العصر ..
نوره الي صحيت فتحت عيونها ناظرت حولها الي كان حمد حاظنها ونايم نوره الي بدت تستوعب الي قاعد يصير فزت من حظن حمد ناظرت ملابسها بستغراب مكان هذا لبسها طالعت حمد لا لاا لاااا مو الي ببالي قربت من حمد تضربه على كتفه :حمد حمد
حمد الي كان غاط بنوته صحى على ازعاج نوره :شبلاااك انتي
نوره وهي تناظره:حمد شصار شلون تغيرت ملابسي كذا
حمد الي يحط الشماغ على وجهه : ارتفعت حرارتك وروشتك وغيرت عليك
نوره الي نطت عيونها : شقصدددك يعني انت غيرت علي
حمد وهو بنفس الحاله : اي
نوره الي احمر وجهااا أخذت المخادات ورمت على حمد بعصبيه :ياقليل الأدب يلي متستحي جعلي ماني بقايلته
حمد الي يشيل المخاد عنه : وإذا غيرت عليك مانتي بحلالي عادي
نوره : كل تبببن حمد وجع من سمحلك
حمد الي ناظر وجهه نوره الي صار أحمر ابتسم بخبث : شبلاه وجهك تغير لونه
نوره وهي تحط على المخده على وجها:حمد اسكت احسن لك اطلع اطلع من غرفه
حمد الي قام وهو يضحك عليها : بس شرايك بنومه ماعجبتك بالله
نوره الي زاد احمرارها :حمدددددددد
طلع حمد وهو ميت ضحك عليها
..
بديوان عند الرجال الي كأنو شابين النار وأبو حمد وأبو رايد وأبو جابر يسولفون وراشد ورايد وياسر جالسين يسولفوون على طرف دخل عليهم حمد
حمد :السلام عليكم
..وعليكم سلام
جلس حمد جنب ياسر
راشد وهو يصب فنجان لحمد :سم
حمد وهو يأخذ الفنجان :سمم الله عدوك
ياسر همس لحمد :وراك توزع ابتسامات
حمد الي كان يبتسم كل ميتذكر وجهه نوره :هااا
ياسر ضحك : ياحظ الي ماخذ عقلك
ابتسم حمد
ابو حمد : ياسر وراك جالس هنا مارحت مع حسين
ياسر : يبه حسين معه نايف بمحل
ابو حمد: اي زين
ابو جابر : شرايك يابو حمد وأبو رايد دام الجو حلو خلونا نكشت بالبر
ابو حمد : اي ولله ان الفكره طابت لي
ابو رايد : اي مابها مانع لكن بعوائل ولا
ابو جابر : ايي عشان العيال يغيرو جو عن الديره
ابو حمد : الي تبونه بس متى
ابو رايد : أنا أقول خلوها بكره الصبح
ابو جابر : ايي يناسب
العيال الي فرحو إنهم بيطلعو البر من زمان ماكشتو معادا رايد الي قال بنفسه تونا جينا من عزبه وراه تدورون البران كمان
...
عند البنات الي تجمعو عند ام حمد تحت يسولفون معها ويتقهوون
ام حمد وهي تطالع وضحى : وضحى ترى قريب بيجيك خطاب جهزي نفسك
البنات الي تفاجئو
وسن : امانه يمه
وضحى : يمه إذا خالد من الحين اقولك رافضه (خالد هذا واحد من ديره معتمد على أبوه ومعجب بوضحى لن قد شافها بغلط واصرر عليها يخطبها بس رفضته )
ام حمد :لا يمه مو خالد هذا عزيز ولد ام عايض
نوف : الله اممم عايض مره طيبه
نوره : اي ولله اذكرها تجينا وعمرها ماجت وأيدها خاليه
ام حمد : اي كلمتني ام عايض قالت ابي وضحى لولدي عزيز بس ابي موافقتها ويتقدمو رسمي فكري زي واستخيري وعطيني رأيك عشان ارد عليها
وضحى الي توترت من جدية الموضوع :نشاءالله يمه
وسن وهي تصفرر: اخييييرا بيصير عندنا عررررس
نوره وهي تضحك على هبال وسن :بنت لسى ماعطت الموافقه وأنتي تقولي عرس
وسن : لا لا راح توافق على ضمانتي وضوح من قدك عمتك طيبه والكل يشهد بطيبها لو محلك أنا وافقت الحين وبهمس ليت عمتي كذا بس(قصدها ام رايد)
نوف الي سمعتها وماتتت ضحك
وضحى وهي مطنشه هبال وسن : يمه جاسر متصل عليك
ام حمد : هذا الولد بيجنني أقوله ارجع ودور لك شغل هنا رافض إلا يقعد هناك
نوره : خليه ياعمه يدور رزقه وماعليك رجال ماينخاف عليه
ام حمد : يايمه اقلق عليه وش يأكل وش يشرب
..
