يوم اقبلت .. قام السحاب يتزبّر
عيونها والموت .. ما بينهم فرق
الرمش اقام الفرض والجفن كبّر
وعيونها الثنتين صلت بنا شرق
العصر عند البنات وهم يتجهزون للعزيمه ونوره جتهم تتجهز معهم وراحو ام صالح وأم حمد بدري والبنات يجهزو ويلحقوهم
كان الغرفه حوسه عباره عن الي تسوي مكيب والي تلبس (حوسه وتعرفوها )
وضحى وهي مجهزه ومخلصه :يلا بناااات خل نلحق الفعاليات
وسن وهي تضبط كعبها : فعاليات ايش فعاليات ديره ام ريالين
البنات ضحكو لن جد فعاليات ماش
إلا سمعو صوت بتننح : بنات
نوره على طول انخزنت ورى خزانه
نوف :جاااسر عندنا نوره لا تدخل
طلعت له
نوف :غريبه وش جابك
جاسر وهو كان يتمنى يشوفها :ثوبي انكب عليه قهوه جهزي ثوبي الثاني
نوف :اخخخ بزر وانت تكبه
جاسر : بنت اخلصي علي بس
عند البنات كملو ميكب وجهزو
وجاسر غير ثوبه وطلع وهو متحطم انه ماشافها
راحو البنات مشي لن البيت قريب منهم
دخلو سلمو وعلى طول لفو دورت المياه يشيلو العبايات
وكانت كل وحده احلا من ثانيه
دخلو المجلس الضيافه كان كبير وكله معازيم
البنات:السلام عليكم
وكل الأنظار تحولت عليهم
دخلو يسلمو وكان في مجموعه بنات يناظرون من بعيد ونظرات الحقد بعيونهم
جلسو جنب ام حمد وأم صالح
إلا وحده من الي جالسين :إلا ياام صالح هذي بنت محمد (وكانت تناظر نوره )
ام صالح ببتسامه : اي بنت محمد ال ناصر
...:مشاءلله ياذكر الله تحصني يابنتي
نوره ببتسامه :تسلمين يخاله وعيونك الحلوه ولله
عند الرجال
كأن العيال جالسين صافين جنب أبوهم
حسين انسحب جته كتمه من بخور ناظره أبوه ناظر لجاسر يعني روح له
طلع حسين راح دورة المياه وكل ماله تزيد الكحه وطلع دم من فمه
ناظر حسين بصدمه كيف كذا ليه. سمع صوت جاسر جاي على طول غسل ونظف
جاسر :ولد شفيك
حسين وهو يحاول يستوعب الي شافه :جتني كتمه من بخور ماقدرت
جاسر بخوف على اخوها :ولد لأيكون معك ربو
حسين وهو يستبعد اي احتمال مايبي يعرف ليه وشلون : لا يارجال امش بس
طلعو عند الرجال
...
عند البنات
وسن : شوفي السلقه تناظر اعوذ بالله منها
وضحى وهي تطالعهم كأنو جد يناظرون بشكل غبي واضح أنهم يحشون : أعوذ بالله منهم
نوره وهي تتقهوى : على تبن تحش الي تبيه يكفي أنها متقدر تقوله قدامنا
وسن : اي ولله
نوره قامت : بنات بروح دورة المياه من تجي معي
وضحى :بجي معك أنا بدور لي مكان اصلي فيه أذن العشاء
راحو البنات
وفي وحده من معازيم كبار سن : إلا يام محمد هذي البنت ليه راميها عندك أبوها لايكون البنت فيها بلاء
ام صالح تضايقة: لا يام فلاح مرامها أنا كبيرة سن واحتاج من يساعدني وخلاها عندي
ام فألح بخبث : على خبري راماها من وهي صغيره هي وامها الله اعلم وش بلوه مسويها وال ناصر مايرمون بناتهم هرميه إلا فيهم بلاء
ردت ام حمد : يام فالح اكفينا من خبرك وشي مالك به لا تسألين عنه بدال متسيئين الظن بناس
ام صالح ابتسمت ابتسامه شكر لام حمد
سكتت ام فالح إلا على جيت نوره دخلت هي ووضحى ونوف تقرص وسن متقول لنوره لن لو درت بتقلب الدنيا
جلست نوره إلا وسن نطت جنبها
نوره :شبلاك انتي
وسن قالت لها الي صار
نوره مسكت أعصابها لكن ابتسمت. بخبث
نوره ضحكت ضحكه عاليه ررنت بمجلس
نوف وهي تهمس لوضحى :شبلاها بدأ جنها يشتغل
ام فالح طالعت نقد : وش بلاك يابنت ال سعد
نوره : شعليك يام فالح
ام فالح : شوفو قليلة التربايه
ام صالح وهي تطالع نوره تخزها عشان تسكت نوره طنشت نظرات أمها وطالعت بام فالح وبصوت مسموع للكل: التربايه ماتعلمها منك روحي ربي بناتك اول
ام فالح عصبت : ليه وش فيهم بناتي ام صالح امسكي لسان بنتك لا ولله تشوف شي مايعجبه
ام صالح : صلو على النبي خلاص نوره يمه خلاص
نوره طالعتها بتحدي : اسمعي يام فالح علم ياصلك ويتعداك إذا سمعت انك جايبتني على لسانك بغلط ولا جايبه امي ولله ثم ولله انك تتحملين مايجيك
ام فالح هنا ثارت فعلا تهددها قدام الحريم :ولله من قلت التربايه وطوالة اللسان أهلها رموها ماربوها وش يطلع منها
نوره قامت مسكت يدها وضحى بنظرات تكفين لا
