باليل
حمد ونوه اللي وصلو مطار الرياض وحمد اللي ماتكلم ولا كلمه من طلعو الطياره
نوره اللي كل شوي تبكي وتمسح دموعها خايفه على البنات ردت فعلهم وخايفه على الهدوء اللي صار فيه حمد فجئ من بعد مابكى نزلو من طياره واخذو شنطهم وحمد وأخذو أوبر وتوجهو لشقه نزل حمد حاسب واخذ سيارته وشغلها
نوره اللي ركبت جنبه :حمد تكلم تكفى لا تسكت
حمد طالعها :خليني يانوره أبعدني عني
نوره اللي احترمت رغبته وسكتت توجهو الديره وحمد اللي مسرع بسرعه خوفت نوره وصار يشرب سيقاره ويمشي باليل ذا
.
.
ببيت حمد اللي ملاه الحزن البنات اللي يصحيو من صبح وشوق ونجد عندهم يهدوهم ويمسكو نفسهم لا يصحيو معهم وام رايد اللي قايمه باكلهم وأبو رايد اللي ترقد بمستشفى ورايد عنده بكى على اخوه وبكى شلون بيقضي عمره بعد ابو حمد كان سنده كان ونيسه هو الوحيد المتبقي من عايلته حزن على عياله وتهدور حالهم بعد وفاة أبوهم
حسين اللي قضى وقته بمزرعه عند الخيل صرحان ونايف اللي ماتركه وجاسر وياسر اللي جالسين ديوانيه متلثمين وعيونهم حمر وراشد عندهم
..
الديره كلها حزنت على وفاة ابو حمد وام حمد اللي ذكرهم بديره بخير وأبو حمد اللي الكل عارفه بشهامته وعدله له فقد كبببير بديره وابو جابر اللي قرر يقوم بااول عزاء ببيت ابو حمد بكره
.
.
وسن اللي تبكي بسريرها ونوف اللي غفت بنومها من تعب اليوم كله بكي ونجد جنبها حظنتها
شوق جنب وسن :وسن ياروحي خلاص هذا شي مكتوب من ربك
وسن تبكي وماترد
شوق وهي تقوم وسن وتعدلها طالعة ملامحها اللي متورمه من بكي ولا عيونها اللي صايره حمر وخشمها
الأحمر شوق ناظرتها بحنيه :تكفين ارحمي عيونك خلاص يابعدي
وسن :خليني ياشوق خليني اطلع الحزن اللي بداخلي روحي طالعه ولله معاد ابي شي غير رجعته
شوق اللي حظنتها:قولي الله يرحمهم وتلاقيهم بجنه ان شاء الله
.
.
حمد ونوره اللي وقفو عند بيت ابو حمد ناظره حمد اللي مو قادر ينزل كعاده أبوه يستقبله وأمه تحظنه مايقدر يتخيل هالبيت بدون امه وابوه ماحس إلا على يد نوره اللي تضغط على يده طالعها وضغط على يدها يطمنها نزل ونوره نزلت وراه واتجههت على باب الحريم تدور البنات
ام رايد اللي مشغله قران بصاله ومغفيه طالعتها وطلعت فوق ناظرت غرفة البنات دمعت عيونها فتحت الباب
شوق :نوره
وسن اللي من سمعت أسم نوره فزت
نوره طالعة وسن ركضت عليها تحظنها ووسن اللي استقبلتها بحظن وبكت وبكت بحظن نوره ونوره اللي بكت معها
وسن وهي تبكي وتشاهق :نوره خلوني وحيده وراحو ليه يانوره ليه
شوق اللي دمعت عيونها من موقف وسحبت نفسها
نوره اللي تبكي معها :هدي يروح نوره انتي كلنا نبيهم لكن يحتاجون منا الدعوات مو البكي ياروح أختك
وسن اللي تقطعت من بكي :ليه ليه شلون بعيش بدون امي وحنيتها ولا ابوي أساس البيت وعموده
نوره اللي تهديها
.
.
