نوره الي نزلت وهي لابسه العبايه ونقاب والعيال نزلو وراها
ابو سيف الي جالس يشرب شاهي بصاله : خير على وين
راكان الي كان بيتكلم لكن ردت نوره : ابد قريبين بنطلع نتعشى عندك مانع لاسمح الله
ابو سيف ألي بدأ ينرفزه أسلوب نوره لكن يبي يكسبها لصفه: لا تطولون بس
نوره الي طلعت
راكان وسيف الي طلعو وراها راكان الي حزت بخاطره أسلوب نوره مع أبوها مايحب يشوف أبوه كذا
ركب راكان وجنبه نوره وسيف ورى توجهو مطعم ونوره الي قالت انها تمر المول محتاجه أغراض
..
حمد الي وصلته رسالة نوره عصب بالأول بعدين قال مب بصالحه يعارض وتكبر المشاكل بينهم ووافق طالع الديوان الي فضى من رجال ومابقى غير اخوانه
ابو حمد ناظر حمد : وانت متى ناوي تجيب مرتك
حمد : قريب نشاءالله يبه
ابو حمد : أشوفها طولت ببيت أبوها كان معندك قدره تجيبها أجيبها أنا
جاسر الي قام من سيرة نوره
حمد : لا يبه مايحتاج كم يوم واجيبها
ابو حمد : زين
حسين غمز لياسر وهمس : شكله متهاوش مع الحبيبه
ياسر ابتسم : شكله كذا ولا مو هذا حمد الي اعرفه
ابو حمد الي طالعهم بنقد : وانت وياه وراهم تتهامسون كنكم نسوان عندك شي قوله ولا قم انقلع من وجهي
حسين شكل الشايب خاربه معه : لايبه مافي شي
ابو حمد : ترى كنت ناوي اخطب لواحد منكم من عمكم بس قلت تتوظفو اول جاسر وياسر وأخطب لكم من عمكم
حسين: ليه يبه وانا ولد البطه السوداء زوجني معهم
ابو حمد : لاحطيت عقلك برأسك زوجتك لولا غلاوة نوره عندي كان خطبت الثانيه لحمد من اخوي
حمد الي تعوذ من فكره : لايبه فكنا تكفى
ابو حمد : الشور مب شورك لكن أحمد ربك على نوره وعرف تحافظ عليها تراها تسوى مية رجال
حمد :نشاءالله يبه
...
جاسر الي طلع يدخن برى مابقى على دوامهم شي ويبلش أسبوع تقريبا لكن قاهره راشد مره ارسل على راشد يطلع له برى
راشد الي استغرب من رسالة جاسر وطلع له لقاه واقف يدخن ومتكي ظهره على سياره
راشد قرب منه : جاسر من متى تدخن
جاسر طالعه بنظره حاده رمى السيجاره وقرب لراشد : راشد العلم الي سمعته مو زين لكن تعقب انت وشكالك ولا انت بكفو تأخذ اختي
راشد الي عرف ان البنت قايله لجاسر : جاسر ولله فاهم غلط أنا ماقصدي كذا
جاسر الي قرب ومسك راشد من ياقته وبصوت حاد : علم ياصلك ويتعداك اختي تحرم عليك وقول لأبوك قبل ماقول لهم أنا واخليك سالفه للرجاجيل قل مره غصبوه
راشد وهو يشيل يد جاسر : افهممم تراك فاهم غلط نوف ولله أبيها
جاسر :اسمممممم اختي لايجي بلسانك والحين توكل من وجهي معك يومين لو ماقلت كلمت أبوك أنا بكلم ابوي وأعلمك الأصول كيف
دخل جاسر الي معصب
وراشد الي واقف حس انه ضيع نوف مستحيل يضيعها نوف من زمان يحس تجااها شعور رجع البيت ولاقاه رايد على الباب
رايد : وينك امي تسأل عنك قالبه الدنيا على سالفة الخطوبه
راشد الي اجتمعت المصايب فوق رأسه : شسوي أنا اقطع نفسي قبل شوي جاسر والحين امي
رايد : ليه وش فيه جاسر
راشد الي قاله : والحين شسوي الرجال وفهم غلط
رايد : ولله من الملسونه الي قالت له
راشد : زين انها قالت لجاسر مو حمد لو حمد ولله ان السالفه مابقت لصبح لاذبحني هنا وخرب كل شي
رايد : ادخل ادخل وش ذبح انت متوصل خطوبه بالأخير الرأي رأيك
راشد الي دخل وسمع صوت أمه وهي تتناقش معه أبوه
ام رايد : ولييه هو ولدك لحالك مو ولدي أنا الي تعبت عليه وربيته
ابو رايد الي وجعه رأسه من نفس الموال من صبح :يامره حطي عقلك برأسك أنا عطيت كلمه لأخوي وماراح ارجع عنها راشد لنوف ونوف لراشد
ام رايد الي قامت : لا ولله ماني راضيه على هذا الزواج وإذا راشد خذاها ماهو ولدي ولا أنا أمه أنا أبيه لبنت اختي
راشد وهو يقرب يحب راس أمه : يمه تكفين اهدي
ام رايد وهي تبعد راشد : ابعد عني انت تروح تخطب ولا تأخذ شور أمك
طلعت ام رايد فوق
راشد الي جلس جنب أبوه : يبه الله يهديك كان قلت لنا قبل ماتخطب
ابو رايد طالعه بعصبيه : قول بعد ودك ترفض وتفشلني قدام اخوي
راشد الي قام وحب راس أبوه : لا ولله اني اخسى اني أفشلك لكن يبه كان عطيتنا خبر هذا الي اقصده ولا بنت عمي تاج راسي
ابو رايد طالع رايد الي واقف : انت انقلع ورى أمك خل تزوجك من بنات خلالتك ذوقك وخياسك
رايد الي ابتسم وجلس : افا يبه لا تسمعك امي وتزعل
...
