وانا من غيرتي حتى الهوى لاتعداك
اقول وش تبي ياهوى في حلالي.
العصر
حمد الي وصل الرياض وقف عند عماره نزل وكلم الحارس وأخذ المفتاح وطلع وأخذ اغراضه كان موقعها حلو بعيد عن ضجه كانت صغيره ومفروشه بس كانت تكفيه وهو ونوره دخل وأخذ بدلته ولبسها
وطلع وسكر الباب وراه مكان عنده وقت أبدا يرتاح لن النقيب متصل عليه يبونه ضروري
أرسل لنوره بجيك بعد ساعه جهزي أغراضك
ونوره الي شافت رسالة حمد وكتبت لا تعب حالك بجيه لن ماراح اجي معك حمد الي شاف الرساله رمى الجوال وساق تاجهه المركز هين يانوره أعطيتك وجه زياده
...
نوره الي قاعده تجهز حالها عشان العزيمه وتكلم وسن وحاسه مو مرتاحه لروحه متعرف ليه طنشت إحساسها وسوت المكيب وشعرها ولبست
وسن : بنت وين رحتي
نوره وهي تلبس الحلق : معك بس قاعده اسوي هزفت وجعني
وسن وهي تتكي على وضحى الي جالسين كعاده بسطح : بنت دوري لي واحد حلو من عايلتك بتزوجه
نوره ضحكت : ليه وين راح المزز حقك معدتي تبيه
وسن وهي بكرهه لرايد : يع ياجبدي ماابيه ابي واحد حلو بس إذا يشبهك المهر علي ماعليك
نوره : مانتي بصاحيه انتي
وسن الي تضحك : وإذا تجيبي لي واحد مثل زوجك الاقشر ماابيه
نوره : هااا عاد حدك إلا حمودي ماسمحلك
وسن وهي تصفر وبنات الي عندها يعزوون :اوووه حمودي اجل
نوف : حمودي مات وهو ينتظرك
نوره :بسم الله عليه ماعليك اتغلى شوي أشوف غلاتي
وضحى : من حقك يام الدلال
وسن : الحين العزيمه ذي وش تسوون فيها مثل عزايم عجايز قريح الديره ولا وشو
نوره : معرف هذاني اول مره اروح لهم أشوف وش علمهم بس البنات كيوت صراحه لكن في وحده غريبه مدري
وسن: ماعليك منها خليك عامه لا تتعمقي معهم
نوره :ايي ماعليك ازهليني
راكان الي يتصل
نوره : بنات راكان يتصل شكله تحت جاء بقفل
وسن : تمام يروحي واقري أذكارك
نوره :من عيوني يلا بحفظ الله سلمي على عمتي وعمي
وسن :يوصل ولا تنسي تعطيني الأحداث الي بتصير
نوره ابتسمت : تمم باي
قفلت من وسن واخذت عبايتها ونقابها وشنطتها ونزلت ولقت أبوها وأم سيف وعزيز ومعهم راكان وسيف
نوره: ها نمشي
سيف وهو يغمز لها : أويلي أنا على هامزه متأكده اني اخوك
ام سيف : اقري أذكارك يمه بسم الله عليك
نوره الي ابتسمت لهم وقربت تبوس عزيز الي يطالعها : قريتهم من بيودينا
ابو سيف : بياخذكم راكان ترجعون قبل 12
ام سيف : ان شاءالله
راكان طالعها : يلا إذن اركبو بلحق أوديكم عندي كم شغله بخلصها
نوره وهي تلبس عبايتها : اوك يابو الأشغال
ام سيف طالعة سيف :انتبه لأخوك خله معك
نوره : ليه مايجي معنا عزوزي
ام سيف : لايمه ماينفع
ابو سيف الي قام وطلع
نوره ناظرته ادري يضايقك برودي لكن استحمل الي يجيك هاذي نتيجة فعايلك
طلعت مع ام سيف ركبو مع راكان وداهم
وسيف الي أخذ عزيز وطلعو يتمشو برى
...