حمد اللي قبل مايدخل الديوانيه تلثم ودخل
حمد :سلام عليكم
جاسر وياسر اللي فزو
جاسر :حمددد
حمد اللي تقدم لجاسر وحظنه
وجاسر اللي بكى بحظن حمد :راحو الغوالي وانا اخوك
حمد اللي يحاول يمسك نفسه : هدي نفسك يابعدي الغوالي راحو لكن باقيين هم منا وفينا دعواتك لا تقصر وصدقاتك ولا يزعلون علينا
حمد اللي حظن جاسر وبعد وتقدم على ياسر اللي حظنه ياسر :عظم الله اجرنا
حمد اللي يهمس له :جزاك الله خير خليك قوي وانا اخوك اخواتنا يحتاجونا تكفى لا تضعف ترى لحالي مقدر
ياسر :تأمر ياخوي
حمد اللي بعد عنه وتقدم سلم على راشد اللي سحبه وحظنه :عظم الله اجركم ياولد العم
حمد :جزاك الله خير
حمد اللي طالع :حسين وينه
جاسر :بمزرعه معه نايف
حمد :ابي ادخل أشوف البنات وبعدها بروح له
ياسر :طيب
حمد اللي ارسل لنوره انو يبي يدخل
نوره اللي حاظنه وسن :حمد يبي يدخل خليك بجيك
وسن اللي اشرت له بأي نوره اللي قالت له يدخل من باب الثاني لن الصاله فيها احد
حمد اللي دخل وناظر نوره اللي واضح انها كانت تبكي
نوره اللي قربت منه وحظنته لا شعوري منها
حمد اللي كان محتاج هالحظن يقوي نفسه منه
نوره اللي بعدت :ادخل الطريق مفتوح
حمد اللي دخل غرفة البنات ونوف اللي صحتها شوق وصحت نجد عشان تطلع ناظرهم حمد اللي من اول مادخل ركضت له نوف وحظنته وبكت بحظنه
حمد اللي بادلها الحظن يعرف اخته نوف رهيفه :خلاص ياروح اخوك هدي
نوف اللي بس تبكي
حمد :قوي نفسك وترحمي عليهم البكي مايفيد
نوف اللي تحاول تهدي نفسها وبعدت ونوره اللي حظنتها تعزيها
حمد اللي طالع وسن اللي وقفه وأصابعها ترجف فتح حظنه ووسن اللي ماصدقت وحظنته وبكت
حمد اللي يهديها : وسن خابرك قويه استحملي يابعدي هذا شي مكتوب ومقدر ساعديني نوف ووضحى محتاجينك لا تصيرين ضعيفه ويضعفون معك
وسن اللي بعدت وهزت رأسها
حمد :روحي اغسلي وجهك وصلو ركعتين وادعو لهم تراهم محتاجين الدعاء منا
..:الله يرحمهم يارب
حمد طالع نوره :شوفي لي طريق
نوره :طيب
نوره اللي طلعت وشافت مابه احد :تعال مابه احد
حمد اللي مشى مع نوره حمد اللي كان بيطلع لكن اللتفت لنوره :نوره البنات بأمانتك انتبهي لهم قويهم واسيهم
نوره :بدون متقول ياروحي انتبه لنفسك ولروحك
حمد اللي هز رأسه وطلع يدور حسين اكثر إنسان متعلق باابوه وأمه حسين
.
.
ببيت ابو فهد اللي مجتمعين
ابو سيف :قبل شوي متصل علي واحد من ربع قالو ابو حمد وأظن معه زوجته صار عليهم حادث
ابو فهد :لاحول ولا قوة اللي بالله وش صار عليهم
ابو سيف : الله يرحمهم
راكان اللي أنصدم لااااا وسن
ابو فهد اللي حزن :كان رجال طيب وشهم الله يرحمهم
الكل اللي كانو موجودين ترحمو
عند البنات
فرح اللي دمعت عيونها : ياترى وش حال البنات
جنى : اي ولله
فرح :ياعمررري الله يرحمهم يارب
روان :اميين
.
راكان اللي سحب نفسه من جلسه وطلع ركب سيارته وضغط على رقم وسن اللي غفت ونامت من التعب راكان يارررربي تكفين ردي خليني اتطمن عليك تذكر اليوم من راح لجده وقاله بيخطب فرح له ورفض وجده اللي عصب منه وليه يرفض لكن اللي عطاه مبرر ان فرح بعدها صغيره على زواج
.
.
راشد اللي سحب نفسهم من عيال وكلم شوق انه يبي يشوف نوف لكن رفضت ببدايه لكن أقنعها شوق اللي كلمت نوف انو تبيها تطلع معها بحوش تغير جو ومكان تعرف انو راح تشوف راشد
راشد اللي طالعها وهي رافعه شعرها وعيونها اللي مورمه من بكي تقدم عليهم :نوف
نوف اللي صنمت بمكانها
شوق :اسفه نوف بس ولله اصر
راشد :خلينا شوق
شوق اللي سحبت نفسها
راشد اللي فتح حظنه لنوف
نوف اللي طالعته
راشد :تعالي يروح راشد شيلي حزنك وأرميه علي
نوف اللي تقدمت ورمت نفسها بحظن راشد اللي حظنها بقوه وكانّه يحسسها انو سند انه واقف معها
.
.
