يالصدفه الحلوه وياحظي الردي

الجزء الثالث

ماجد ع الباب المقلط: ياابنتتت
ريم جات ركض: هلاا بالمعرسس
ماجد: ريم فارقيني اخلاقي زفت لا قسماً بالله اكفر بك
ريم: ماجد وش فيك امزح ترا؟
ماجد وهو يمسك بطرف فستانها: وانا ياريم م ابيك تمزحين، منيف وينه؟.
ريم: فكني فكاك يفك راسك منيف بالمطبخ والشي الثاني والله لتقول لي وش فيك
ماجد: ذكريني بعدين بس وخري.
دخل ماجد لمنيف اللي حط اللحم وواقف يهوجس
ماجد: منيف
منيف: هاه
ماجد متلعثم: اااا تجي برا
منيف: وش بغيت
ماجد: ولاشي بس أنا وحامد برا قلت أناديك.
منيف: زين جاي بس وين نايف
ماجد: بالمجلس
منيف: اجل بصلح الشاهي اوديه للرياجيل وانت ونايف اسبقوني.
ماجد اللي تورط كان ف حامد وصار ف منيف والحين نايف وكله خوف من انه يواجههم بهالسالفه
ماجد:ززين
طلع ماجد لحامد ومنيف اخذ الشاهي وداه
ماجد: منيف بيجيب نايف.
حامد: خله يجيبه ويش المشكله.
ماجد: أنا يالله أتخارج منك ومنه والله احس مرتبك
حامد وهو يضربه ع كتفه:اخخخييههه ياماجد خايف
ماجد: أنا م قلت خايف بس والله منيف بيلعن ثواي
حامد: لا ماعليك
قاطعه منيف وهو داخل: ليه منيف يلعن ثواك وش انت مسوي
ماجد: يالله حيييهه
منيف: الواضح ان معاكم علم كايد انت وياه ف خلصوني لاني برجع اعاين للغدا
حامد: اقول اهجد بس العلم ياطويل العمر ان ماجد يبي منك خدمه
ماجد انسلقت عظامه ومعرررقق خايف من منيف لان م عنده يمين يسار وهالحركات م يحبها
منيف: وراك ساكت كنك مره انطق انت ويش علمك
ماجد: ابي اتزوج
نايف: هلا هلا ياماجد ويش هيج هالطاري.
منيف بأبتسامه ناقده: احلف؟  وعسى تبي اختار لك، هذا هو ابوي كلمه واصلاً ضني انه بيخطب لك يعني لا تستعجل وتكلمه
ماجد: منيف أنا ماودي ف بنت صيته
منيف: اجل من ودك به؟
حامد: ماجد قدهو اختار المحل مير ماهو عارف يقنع عمي وانا شرت عليه انه يكلمك انت تكلمه وتقنعه
منيف: اخلصوا علي من هي بنته وليه مطولين السالفه كذا!
ماجد: البنت هي بنت الشايب اللي اليوم مسوي حادث
منيف بتعجب: مافهمت يعني ودك اقول لابوي يزوجك بنت رجال حتى أنا م اعرفه؟ غير عن انه بيخطب لك بنت عمتك.
ماجد: وانا بنت صيته مانيب ماخذها لو تطيح السماء فوق راسي اللي ابغاه منك تكلم ابوي ماتقدر خلاص أنا اتصرف
منيف : انثبر خل تتصرف والله ان ابوي يقبرك انت وابوها ، وبعدين وش اللي خلاك تفكر ف بنته؟
ماجد: شفتها وعجبتني
منيف اللي عيونه بتطير: وهو يمسكه من رقابته : صاحي انت والا انهبلت يالخاسي !
ماجد اللي م قدر يتحمل وصرخ: انااااا لاااني ابي أتزوجها صرررت خاااسي؟اناااا ما تعمدت شفتها بالغلطططط بالغللططط وهذاني جيت اعلمك ان نيتي بها شريفه صرت خاسي!
حامد : ارجععع اجلس انت وياااه بلا انفعالات مهوب كذا اجلسوا وتفاهموا .
ماجد: منيف أنا ورب البيت لمحتها بالغلط وانا خلاص روحي عند هالبنت يامنيف مالي بالغلط أنا انت ادرى بي
منيف اللي يربط ويشد على عمامته وعروق جبته برزت وهذا دليل انه فاقد أعصابه :ماهي سوايا ياماجد، ودك ابوك يقول للرجال ولدي معجب ف بنتك؟ وإلا أنا اقول لابوي ماجد عليه عنه قلبه رق لبنت هاك الرجال؟ العلم كايد ماهو حكى رياجيل ياماجد عيبببببب
ماجد: وين العيب ويننننههه وسكت على صوت جواله يدق : الو
العم فيصل: هلا ياماجد شحالك
ماجد: ارحب ياعمي وين انت ابطيت
العم فيصل: أنا واقف ع الوصف عند بيت بوابته مفتوحه
لفوا كلهم وشافوا السياره راكنه ع جنب.
ماجد نط المجلس: يبه الضيف وصل
طلع ابو مقرن واخوانه يستقبلون العم فيصل
ماجد ع باب المقلط: ياااابنت
ريم: نعم
ماجد: في ضيف غريب عن الديره جا واهله معاه
ريم: ممنين وليش.
ماجد مستعجل: ريم علمي امي وبس
—————————-