عند حمد الي دخل المركز ألقى التحيه على نقيب
نقيب : تعال ياحمد
حمد الي قرب وناظر الشاشه
النقيب : عندنا حالة خطف مر عليها أربع وعشرين ساعه ومافي إلا آخر ظهور لهم بباص صغير خارجين من رياض وبعدها ماقدرنا نلقط لهم شي غير أنهم وقفو بمسافه معينه وماطلعو منها لن الطريق الي راحو منه الكاميرا على طرف ثاني مالقطت دخولهم
حمد : اجل هم بمكان بهذي المسافه
النقيب : ايي وشفنا الأماكن الموجوده في ثلاث أماكن بس اثنين مستودع وفي بيت مهجور
حمد: طيب مستحيل مارجعو لازم يكون في محطه يعبو منها او يأخذون أكل
نقيب : حلو هاذي الي ابي أوصل له في محطه قبل مستودعين لكن حطينا مراقبه هناك وسألنا المدنين قالو محد جاء
حمد : الحاله مرت عليها أربع وعشرين ساعه بس اكيد محد بيجي لكن اخرتهم بيطلعو من جحرهم
النقيب وهو يحط يده على كتف حمد : الحين القضيه بيدك مابيها ماتتعدى يومين وبيكون معك عزام
حمد : عزام جاء
النقيب : اي اليوم كمان استلم دوامه هنا لكن القضيه بيدكم لا تطول
حمد ضرب تحيه للنقيب : امرك سيدي
النقيب الي طلع
حمد طالع العسكري : هوية المخطوف ايش
عسكري : البنت المخطوفه تبلغ من عمر 23 ابنة احد تجار الرياض
حمد الي جلس وطالع صورة المخطوفه : جهزو سياره عاديه لن بنحل القضيه بشكل مدني مانبي يشكو
عسكري : حاظر سيدي
..
عند جاسر الي جالس عند الخيل وحسين قدامه يسولف مع ياسر
جاسر : حمد اتصل اليوم وصل ولا
حسين : لا ولله ماارسل اتصلت عليه يعطي مشغول
ياسر : شكله بمركز لن قالي عنده قضيه مهمه اليوم
جاسر : اي زين ومن بمحل ابوي
حسين :ابوي فيه قال هو يستلمه اليوم كنت بروح معه بس قالي لا خلك
ياسر : اي بيجيه هناك ابو رايد يقعدون مع بعض
جاسر الي طرى له راشد وتضايق
حسين : اي سمعت عمي اليوم رايح الرياض
ياسر : اما راشد مقالي شي
حسين : مدري ولله بس ابوي قالي
جاسر وهو يمشي : امشو خلونا نشوف العيال بستراحه
راشد الي كان جاي عليهم
حسين : شف الطيب يجي عند ذكره اهبب عليك
ياسر : هلا راشد
راشد الي طالع جاسر الي صد عنه : هلابكم ياعيال اسمحولي مع جاسر أبيه بعلم
حسين :اجل بنسبقكم عند العيال بستراحه
مشو العيال
جاسر طالعه بكرهه : ولك وجهه تجي بعد مالي كلمه معك
راشد : تكفى يجاسر افهمني واسمعني لو مره
جاسر : مالي كلام مع رخمه باقي معك يوم واحد لا ولله العلم ياصلك
راشد الي رمى الشماغ على الأرض : يابن عمي تكفى اسمعي لو مره بفهمك وبعدها سو الي تبي
جاسر الي شال الشماغ ورماه بوجهه راشد : قول الي عندك
راشد الي حط الشماغ على كتفه ومسك يد جاسر ودخلو المزرعه وجلسه على صبه :اسمع ولله يجاسر انو أختك عمري مافكرت فيها غلط لكن ذاك اليوم مازعلت ولا عصبت انو خطبت أختك لكن ابوي خطب بدون مايقولي عصبت ان ماعبر لا رأي لي ولا وجود بعكس أختك على عيني وراسي ولي اشرف اني أناسبكم وهي بنت عمي قبل متكون خطيبتي وكرامتها من كرامتي لكن لا تسيئ الظن فيني ولله اني شاري أختك وأبيها بحلال تكفى لا تردني وتمنع هشي
جاسر الي طالعه بعدم اقتناع
راشد : لاتردني تكفى ولا تخلي السالفه تكبر ولله لك الي تبي واني بعز أختك وأقدرها وحطها تاج على راسي
جاسر الي مكان يبي مشاكل بين عمه وابوه : عشان عمي وابوي هالمره يراشد لكن ولله ثم ولله ان سمعت ان نوف تشتكي منك ولله مايصير لك خير
راشد الي حبه على رأسه : من عيوني ولله يعني نوف وافقت
جاسر الي مكان هاضم الموضوع لكن مشاها : يرد لكم العلم ابوي امش خل نشوف العيال
..
