الود ودي امسك ايدك الحين
واقربك مني واشوف عيونك
واقولك حبك سرى بالشرايين
وتقول باين من مسكة يدينك
المغرب
عند حمد ونوره
حمد الي اختفى ورجع لنوره لقاها تقرا كتاب روايه نوره الي جالسه على كنبه الي كانت مندمجه بروايه الي تقراها وماحست بوجود حمد الي جاء من من وراها ونزل رأسه وباس خدها نوره الي ارتأعت من وجود احد وراها : حمددد وجع
حمد الي ضحك عليها وجلس جنبها : ايش تقرين
نوره الي قفلت الكتاب : روايه احبها اشتريتها من وانا صغيره أيام امي الله يرحمها ولحد الان احب اقرأها واعيدها
حمد : عن ايش تتكلم
نوره الي تربعت : ياطويل العمر هاذي وحده يتيمه وعايشه مع امها الي فقدت بصرها في حادث ومن هنا تدور الأحداث لكن البنت عانت كثير بحياتها عشان توفر مصروف لامها ولها لكن تتوفى امها وهنا تبدّا الحيره البنت شلون بتعيش وهي لحالها وبزمن محد يرحم المراءه وهي متعرف احد غير صديقة طفولتها لكن أبو البنت يمنعها تشوفها المهم ان الروايه ذي كثير لامس قلبي لن البنت تعرضت لظلم كبير بحياتها (ممكن هذا تسريب من الروايه الي ممكن اكتبها بعد هروايه )
حمد الي يمثل انه يمسح دموعه
نوره الي أخذت مخده وضربتها عليه : حمدددد دز الغبي الي يسولف لك أصلا
حمد الي ضحك وقرب لها وبأسها على خدها : اسف يروووحي انتي
نوره الي تحس هالايام كثير حمد متغير عليها للأحسن : لا تعيدها محب احد يستخف بكلامي
حمد : من عيوني طيب شرايك نطلع نتمشى
نوره : ايي وابي اروح للبنات
حمد : اي اي يصير خير يلا
نوره الي قامت تغير ملابسها وتلبس عبايتها
...
عند وسن الي صحت من نوم تحس رأسها مصدع نزلت المطبخ لقت الخدامه بوجهاا :اوه عشنا وشفنا
الخدامه : نعم مدام تبى شي
وسن : لا الله يسعدش خليني اسوي شغلي بنفسي
خدامه : تيب مدام
شوق الي كانت لابسه شورت سمعت صوت بمطبخ قربت شافت وسن
شوق : ووسن
وسن طالعت شوق خذلك ناقصين ذي بعد : هلا شوق
شوق قربت عليها وحظنتها: هلابك يروحي مدريت أنكم جيتو
وسن الي استغربت من تعامل شوق بعد الضرب الي كلته منها : اي ولله جينا العصر ونمت وصحيت مصدعه ابي اسوي شاي نعنع
شوق طالعة الخدامه : خلي سيتي تسويلك ريحي
وسن :لا بسويه ماحب احد غريب يسوي لي
شوق الي أخذت يد وسن وجلستها على كرسي اجلسي اجل بسويلك وبسويلي وسيتي خلاص تقدري تروحي ياروحي
وسن جعلها دايم كذا : الي تبين
شوق الي بدت تحظر شاي وسوت لها ولوسن وجلست مع وسن الي مستغربه منها لكن سولفت معها وفتحت موضوع حمد واعتذرت انها ندمانه وسن الي حست انو فعلا البنت ندمت وأول مره تكتشف ان شوق فعلا إنسانه غير عن الي كانت حاطتها في بالها والي تعرفت عليها من قبل
..