باسوق عند بمحل ابو حمد
نايف وحسين الي قاعدين بمحل ويسولفون
حسين وهو قايم :ولد بروح البقاله ذي القريبه بجيب لنا عصير ومويه خلك هنا
نايف :طيب
حسين الي طلع من من محل دخل البقاله الي ماتبعد عنهم إلا كم خطوه أخذ الأغراض كان بيطلع إلا صدم في واحد وكان أربع شباب قدامه
ناظرهم حسين صد واستغفر وجاء يطلع إلا واحد منهم وقف بوجهه : وراك تستغفر شايف شياطين قدامك
حسين ناظره بنظره حاده : ابعد من قدامي
.. : وإذا مابعدت شيصير
واحد منهم : خلوه بعيال خلونا نمشي
حسين : قول لذا يبعد من قدامي احسن له
طالعه الي قدامه : نبرة التهديد ذي خليها ياولد الرخمه
حسين الي طيح الأغراض من يده ولكمه بقوه على وجهه : اعقبببب الرخمه الي جاب زي أشكالك
هجم عليه واحد من بدأ يغلط على أبوه
نايف الي طلع على صريخ الرجال : حسسييين
ركض عليهم يبعدهم عنه لكن لكمه واحد وبعده : أذلللف انت مالك دخل
نايف الي شاف حسين يحاول يقاوهم والناس الي تتفرج ماقدر تتدخل لن فيها عيال سالم
ركض نايف يطلب المساعده من عيال ابوحمد لن ماراح يقدرون عليهم اثنين
..
بيت ابو حمد مايبعد كثير عن السوق
بديوان العيال الي يسولفون وشياب يسولفون
إلا هذي يسمعون نايف ينادي
نايف الي جاي ركض على الديوان :حمد ياحمد الحققق حسين
فزو العيال وشياب
وقف نايف على باب الديوان وهو يلهث من ركض وبصوت متقطع :حسين حسين
حمد الي قرررب منه: وووش به حسيين
نايف : تجمعو عليه عيال سالم
العيال قامو ركض وشياب وراهم
بسوق الي كان عيال سالم مجتمعين على حسين بضرب إلا هذي جية العيال يركضووون
حمددد : ياااابن ****ابعدوو عنه
هجمو العيال عليهم وكان معهم راشد ورايد
وأبو حمد الي جاء يطالع ناظر بفخر بعياله الي ماخلو فيهم عظم صاحي
ابو جابر وأبو رايد وهو يحاول يبعد فيهم لكن مافي فايده
إلا هذي وصولة الشرطه الي كان متصل عليها واحد من أهل الديره بعدوهم عن بعض وطلبو الإسعاف لحسين ومصابين
أخذوهم المركز ولحقوهم الشياب وأبو حمد راح مع حسين مستشفى واثنين من عيال سالم برضو بمستشفى وباقي المركز
...
ابو حمد وهو يقرب من حسين الي نايم واتصل على ام حمد وعلمها بس قالها لا تجي الولد مابه شي بس بكت واصرت إلا تجي
...