نوره شالت يد وضحى وقربت من ام فالح الي خافت من قربت عليها همست لها نوره بشي بأذانها
ورجعت جلست وهي ابتسامه شاقه وجها وكان وجهه ام فالح بصدمه وإحراج وكان مصيبه نازله عليها
ام فالح بصوت متردد : اعذريني يابنتي مكان قصدي الغلط تعرفين الشيطان شاطر
نوره وهي مبتسمه : معذوره لكن انتبهي لكلامك المره جايه ولا تدخلين بعرض الناس
ام فالح وهي متفشله :نشاءالله
وجميع الي كأنو بمجلس مصدومين انو ام فالح تعتذر وكمان بعد شد الكلام الي صار بينهم
ام صالح ناظرت بنتها: ياربي هذي وش مهببه بحرمه
ام حمد :خلها تستاهل زين ربتها
وسن : نوووره شلون كذا
وضحى ونوف بفضول :من جددد
نوره ابتسمت :بقولكم من رحت الحمام سمعت بنتها الكبيره معصبه على صغيره لن تقول مدمنه ومدري ايش واتركي الي بيدك فضحتينا عند الناس وفهمت ان البنت خربت بس كنت بستر عليها لكن هي جابتها لنفسها
وسن : يمه ينخاف منك
نوره : اكيد ياحبيتي تبين اسكت لها تخسى
كان وقت العشاء نوره قامت لامها : يمه هاتي شنطتك
ام صالح وهي معصبه من الي سوته نوره :شتبين فيها
ابتسمت نوره وحبت راس أمها : شفيها الحلوه معصبه
ام صالح : وش قلة التربايه الي سويتيها متستحين حرمه كبر أمك تعتذر منك
نوره وهي عصبت : يمه تكفين لا تناقشيني بهموضوع وعطيني الشنطه
ام حمد : نوره يمه شنطة أمك ماجبتها خلتها بصاله
نوره طالعة أمها : يمه شلون تتركيها وعلاجك الي لازم تأكليه قبل الأكل
ام صالح وهي لسى معصبه منها :مابي أكل شي
نوره مشت من عندها وراحت للبنات تأخذ عبايتها
نوف : وين رايحه
نوره :بروح بيتكم اجيب علاج امي شنطتها ماجبتها خلتها بصاله عندكم
وضحى : اجي معك
نوره : لا ماله داعي البيت قريب وكمان اخوانكم بعزيمه يعني مافي احد عادي
وضحى :براحتك بس انتبهي
نوره طلعت ولفت اللثمه على وجها
دخلت ولقت الباب مفتوح استغربت يمكن البنات نسوه مفتوح
دخلت كان ظلام شافت الشنطه اخذتها وكانت بتطلع بس سمعت صوت بمطبخ
نوره بداخلها (يمه لأيكون حرامي إذا العيال بعزيمه )
سلبت جزمة الكعب حقتها واخذتها وتدخل إلا تشوف قفى على ثلاجه
قربت منه إلا بحركه سريعه من حمد لما حس احد وشاف الظل معكوس على كاسه وراه لفها بقوه يدها على ظهرها وحط وجهااا على درج المطبخ
نوره بصوت عالي : ييييييييييمه حرااااامي
حمد وهو يبي يسكتها لفها عليه وحط يده على فمها عشان تسكت
نوره ناظرته وكان ملامحه مو باينه شوي من ضو الثلاجه لن كان عاكس عليها
حمد عرف انها مو وحده من اخواته من عيونها :ببعد يدي بس لا تصارخي
نوره وهي خايفه تهز رأسها اي
بعد حمد يده إلا ونوره تصارخ وضربت الكعب على كتفه بقوه
حمد رجع حط يده عليها وبعصبيه :ماقلت لك تسكتين وش تسوين هنا ببيت مو بيتك
نوره ناظرته بستغراب وهي تبعد يده : انت الي وش عندك هنا يحرامي
حمد ناظرها بضحكه : بنت أنا حمد ولد إبراهيم وش الي حرامي
نوره بصدمه تبعد عنه : وجع تكسر يدك ليه تلمسني
حمد بخبث : من يوم لاصقه فيني تو حسيتي بقربي
نوره بصدمه :ياقليل الأدب يلي متستحي شلون تلمس بنات الناس متخاف ربك
حمد : ول ول عليك لسان مو انتي هجمتي
نوره وهي تعدل لثمتها وعبايتها الي انفتحت وتبعد نظرها عنه لن آكلها بنظراته رغم انه الضو خفيف : مدري حسبت حرامي لن البيت مافي احد كلهم بعزيمه واحد يدخل بظلام ذا
حمد كان بيرد إلا سمع صوت جاسر ينادي عليه
نوره وقف قلبها : يمه انفضحتتتتت اويلي يانوره وش البلوه الي حطيتي نفسك فيها
حمد سحب نوره ورى الثلاجه وحط يده على فمها عشان تسكت
جاسر الي كان متصل عليه حمد انه جاء بالبيت
دوره بغرفه مالقى احد ونزل تحت ماحصل احد طلع من بيت يدوره
نوره الي كانت قريبه مره من حمد دزته بقوه بعد ماسمعت ان الباب تسكر
نوره : أشوف حلت لك الجلسه كل شوي لاصق
حمد وهو يبعد عنها :يمكن
نوره طيرت عيونها :صدق انك قليل أدب
حمد عطاها ظهره وطلع يلحق جاسر
نوره لبست كعبها وهي تسب حمد ولقافتها انها دخلت المطبخ ورجعت تلحق تعطي أمها العلاج قبل الأكل وموقف الي صار ببالها وقلبها يدق بسرعه من كان القرب الي حصل بينهم اول مره يكون رجال قريب هقد منها وانصدمت من جرئة حمد
