفتح .
صيته: بس ياخوي انت عار..
سكنها ابو مقرن : أنا ويش احككيي ياصيته؟؟
قامت صيته بضيق وهي ناويه عليهم وتحلف ف نفسها م تعديها على خير.

داخل عند منيف اللي نزل ثوبه وعمامته ووقف قدام المرايه يتذكر المنظر اللي عاجز يشيله من راسه في كل يومه يطرى عليه ، جلس يفتل شنبه ويفكر لين طلع معاه فكرة الزواج وهالمره طلعت منه بدون تدخل من اي احد طلع عند ابوه برا.

منيف: مساك الله بالخير ابو مقرن.
ابو مقرن اللي واضح عليه الضيق: ارحب.
منيف: عسى ماشر توحي تعب؟
ابو مقرن: ماشر ماشر.
منيف: زين بغيت أشور عليك في شغله.
ابو مقرن: ويش هي.
منيف: أنا نويت اتزوج.
ابو مقرن اعتدل بفرح وغرابه من قرار منيف المفاجأ: انت تحكي الصدق؟
منيف: ماقلت غير الصدق يابو مقرن.
ابو مقرن: خير ما تسوي يابوك خير ماتسوي٫ وانا توني فاتح الموضع مع امك اليوم قايلها بخطب لك مع ماجد عند فيصل.
منيف بدون تفكير: لالا يابو مقرن لا.
ابو مقرن: ها ! علامك!
منيف: أنا ودي حول عمتي صيته.
ابو مقرن بأستغراااااااب: انت منجدك صامل؟
منيف: ايه يبه أنا فكرت وأظن اني مابلقى احسن من القريب يشاركني حياتي.
ابو مقرن: ابد ابشر يابوك مايصير خاطرك إلا طيب.
————————————————————

انتهى البارت اتمنى استمتعتوا فيه٫ ارائكم محل اهتمامي اتمنى منكم الدعم♥️.