عند حمد الي تلاقى مع عزام وغيرو البدله ولبسو بدلات عاديه واخذو سياره ددسن مظلله غمارتين ومعهم عسكري ووقفو قريب للمحطه ينتظرون اي احد من مشتبهين يجي وفي اثنين منهم يشتغلون داخل المحطه ينتظرون أشاره منهم
..
عند نوره الي دخلت مع ام سيف وشالت العبايه عند الاستقبال وكان مجلس كبير وطلع في كثير غير حريم ال ناصر وكان الوضع شوي فري ونوره الي مو متعوده لكن تقدمت مع ام سيف وسلمت وفيه عجوز ام سيف حظنتها
ام سيف :تعالي نوره سلمي على جدتي والي هي امي
نوره طالعة العجوز مشاءلله تحب الحياه ذي تقدمت وسلمت على العجوز وقرصتها بيدها :غطي صدرك يمه ماهو بزين العرى لك
نوره تخرعت من عجوز شفيها ذي علي بعدت عنها
ام سيف همست لنوره : امي شوي تثقل بكلام لا تأخذينها جد لن احيانا تجيها حالات غريبه
نوره أوله من اول العزيمه بدينا بغرائب ابتسمت لام سيف : ماعليه
نوره الي كانت بتمشي لكن التفت من سمعت احد ينادي
العجوز : انتييي
الكل طالع على نوره
نوره : سمي ياجده
العجوز : تعالي اجلسي جنبي هنا بصدر المجلس
نوره شكل وسن داعيه علي اليوم
ام سيف طالعة أمها بستغراب : يمه ماعليه نوره تقعد عندي
العجوز ام سلمان : لا مالك دخل انتي ابي هالبنت تجلس عندي تعالي هنا يانوره
نوره طالعة ام سيف انو عادي
نوره الي جلست جنبها ويفصل بينهم متكى (مركى)
العجوز تهمس لنوره : انتي بنت مها
نوره : ايي يام
العجوز : سلمان
نوره : اي يام سلمان بنت مها
ام سلمان : الي بمجلس هنا كلهم شبعو أمك كلام ومحد وقف معها لن تزوجت واحد من ال ناصر مخطوب لكن كانت طيبه وتغفر لهم الله يرحمها
نوره بحده: يخسون والي ينطق كلمه يجيه الي مايرضيه
العجوز وهي تضرب على فخذ نوره : اييي هذي بنت ال ناصر اصبري شوي وتسمعين كل وحده تفوح بكلمه
نوره الي اوجعها ضرب ام سلمان حشى ذي متعافيه مشاءالله طالعة المجلس الي فعلا الأنظار موجهه لهم والي نظرات الكرهه ولا نظرات البنات الي يأشرون لها تجيهم لفت على ام سلمان تحس جوها عجبها
...
حمد الي طالع الجوال يشوف نوره أرسلت ولا لكن آخر شي كتبته بروح مع عمتي عزيمه حريم وراكان بيودينا ابتسم على احترامها له رغم زعلها متطلع إلا وهي معطيته خبر مشتاااق لها كثير لكن نوره تتغلى كثير عليه
عزام طالعه : حمد شفيك
حمد ناظره : مابه شي
عزام : أقولك شكلهم ذولي محملين معهم عدة أكل وماظن يجو
عسكري (ثامر ): وانا كنت أفكر كذا لن مستحيل لهساعه ماجو
حمد : بيجوون الكلابه لابد مايخطون بشي ولا ناسيين شي
..