حمد اللي توجهه المزرعه وطالع نايف اللي جالس قبل حسين اللي صافن بخيل
نايف اللي فز من شاف حمد تقدم وسلم عليه :عظم الله اجركم
حمد :جزاك الله خير
نايف طالع حسين اللي صافن :اجل بستأذن أنا
حمد: إذنك معك
نايف اللي انسحب
حمد طالع حسين قرب وجلس جنبه
حسين اللي التفت :حمد متى جيت
حمد :قبل شوي
حسين طالع مكان نايف الخالي رجع صفن بخيل
حمد : حسين
حسين اللي طالعه
حمد اللي حظنه :لا تخلي شي بداخلك وانا اخوك ابكي البكي ماهو عيب
حسين اللي ماسك نفسه : ابو حمد وام حمد خلونا لحالنا وراحو
حمد : ادعي لهم برحمه لو ابو حمد شافنا كذا بيعصب على ضعفنا بيقول ماربيتكم كذا
حسين اللي انهار من تذكر قسوة أبوه اللي يحبها
حمد اللي دمعت عيونه على حال حسين :ابكي وانا اخوك طلع اللي بداخلك
حسين اللي حظن حمد يستقوي فيه له يحسسس نفسه ضعييف مو قادر يمشي خطوه لقدام
.
.
عند فرح اللي تكلم نجلاء
فرح :تخيلي تذكري وسن وضحى ونوف
نجلاء :اي اذكرهم
فرح :تخيلي اليوم توفو اهلهم
نجلاء اللي فزت :شلون اهلهم
فرح :اهلهم ابوهم وأمهم
نجلاء اللي ارتاح قلبه تحسب جاسر :ياعمررري
فرح اللي حزنانه :اي ولله مره حزنت عليهم
نجلاء اللي خايفه على جاسر :متى صار
فرح :اليوم
نجلاء اللي حزنت :الله يرحمهم يارب
فرح :امين
نجلاء اللي تبي تتصل على جاسر : فروحه عاد بنام مو نايمه من صبح
فرح :طيب يروحي نوم الهنا
نجلاء :الله يهنيك
نجلاء اللي قفلت وجت بتضغط على رقم جاسر إلا امها دخلت
ام نجلاء :يمه نجلاء
نجلاء اللي توترت :هلا يمه
ام نجلاء :شفيه وجهك صاير شي
نجلاء :لا يمه
ام نجلاء :زين يمه طيب ترى ريان أخذ رقمك مني اليوم
نجلاء اللي انصدمت :وعطيتيه يمه
ام نجلاء:اي يمه ماهو خطيبك خلاص
نجلاء اللي سكتت هذا اللي ناقص ريان بعد
ام نجلاء : مو هاذا موضوعي جيت أقولك أنا وأبوك مسافرين
نجلاء:ليه يمه
ام نجلاء:ابوك عنده شغل برى وقلت اروح معه أغير جو كنت بآخذك بس دوامك يبدًا بعد بكره بجامعه
نجلاء:اي يمه
ام نجلاء:الحارس برى وخدامه عندك انتبهي لنفسك يابنتي
نجلاء اللي قربت وحظنت امها : ماعليك يمه مينخاف علي
طلعت ام نجلاء بعد ماسلمت على نجلاء ونجلاء اللي سكرت الباب وجلست على سرير محتاره تتصل ولا يمكن نايم وتزعجه ولا عنده اخوانه قاطع تفكيره اتصال ريان
نجلاء ناظرته بشمزاز فتحت الاتصال
ريان :الو
نجلاء بدون نفس:هلا
ريان اللي دخل غرفته وسكر الباب :أهلين حبيبي نجوله
نجلاء:هلابك
ريان :كيف الحلوه حقتي شخبارها
نجلاء ياجبدي :زينه
ريان اللي ماعجبه ردودها البارده ومختصره :نجوله حبيبتي فيك شي
نجلاء اللي تمثل صوت النعاس:لا بس صحيتني من نومتي
ريان :ولله اني اسف متوقعت تنامين بدري اسفه حبيبي
نجلاء:عادي لكن أكلمك بكره بنام
ريان :طيب نوم الهنا
نجلاء اللي سكرت الاتصال ورمت الجوال جنبها
.
.
بعد العزاء بثلاث أيام وضحى اللي قالها عزيز ونهارت عليه وغير رجعها الديره وودعو أبوهم وأمهم بمغلسه وكان حالتهم يثراء لها
خلص العزاء والحزن ملاي قلوبهم ابو رايد اللي حلف مايبقون بديره بعد أخذ عيال اخوه وتوجهه الرياض رغم رفض العيال لكن حلف عليهم وحاليا هم ببيت رايد معادا وضحى اللي اخذها عزيز ثالث يوم عزاء وجاسر اللي ظل عشان يشوف محل أبوه ويبيع الأغراض ومنها يخلي عامل للاحصنه
..