وضحى الي صحت طالعة سراير البنات الي مافي احد أخذت جوالها عزيز الي مرسل انه جاي الرياض بيخلص شغل لابوه ابتسمت قامت تأخذ لها غيار وتاخذ شور يصحصحها اخذت شور سريع ونشفت شعرها وعدلت شكلها وتعطرت ونزلت ولاقت نوف ونجد الي على درج نازلين نجد الي سلمت على وضحى ونزلو البنات سمعو صوت شوق ووسن بمطبخ دخلو نجد الي تقدمت تسلم على وسن الي كان تضحك ومتعمقه بسوالف مع شوق
وضحى همست لنوف : متأكده ذي وسن
نوف ابتسمت : شكله طاح الحطب بالأخير بنت عمها من لحمها ودمها
وضحى ضحكت وتقدمت يسلمون على شوق وجلسو بمطبخ يسون شاي ويسولفون وأول مره جلسه بدون نفس ثقيله ضحك
نجد وهي تغمز لنوف : حبيبة رشود متى تعطي الموافقه
نوف الي استحت
وسن ضحكت : بنت ماسمحلك تحرجين اختي
نجد وهي تحظن نوف : ولله راشد محظوظ فيييك
شوق : ايي ولله وعقبال وسن لرايد
وسن الي شرقت : لا تكفييين
نجد : ليه وش به رايد
وسن : مابه شي لكن اخوكم خلوه لكم مابي زواج أنا
نجد : يحصلك مثل رايد حلو وشخصيه وكاريزما
وسن وبلا عقل ابتسمت تسليك حبت تغير موضوع : الحين كيف دوامكم بجامعه
..
حمد ونوره الي مقضينها لفلفه ومشغلين موسيقى ومأخذين قهوه ونوره الي كاشفه لن السياره مظلله
نوره :حمد كتفك مايوجعك من سواقه
حمد : لا ياقلبي وجع خفيف بس
وقف عند محل : انتظريني
نوره : طيب
نوره الي تشوف ستريكات البنات مجتمعين واستغربت وجود شوق بينهم بس شالتها من بالها ماتبي تعكر مزاجها اول مره بينها وبين حمد ووضوح وسلام بدون مكابره بدون مشاكل طالعة حمد الي طالع من المحل ومعه باقة ورد نوره الي دمعت عيونها
حمد الي ركب طالعة نوره الي متفاجاه وعيونها تدمع حنية حمد متوقعتها بس جت بوقتها كتمت كثير لكن جاء العوض حمد الي مسح عيونها من الدموع : لا توريني هدموع عشان ماصير شخص ثاني وهذا الورد اعتذار مني لك على كل شي صار قبل اسف يانورة حمد
نوره الي حظنته وضربته على خفيف بظهره :لا تبكييييني كذا
حمد الي ناوي يغير حياته مع نوره من صفر ويعوضها على الأيام الي راحت :احبك شسوي
نوره الي تجمدت بحظن حمد مقد قالها ولا احد قد قالها من قبل لها كلمة احبك ذي كبيره بنسبه لها
حمد الي بعد وناظر وجهه نوره البارد : قلت شي غلط
نوره طالعته ابتسمت ابتسامه لها معنى عميق قربت وباسة خده وقربت وهمست باذنه: ياويلك مني ياحمد لو شفت شخص ثاني غير الي قدامي بيوم من الأيام لن حبيت هشخص وأبيه لي
حمد الي حظن نوره : ماراح تشوفين إلا الي يرضيك ياروح حمد انتي
قضو تمشايه ونوره الي تحس نفسها عايشه حلم حمد الي تحول شخص ثاني وعرفت ان حركة زعلها فيه فادت كثير عرف حمد مقدار نوره وعرف حبه وشوقها لها ونوره الي خايفه تصرح بحبها لأحمد ويخذلها يوم من الأيام وتخاف يضمنها ويتغير متعرف محتاره
..
اليوم الثاني الي بدأ على الكل بحياه جديده ونوره الي قضت احلا يوم بحياتها امس قضو سهره للفجر ورجعو تعبانين وأول مره تنام بحظن حمد برضى
وبنات الي سهرو بغرفه وقضوها لعب وأم رايد الي كانت شوي متضايقه لن اعطو موافقة نوف لكن زوجها هددها انو متتكلم كلمه وقضتها سوالف مع ام حمد
العصر
..