نوره الي حلت لها السوالف مع ام سلمان
إلا هذي وحده من حاظرين تكلمت : إلا ياام سلمان أشوف حلت لك السالفه مع بنت سراقة الرجاجيل
نوره الي هنا بغت تثور لكن مسكت يدها ام سلمان
وردت ام سلمان :قصدك بنت ال ناصر وبنت مها المرحومه اي ولله السوالف معها تطيب الخاطر سوالفها مو رديه
نوره الي ناظرت المره بحده
المره : وليه ياام سلمان وش قصدك سوالفنا رديه وتعجبك سوالف ام الي ماني بقايلته
نوره : ولله عاد سوالفي الي ماهي عاجبتك أطيب من اصلك وإذا هذي سوالفك انتي عز الله رحم من رباك بس
ام سلمان ابتسمت لنوره ردت وكفت
المره : الي ربوني أهل عز ربوني احسن تربايه ولا ماهم أهل فقر ويشحدون اللقمه
نوره ضحكت : ولله مابي أحط لساني بلسانك دامك تشوفين تربايه بفلوس عمر الفلوس ماربت الواحد الواحد متربي بااصله ومبادئه ولا الفلوس اشبعي فيهم ماطلعو منك غير قلة العقل
ام سيف : يام فيصل اتركي بنتي عنك وخلك فحالك فوحي بشرك بعيد عنها
ام فيصل طالعة بنقد : وأنتي الحين مسميتها بنت لك وناسيه وش أمها مسويه فيك
نوره : مها ماهي مسويه فيكم شي وأم سيف الي بيني وبينها مالكم دخل فيه والي فيه خير يفتح الموضوع هاذا ثاني لا تحسبوني امي وبسكت لكم
ام سلمان : ماعليه يانوره سامحينا هذا وأنتي ضيفه ماقدرو قدر الضيف
نوره : ولله يام سلمان محتاج منهم شي غير يكفوني شرهم لن لا نطقت أنسى عمر الي قدامي
ام سلمان وهي تعطي الفنجان لنوره : تقهوي وماعليك مايصير إلا تبيه
ام فيصل الي صدت عنهم بكرهه وأم سلمان الي تكرهاا من زمان
..
عند حمد الي نزل المحطه يأخذ له مويه له والعيال
إلا هذي دخلت واحد تحسه كبير بعمر طالعه حمد واخذت علبة مويه ورجال الي يحاسب قبله لن ماخذ إلا ولاعه طالع محفظته إلا طاح منها سواره ذهب الرجال توتر وأخذ الاسواره وحطها بجيبه وحاسب وطلع حمد الي كان بيطنش الموضوع بس توتر الرجال غريب طلع لف الباب شافه ركب سياره متهريه ومشت ركض على السياره وركب : عزاااام اللحقه
عزام وهو يشغل سياره : وين هذا
حمد : اييي ذيك السياره لا تفوتها بس خلك على بعد
لحقو السياره ووصلو لبيت مهجور تماما وقف السياره على جهه ثانيه من البيت وحمد الي كأنو بينهم مسافه شوي أخذ الدربيل يناظر الرجال الي دخل البيت مهجور : هنا ياعزام البنت هنا
عزام : متاكد
حمد : ايي متاكد ولا وش يسوي هنا ببيت مهجور ومعه ولاعه ورجال مو طبيعي
ثامر : نطلب الدعم
حمد : نطلب لكن بتصير الدنيا ظلام والبنت محد يعلم بحالها
عزام : حمد تكفى مو الي ببالي
حمد وهو يركب السياره : امش ياعزام نلحق قبل مايسوون شي
ثامر الي ركب : حول تم تحديد موقع الهدف محتاجين دعم
عزام الي ركب : مجنووون انت لو طلعو عصابه
حمد : كانك خايف خلك هنا بنروح أنا وثامر
عزام الي شغل السياره ودعس : ماهي بقصة خوف لكن إلا حتياط واجب
وقفو عند البيت نزلو بهدوء
حمد الي اشر لهم يجوون وراه وكان في أصوات ضحك ولعب طلعو على الدرج البيت الي كان اضائته معددومه غير ضوء المغربيه دخلو بضوء خفيف ومشو ورى حمد الي طلع الدور الثاني وكان الأصوات كل شوي تتقارب