عند ام حمد الي قلبت صياح ووودوني عند ولدي والبنات الي يهدوها
ووسن : يمه تكفين هدي الولد نشاءلله بخير
نوف وهي تصيح : مافي احد يودينا يمه كلهم أخذوهم المركز
وسن وهي تروح غرفة العيال وتجيب مفتاح من علاقه حقت المفاتيح ياسر حق الشاص وتلبس عبايتها وتسوي لثمه : يمه جيبي عباتك
وضحى :ووووسن انتي صاحيه
وسن وهي تلبس الشوز : اي صاحيه
ام حمد الي تعرف انه وسن من وهي صغيره تسوق يعلمها ياسر لبست عبأتها وهي خايفه على حسين
وضحى الي لبست عبايتها
وسن طالعت نوره : خليك انتي ونوف وإذا احد جاء قولي رحنا المستشفى
نوره : ماعليك بس إذا وصلتو طمنيني
طلعت وسن الي كانت متوتره شوي بس شغلت السياره وركبت أمها معها ووضحى الي تهديها
ودعست على المستشفى
...
بمركز مدخلين العيال بتوقيف دخل عليهم واحد من عساكر
ناصر : حمد وينه
حمد الي طلع من بين الشباب وسلم عليه وصافحه
ناصر ابتسم : حمد وش مسوي
حمد : إذا قصدك على كلاب يستاهلون وماجاهم قليل
ناصر :ماعليك بيجيهم حقهم لكن انتم لازم توقعون أخذت القضيه على انها دفاع عن نفس بس تأخذون تحذير وتطلعون اما هم بنرفع قضية تعدي إلا إذا تنازلتو
حمد : ولله يعقبون
قرب ياسر : طمنا عن حسين
ناصر : حسين بخير عنده رضوض بيده لكن بخير والحمدلله على سلامتكم بتوقعون وتطلعون
حمد مد يده يصافحه : ماتقصر ولله تسلم
صافحه ناصر ابتسم : الله يسلمك حظرة الفريق الأول
...
عند وسن الي وصلت نزلو يسألون عن حسين
دخلو على غرفه الي كان بها ابو حمد
ابو حمد تفاجئ بجيتهم
ام حمد وهي تقرب من ولدها حسين وهي تصيح تجلس جنبه :ياروحي انتي وشو الي سووه فيك حسبي الله ونعم الوكيل
ابو حمد : خلاص يأمره لا توجعين عيونك من بكي ولله ولدك طيب ودكتور يقول بخير بس عنده رضوض
ام حمد وهي بس تصيح وتدعي عليهم
ابو حمد طالع البنات الي واقفين : انتم من جابكم
وسن وهي خايفه من ردت فعل أبوها مدت له مفتاح الشاص :أنا يبه
ابو حمد ابتسم قرب وحب رأسها : اييي كذا أبيكم وقت الشدايد هذي تربيتي
وضحى الي كان تصيح على حسين ابتسمت من بين دموعها على شكل ملامح وسن بعد ردت فعل أبوها
وسن وهي فرحت انه معصب عليها : تسلم يبه هذي تربيتك
...
العشاء
طلعو العيال الي قررو يروحو المستشفى اتصل حمد على نوره
نوره :هلاا حمد
حمد وهو يبعد عن شباب : نوره كيفكم
نوره وهي تسأل : خلك منا انت كيفك صار لك شي
حمد ابتسم على اهتمامها فيه : لا مافيني شي بس امي درت ولا
نوره : اي راحت المستشفى يعمري عليها تعبت من بكي
حمد : زين بس من وداها العيال كلهم هنا ولا ابوي جاها
نوره توترت تقوله تخاف يعصب على وسن : اي
حمد : طيب بقفل أنا بروح المستشفى شوي ونرجع البيت بنطمن على حسين اول
نوره : طيب
..
