يالصدفه الحلوه وياحظي الردي

الجزء السادس.

طلع منيف يهدي نفسه لانه عارف نفسه إذا عصب انفجر وقابل نايف بالممر.
نايف: شحالك
منيف:زان حالك، كيف انت.
نايف:على ماتحب، شعندك برا. 
منيف: كلمني الرقيب سعيد الد فهيد مشتكي من متدرب تجنيد وأظن اخلاقه بها ميله وخرجت من المكتب معطيه فرصه يقول الصدق.
نايف: اهد يارجال مايسوى
منيف: نذر لو ادري انه غالطٍ بالرجال لأحسب ربك ماخلقه.
نايف: اقول لك اهد وخذ واعط معاه يمكن سوء فهم بسيطه
منيف: يصير خير. فاضي؟
نايف: امر.
منيف: مايامر عليك٫كلم عبدالله شف ويش صار معه ارسلته مع سريته ولاجاني منه خبر.
نايف: عطني اوراق المهمه وازهل.
منيف: أنا فداك لا ابد أنا بخلصها بس عطني علمه.
نايف: ابد ابشر.
رجع منيف المكتب دخل بكل هدوء حاول يتمالك نفسه جلس وسأله سؤال واحد
منيف: قول لي ويش سويت .
فلاح: غلط بحقي سعيد وانا ماسكت
منيف: اسمه الرقيب سعيد هذا اول شي. ثاني شي ويش هو غالط به
فلاح سكت تشتت تفكيره ومو عارف يصرف الموقف: مد يده علي.
منيف حاط كوعه ع المكتب وكفينه ع دقنه رفع نظره لعيون فلاح بثبات انفعالي تام:مد يده عليك!
فلاح بربكه: ايه نعم.
منيف: زين اجل نشوف الكاميرات.
بدأ منيف يرجع لتسجيلات الموقع لنفس اللحظه اللي صارت فيها المشكله.
وكان التالي.
سعيد في ساحة التدريب: اليوم عندكم صفه عسكريه الساعه6ص واستعراض نهائي 12م  والمتأخر مجازى
فلاح: عبيد والا جنود
سعيد وهو يحاول يتغاضى : احد قال شي
فلاح: ايه اقول حنا عبد والا جنود.
سعيد: فلاااح عندك جزا 48 ساعه
فلاح: قاتل أمك أنا ؟
سعيد تقدم وهو يضربه بقفى كفه: عدها مرة الاخر.
قفل منيف التسجيل ورجع ناظر فلاح بدون اي نقاش قام له وهو يمسح بيده على كتفه من قدام: أنا قلت لك اصدق معي والا ماحكيت.
فلاح: وانا قلت الصدق.
منيف وهو يلطممه بكل قوته: ومسترسل كذب؟ وفي وجهي؟ اجل تقول لمدربك قاتل امك يالسلوقي؟
فلاح: اعذرني طال عمرك كلمه وطلعت.
منيف وهو يرص على اسنانه بضيق ويعطيه الكف الثاني: ويش خليت للنسوان يامال الكلاب الشارده تففف على هالوجهه، اطلع من وجهي وجزاك تصليبه6 ساعات وجزا الرقيب سعيد ثابت عليك
فلاح: بس يا
منيف: بلا بس انقلع من وجهي بالمغضوب.

ولأن الأصوات تعالت دخل نايف اللي عارف منيف إذا انفعل معد يشوف قدامه.
نايف: بغيت شي منيف
منيف: لا
فلاح: اعذرني هالمره ماعاد أعودها.
منيف يكرهه الضعف والرخامه تستفزه يحاول يتمالك نفسه قد مايقدر: كلامي لا أعيده والجزا 7 ولاتحاول تنطق كان تبغيها هوينه" جزا التصليبه عقاب بالوقوف تحت الشمس دون حركه"
نايف: منيف اطلع معي شوي
منيف: فارقني يانايف وخذ هالتيس معك
اخذ نايف فلاح وطلع وهم نازلين من الدرج
نايف: هو م قال لك تحكي الصدق؟
فلاح: وانا حكيت
نايف: اجل وش اللي مخليه يفصل عليك؟
فلاح: لا ومد يده علي
نايف: سلم الله ايديه مير قلبي مايطيعني اخليك معه ادري به بيعلم على اجنابك
فلاح بقى صامت ومعند ومو طايق احد ولا يبي يشتغل