طالع من فتحت الباب كأنو ثلاث شباب ورجال كبير بعمر طالع البنت المغمي عليها وراهم طالع عزام وثامر اشر لهم انه بيدخل دف الباب برجله وشباب الي خافو ورفعو السلاح على حمد : نزلللل سلاحك انت وياه الشرطه قدامك سلم نفسك
ثامر وعزام الي دخلو مع حمد
واحد منهم الي رجع يده على وراه وكان في سمنت أخذ سمنت ورماه على عيونهم واحد الي نط من شباك الي بدون حديد
حمد الي يمسح عيونه : الحقوهم عزام وثامر الي مسكو اثنين قبل ماينطو وورمو الشايب على الأرض
حمد الي نط وراه يلحقه لكن تشابك معه
حمد الي يحاول يصاوبه
ثامر الي قيد يديينهم عزام الي قرب للبنت يشوفها حيه ولا وكان نفسها ضعيف
ثامر : اللحقق حمد الي معه مسلح
عزام الي ترك البنت وراح لحق حمد
عزاام : حمد انت بخير
حمد الي كان بصد شي وتصاوب على كتفه : خلك مني وروح من ورى البيت حاصره بلهيه هنا
عزام الي سمع كلام حمد ولف من ورى البيت وحمد الي يضرب عليه ويده على صدره يوقف النزيف
عزام الي لف عليه وصاوبه على ظهره وطاح وقرب منه وبحركه سريع قلبش ايده
عزام : حمددد انتهى
حمد قام وقرب لعزام وثامر الي يمشيهم قدامه بسلاح وفرقه الدعم الي وصلت واخذتهم والإسعاف الي حمل البنت وحمد الي ركب معها عشان يشوفون الرصاصه الي بكتفه لن بدأ يغمى عليه
وعزام وثامر الي لحقوهم بسياره
...
العشاء
عند نوره الي نرفزها نظرات الحريم لكن طنشتهم وقاعده تسولف مع ام سلمان الي دخلت قلبها وسوالفها الي تضحك عليها فصلات العجوز مب هينه العزيمه كانت عباره عن تباهي بينهم ماعجبها جوهم كلن يقول أنا عندي وانا أخذت ماركه ومدري ايش سوالف ماهي صوب نوره راكان الي ارسل قال بيجيهم قالت لام سيف وكان العشاء عندهم عباره عن بوفيه وكل واحد يحط الي يبي أنواع أكلات نوره الي أكلت وددعت ام سلمان ورجعت تأخذ عبايتها وتطلع لراكان الي ينتظرهم برى ركبت وأم سيف الي جت وراها
راكان : ها كيف العزيمه
نوره : ولله عزيمتهم بيض
ام سيف الي ضحكت : ماعليك تتعودي
نوره : وين أتعود لولا ام سلمان كان رحت من اليوم
راكان : اوه متعرفه على جدتي كمان
ام سيف : وابشرك صارو صحبه طول العزيمه ماغير مع بعض يسولفون
راكان وهو يمشي : جدتي يروق لها جو نوره
نوره : ولله عسل حبيتها دخلت قلبي
راكان الي جاه اتصال : هلا مين ايي وش فيه. بمستشفى. الان طيب طيب جاي
ام سيف : يمه ولدي من بمستشفى بسم الله
راكان الي طالع نوره : حمد متصاوب وماخذينه مستشفى اتصل علي واحد من خوياي يشتغل هناك
نوره الي وقف قلبها من خوف على حمد ومقدرت ترد على راكان
ام سيف وهي تمسك نوره : نوره هدي سمي بالله مافيه شي انشاءالله
نوره بتوتر مع خوف مع رجفان : راكان ودني له
راكان الي غير تجاهه للمستشفى بعد مسافه وقف عند الطوارى نوره الي ركضت داخل تسأل عنه
ولحقها راكان وأم سيف أخذت رقم الغرفه وطلعت ركض للغرفه وعيونها مليانه دموع لا حمد تكفى لا إلا انت قربت من غرفه الي كان من برى شفاف وكانت في بنت واقفه عنده نوره الي ناظرت رقم الغرفه تتاكد إلا وهاذا شايب دخل ناظرت إلي متمدد على سرير كان حمد فعلا ركضت فتحت الباب الي تفأجو بدخول نوره نوره الي طنشتهم وركضت على حمد الي فاقد الوعي ....
( بناااات رايكم بالبارت وصوتو ❤️🔥🔥)