العيال ومعهم ابو رايد راحو المستشفى دخلو يسألون عن غرفة حسين إلا هذي طلعت وسن من الغرفه
حمد والشباب كلهم معه متوجهين على غرفة حسين حتى نايف معهم إلا هذي طلعت وسن قدامهم الي انخرشت من كثرهم
حمد الي عصب من اللثمه ورمى شماغه على وجهه وسن والعيال الي صدو مسك يد وسن ودخلها الغرفه ومعه ياسر
ابو حمد : شبلاك على البنت
حمد وهو يأخذ شماغه من وجهه وسن وبحده : وراه ماتستري متستحين على وجهك لابسه لثمه
وسن وهي بنفسها اويلا ويلاه كل هعصبيه على لثمه اجل لو درا اني سقت
ابو حمد بحده: مالك دخل فيها لاصارت بنتك تكلم
حمد الي صد يستغفر
وضحى وهي تهمس لوسن : جاك الموت يتارك الصلاه
ياسر الي عند أمه الي تبكي : يمه يغاليه وش مبكيك هذا حسين قدامك بخير بس شوي ويصحى
ابو حمد : لي ساعه أقولها وعيت تصدق غير من تشوفه يصحى
ياسر : ماعليه الحمدالله عدت على خير طالع أبوه يبه ترى الشباب ينتظرون برى
ابو حمد وهو يمد له مفتاح السياره :خذ السياره ورجع اخواتك البيت
ياسر الي استغرب من مفتاح سيارته وش جابه وابوه سيارته برى أخذ المفتاح : يبه وش جاب الشاص هنا
وسن الي توترت
ابو حمد : وسن جابت أمك لن مكان في احد
حمد ناظر وسن بعصبيه
طالعه ابو حمد :والي يتكلم حرف على وسن مايجيه خير ورح شوف الدكتوره اخوك متى يطلعوه
طلع حمد وهو معصب
ياسر وهو يحظن وسن من جنبها :اوه السوسه صارت تسوق واخيراً طلعت فايده من تعليمي لك
وسن وهي تضحك : ولله يياسر سقت وانا مشوف الدرب خايفه اسوي شي غلط من الي حفظته منك
ياسر : لا ولله انك كفو بس لو بدون سالفة هالثمه
وضحى : مامدانا حتى أنا جيت يغشوتي لن مستعجلين
حسين الي بدأ يصحى على اصواتهم
ام حمد الي فرحت من شافتت حسين فتح عيونه : يمه حسين فيك شي يوجعك شي
طالعو حسين الي صحى
حسين الي يحاول ينطق يبي مويه
فهمت عليه ام حمد قرب ياسر يعدله عشان يشرب
ابو حمد :خلوه خلوه يرتاح يلا على البيت
ام حمد وهي تعدل حسين يرجع لوضعه : ولدي اليوم ولله مو رايحه عنه
ابو حمد : يام حمد الرجال ينتظرون برا
ام حمد : قولهم الولد بخير لاصحى زين يشفوه
ابو حمد الي طلع يعرف ام حمد لا عنادت عنادت
طلع قالهم ان حسين بخير ولسى باقي ماصحصح زين وقالو يرجعو له الصبح بكره وحمد الي جاء قال طلوعه أصلا بكره باليل
.. طلعو الشباب يرجعو لبيتوهم وحمد الي رجع المركز يشوف وش يصير معهم ويسوي الاجرائات لازمه وبباله نوره الي كذبت عليه لكن هين يانوره
..
ببيت ابو رايد الي دخلو العيال وحالتهم حاله وام رايد الي كانت جالسه هي وبنات بصاله
ام رايد فزت : يمه عيالي وش فيكم
رايد الي قرب وجلس جنب أمه
ابو رايد وهو يجلس : مآبهم إلا كل خير فزعو لولد عمهم بس
ام رايد وهي تتفحص رايد :يمه يوجعك شي
رايد :لا يمه عدت على خير
وطالعت راشد :وانت يمه فيك شي
راشد وهو جالس عند البنات : لا يمه بخير
شوق : ليه أشكالكم كذا وش صار
راشد الي بدأ يروي لهم الي صار من يوم جاء نايف لحد المركز
نجد وهي تدمع عيونها : يمه ذول شلون مايرحمون
رايد : هذول كلاب مايحرمون مجتمعين عليه الكلاب اربعتهم
ام رايد وهي تطالع ابو رايد بعصبيه : هذا الي جبتنا له الديره هذي اول أيامنا وصار بعيالنا كذا بسببهم
ابو رايد : يا مره هذول عيالك قدامك مابهم شي وإذا فزعو هذا ولد عمهم
ام رايد : كله من عيال اخوك عيالي بيروحو مني
رايد وهو يبوس راس أمه : يمه الله يهديك هذانا قدامك بخير
ابو رايد قام وهو عارف الموال الي بيصير
"""
بنات رأيكم بروايه 💕
