يالصدفه الحلوه وياحظي الردي

الجزء الثامن.

ومن بكره العصر ابو مقرن يخبر ام مقرن تروح تخطب بنت صيته لمنيف ومنيف اللي بدوامه طاااايررررر انه خلاص حصل شريكة حياته اللي كان يضنها مستحيله وماجد صار له يوم شايل الجوال الجديد ومتردد إذا يسلم ريم المسئله والا يصبر
اما حامد ف هذا آخر اختبار له اليوم بهالسمستر وفرحة اهله فيه ماتنوصف
بالمقابل هناك عبير اللي للحين ماكفت دموعها وريوف اللي مو عارفه كيف تتصرف مع اختها ومع هالمشاعر تراودها.
——————————————-
بعد مرور اسبوع ماتغير شي فيه غير خطبة منيف وتحديد ملكته نهاية هالاسبوع.
في بيت ابو مقرن بالمطبخ
ماجد: ريم.
ريم: ها
ماجد: تكلمينها؟
ريم: زين
ماجد: زين ويش بتقولين؟
ريم: المهم اني بقول.
ماجد : ريم الززفتتت أنا م استهبل معاك؟
ريم زفرت بطفش: والله ياماجد ادري ماتستهبل معي لكن طفشتني لك اسبوع دقي لا تدقين!!!
واخرتها يعني
ماجد: والله صعبه صعبه ويش تقولين واخاف تقول عينه طايله.
ريم: م بتقوله أنا بتصرف بس هات الجوال.
ماجد:زين امشي معي المجلس.
———————
وبالغرفه عند البنات.
قمر: بنات ويش رايكم نطلع بر؟
جمانه: والله تم، بس تهقين امك توافق؟
قمر: ما اظن اكيد بتجلس عند خالتي بخيته" زوجة اخو ام نايف وساكنه بنفس ديرتهم"
نوره: تكفون لا عيالي بيغثوني من التراب.
حوريه: والله وانا بعد.
جمانه:بلا هبال انتي وهي كل وحده تعطي رجلها عيالها نبي ننبسط.
قمر: اي بنات تكفون خاطري بطلعة برا سوا.
حوريه: خلاص اجل تم.
جمانه: إلا وين ريم؟
قمر: ماهي عاجبتني كل وقتها تهوجس.
نوره: تلاقون معاها مصيبه.
حوريه: والله ماتختفي عبث هالريم.
قمر: أنا بروح اشوف لها.
————————
المغرب بالمزرعه عند العيال مجتمعين.
منيف: ويش حال حامد عسى عدا اختباره. 
نايف: دقيت عليه من شوي يقول جاي وبيعطينا العلم.
منيف: نايف، للسر عندك محل.
نايف: افا أنا كلي محل اسرارك
منيف: قلب الخلي لافز ويش دواه
نايف: دواه عند منهو فز له.
منيف: وانا قلبي فز عند بنت عمتي صيته.
نايف: قول غيرها يارجال؟
منيف: ماغير هي ياخوك.
نايف: انت متوكد؟ 
منيف: مثل ماني شايفك.
نايف: هات العلم كله.
منيف: مامن علم دخلت عليها يوم لفانا عمي فيصل ومن يومها وانا قلبي لها يتوق
نايف: ويومها تهاوش ماجد على لمحته بنت فيصل والا لك حلال؟ وبعدين ما استحيت على وجهك.
منيف: اقول صل ع النبي، يومها صوّت لأهلي قالوا ادخل مامن احد ويوم دخلت احط لك هاك الصحن والف وجهي عليها وانا م ابطيت وربك طلعت مسرع  لكن ملامحها م راحت من بالي.
نايف: وانت ويش دراك انها بنت صيته؟ 
منيف: نشدت ريم وعصبت مني وانا ادرى بها ماهيب تحب عمتي صيته يومني اجل الله يتمم لك على خير يارب.
منيف:- امين امين يارب.
حامد:- السلام عليكم يالرررربععع
منيف:- ارحب يالله انت حييه.
نايف:- بشر.
حامد:- أبشركم سهالات تقدرون تباركون.
نايف:- الحمد لله والف الف مبروووووك ياررررربب
منيف:- مبررووك مبرووك الله يقر عينك بوظيفتك
حامد:- الله يبارك فيكم يارب
نايف:- ومتى تباشر وظيفه؟
حامد:- خلاص بس انتظر التوزيع ينزل وابدا.