عند نوره الي تتعشى مع العيال وأخذها الوقت سوالف معهم وبدت تتعرف عليهم اكثر حست سيف منفتح وواضح اكثر من راكان لكن راكان غامض بشكل يخليك فضول تعرف ايش فيه طلعو المول نوره الي أخذت أغراضها والعيال يسولفون عليها
إلا هذي بنت مرت من عندهم وقربت من عندهم وصدمت كتفها في راكان
راكان : ماعليش مانتبهت
البنت : لا مارضى أنا كذا ياحلو
نوره طالعة انصدمت اول مره تشوف بنات بقلة الأدب ذي
راكان طالعها بستغراب
البنت : إذا بتعزمني على قهوه يمكن أرضى
نوره الي بعدت راكان وخلته وراها وطالعة البنت : عسى ماشر وين عايشين تعالي بعد وخذي رقمه
سيف بمزح : ولا رقمي
نوره عطته نظره يسكت
البنت ناظرت راكان وغمزت : إذا رقم الحلو ذا مافي مانع اخذه
نوره الي عصبت من قلة الأدب ذي سلبة الصندل من رجلها : حبيبتي إذا ماتذلفين من هنا اخليها تطبع على وجهك وأعلمك وين الرقم صح وتربيك إذا أهلك ماربوك
البنت الي خافت من نوره : يمه انتي مجنونه
راكان الي ضحك على ردة فعل نوره وسيف الي ميت ضحك
نوره ناظرتها بحده : تمشين ولا شلون
مشت البنت عنهم
نوره الي تلبس الصندل وتسب ترباية البنت
سيف : اوووه بنت محمد مو هينه طلعت
نوره وهي تمشي : امش قدامي انت الثاني اجل رقمي صدق انك قليل حيا
راكان الي ابتسم
سيف وهو يمشي وينكد على نوره ونوره الي معصبه من هشكال طلع شوق ولاشي قدام ذولي
رجعو البيت وقضوها سهره وضحك وسوالف
...
الصباح عند حمد الي جهز اغراضه ومشى تجاهه الرياض وكلم احد استأجر له برياض لن تحول دوامه برياض وناوي يجيب نوره تسكن معه ومايصير لهم عذر انها بعيده عنهم كلم أبوه الي قاله لا يطول برياض يخلص شغله ويرجع الديره وأمه الي تضايقة لكن ارتاحت نوعا ما ان نوره راح تكون جنبه وتهتم فيه ووعد نوف انه بيحظر ملكتها هو ونوره
..
عند نوره الي صحتها الخدامه تقول انو بابا عبدالله ينتظر تحت
نوره وهي تغير ملابسها وميته نوم منامت إلا متاخر بسبب العيال نزلت تحت وكان على الفطور العيال الي كأنو مثلها واضح ميتين نوم وجدهم وأبوهم وأم سيف وعزيز قرربت منهم
ابو فهد : ياصباح الخير تو مانور البيت
سيف طالع جده بنص عين : ليه واحنا
نوره الي ابتسمت وقربت تحب راس جدها : صباح الورد يبه
ابو فهد طالع سيف : نوره غير عندي ويازين يبه منك اقعدي يبه افطري
ابو سيف الي تضايق انه ماسمع منها حتى كلمة يبه
ام سيف الي تقرب الأكل لنوره وتحط لها
نوره الي ابتسمت لها شكر وعزيز الي جالس جنبها قربت وباسته : يازين الحلو أنا
ابو سيف ابتسم : يبه اليوم غريبه جاي
ابو فهد : ليه ماتبيني اجي
ابو سيف : لا حشى يبه ابد البيت بيتك بس مو من عادتك
ابو فهد : ولله جاي عشان نوره وابي اسولف معها احس لو وقت ماشفتها
ابتسمت نوره له
سيف : الله وأكبر توك جد شايفها ولا نوره ساحرتكم أشوفكم تحبونها كثير
نوره : وليه وانت وش حاشرك وأنا من مايحبني
ابو فهد : اي ولله من مايحبك
ام سيف : يمه نوره اليوم فيه عزيمه لحريم العيله بس تجين معي
نوره الي ماحبت ترد ام سيف : اي ليش لا بروح
ام سيف : طيب ترى بروح العصر جهزي حالك
ابو فهد : وأنتم شرايكم تقووومون الشركه
ابو سيف : ليه يبه مانت رايح معنا
ابو فهد : لا بجلس اتقهوى واسولف مع بنتي
سيف ضحك وراكان ابتسم من تغير جده بيوم ولليله
ابو سيف : ابد براحتك يبه
..
بمكان بعيد شوي
.....: ابعددددد عني لا تقربني
.."وهو يقرب ويلمس شعرها : شلون مالمس الحلو ذا وهو بيدي
وهي تدف يده وتتفل بوجهه : حقييير واطي مد يدك وأكسرها لك
... قرب وعصب ومسكها من شعرها : اناااا ياواطيه تتفلين بوجهي أنا أوريك
....
(بنات لا تعاتبون على ان البارت قصير دامني انزل يومي ولله متعب وإذا تبون بارت طويل عادي يصير يوم انزل ويوم ولا شرايكم؟)