بابيت عزيز وضحى اللي اغلب وقتها بسرير او تصلي وتدعي
عزيز اللي حازن على وضحى وهالفتره قارب منها مره يواسيها ويسويلها أكل
ام عايض اللي جالسه بصاله ووضحى اللي قالت تصلي وتجي
ام عايض طالعة ولدها اللي طالع من المطبخ وبيده القهوه وشاي
عزيز الي تقدم وحط القهوه وشاي على طاوله :حي الله ام عايض تو مانور البيت
ام عايض اللي مو عاجبها وضعه : البيت منور بااهله وراك نحفان كذا ولا مرتك ماتسوي لك طعام
عزيز اللي قرب من امه :تكفين يمه لا تعلين صوتك وتسمعك
ام عايض طالعة بنقد :وخلها تسمع ولا مره تسوي كذا ومخليتك تسوي شاي وقهوة والبيت مو بيتها
عزيز اللي حب راس امه يهديها :يمه أهلها توهم متوفيين حرام يايمه ولا وضحى ماتقصر ولله
ام عايض الي فعلا راحمه وضحى بس ماينفع كذا: كلنا يولدي جربنا الفقد بس ماسوينا سواتها
وضحى اللي قاطعت حديثهم وطلعت من غرفه وكانت سامعه كلام ام عايض تضايقة لكن مشتها
وضحى :عبال متتقهو بسوي لكم عشاء
ام عايض :ماتقصري يابنتي
عزيز :اجي أساعدك
وضحى: لا تقهو
وضحى اللي لفت للمطبخ توها تحش فيها والحين يابنتي يلعن ام النفاق دخلت المطبخ وهي يأدوبها
.
.
جاسر اللي بعد ماسكر المحل ركب سيارته محتار وين يروح ماحس بنفسه إلا متجهه الرياض تاجهه نجلاء يبي يشوفها استغرب ليه مااتصلت رغم انه يدري انو الخبر منتشر لكن عطاها عذر انو ممكن مادرت اتجهه الرياض وهو ناوي يشوفها
.
.
نوره اللي قاعده تسوي العشاء لحمد اللي راح الدوام من صبح ولا شافته اليوم بس ارسل لها انه يجي على العشاء نوره اللي ماحست إلا وهي تركض على المغسله ترجع حست بدوخه خفيفه
نوره :ياربي شقاعد يصير معي من صبح دوخه ولا عشاني ماكلت شي
غسلت ورجعت تكمل طبخ رغم الدوخه اللي قاعده تحسها
.
.
.
بعد ساعتين جاسر اللي ماحس إلا وقف عند بيت ابو نجلاء طالع البيت اللي مظلم وواضح ان أهل البيت مو موجودين كان بيمشي لكن بيمشي لكن شاف النور اللي شغل بغرفة نجلاء ابتسم كانّها حاسه بوجوده ضغط على رقمها
نجلاء اللي صحت من نومتها عشان تشرب مويه لكن ناظرت جوالها يرن استغربت من هساعه اللي يتصل ناظرت رقم جاسر توترت مره شربت مويه وجلست على سرير وفتحت الاتصال
جاسر :الو
نجلاء بتوتر :جاسر
جاسر :عيونه وروحه
نجلاء :كيفك
جاسر :تدرين بعزاء ولا
نجلاء :اي دريت بس خفت اتصل يكون عندك احد
جاسر :يظالمه ثلاث وخايفه تتصلين ماودك تطمنين علي ولا مايهمك
نجلاء بتبرير :لا ولله شلون مايهمني بس ولله خفت
جاسر :طيب ودي أشوفك يمكن قلبي يرتاح
نجلاء اللي استحت :وين انت بديره وانا برياض
جاسر قومي وطالعي من شباك
نجلاء اللي مو مستوعبه قامت وطالعت شافت سيارة جاسر اللي واقفه قدام بيتهم :صاااااحي انت لو احد شافك
جاسر طالعتها وابتسم :مايهمني ماانتي راح تصيرين حرم جاسر
نجلاء اللي خايفه احد يشوفه :تكفى جاسر روح لاحد يشوفك هساعه
جاسر :عمي هنا
نجلاء :لا سافرو اليوم هو وامي
جاسر اللي نزل من سياره :طيب بسلم وعليك وروح
نجلاء :لااااا جاسر تكفى روح وووين نازل صاحي انت
جاسر اللي نازل ويطالع شباك : بسلم ولله مايسوي شي
نجلاء شوي وتصيح :تكفى جاسر
.
شرايكم لو نرفع الكومنت وتصويت 200 اقل شي لن المشاهدات نازله❤️🔥