العيال الي يتجهزون وحمد الي قال العزيمه بدون حريم لن مايبو يثقلو على أهل عزام وهو على قد حاله راحو الرجال على عزيمة عزام وكان عزام مستقبلهم ..
..
نوره الي جالسه جنب وسن الي نايمه وتحاول تصحي فيها لكن مافي وسن نومها عميق وبنات كمان نايمات جت ببالها فكره اخذت كوب مويه وملتها طالعة البنات بتبدأ باي وحده طالعة نوف الي نومتها عفسه على بعض قربت منها وسحبت اللحاااف ورشت المويه عليها
نوف الي فزت : يمممممممممممه
نوره اللي جلست على الأرض ميته ضحك على كشة نوف
وبنات الي قامو مفزوعين
نوف طالعة نوره بعصبيه : نوووووووووير يازززق
نوره الي مو قادره تتكلم من ضحك
وسن ووضحى الي طاالعو وسن بكشتها وضحكو مع نوره
نوف الي قامت تركض تلحق نوره الي ركضت تنزل عند عمتها
نوف وهي تنزل من درج : نووووير هييين يازقه ياام سيقان
إلا هذي جية راشد الي ناسي جواله عند نجد الي شاحنه خرب وخلاه عندها لكن راح من باله انو ممكن بنات صاحيين لن سمع من أمه ان البنات نايمين إلا لما طلعت الشمس
نوف الي نازله وعاميها الغضب من نوره إلا هاذي جيت راشد بوجهاا نوف الي من شافته تجمدت مكانها راشد الي طالع البنت الي واقفه قدام وشعرها يتطاير وطالع العيون إلا هذي عيون نوف : نوف
نوف الي سكتت تجمدت رجعت على الدرج وركضت لغرفتهم
راشد الي ضحك ياربي إذا هاذي نوف انك تعجل بزواجي راح لغرفة نجد الي دق وماسمع رد تدخل تجمد من برودة الغرفه دخل وشغل الاضائه : الله يهديك
تقدم وقصر على مكيف واخذ جواله وغطاها زين وطفئ الاضائه وطلع وتمنى يلقى نوف وتوجهه العزيمه
..
نرجع بوقت
نوره الي ركضت عند عمتها
ام حمد : على مهلك يمه
ام رايد: اي انتبهي يمكن في طفل ببطنك
نوره الي عدت من مشيتها وتكشر وجها من هطاري : بدري يخاله تونا متزوجين
ام رايد :والحمل مايعطي موعد يابنتي
ام حمد الي شافة وجه نوره تضايق : اي إلا بكره عزيمة ال ناصر لحمد
نوره : اي يمه حمد قالي بكره كلنا بنروح العصر نشاءالله
ام حمد : اي زين يمه نشاءالله على خير
...
نوف الي ركضت لغرفة البنات وبنات الي تغير ملابسها والي جالسه على جوالها إلا هذي دخلة الي عيونها كلها دموع ودخلت بسريرها
وضحى : نووف شفيك
وسن الي غيرت ملابسها وطلعت
وضحى الي قربت لنوف الي مترد عليها غير صوت بكاء رفعت لحاف الي عيون نوف كله دموع : نوف بسم الله عليك شفيك
وسن الي قربت : شفيها
وضحى : مدري دخلت تبكي
وسن جلست جنبها : انطقي وش فيك وش بلاك إذا دلع ولله بجلدك
نوره الي ملت من كلام ونغزات ام رايد لها طلعت للبنات دخلت شافتهم مجتمعين على نوف
نوف وهي تبكي طالعة نوره الي دخلت ورمت المخاد عليها نوره الي تفاجاة وتذكرت موقف وضحكت :كله منك يحماره
وسن الي على عصابها : بنت شفييييك انطقي
نوره قربت وحست في شي غلط : ليه وش صار
نوف وهي تحط مخده على وجهااا : راشد شافني أنا وكشتي
وسن الي ماتتت ضحك وبنات معها
نوف طالعتهم وصاحت اكثر : كلو تبن اذالفوو أقولكم شااافني بكشتي ولله ماظنتي تتم الخطبه بصيييييح
نوره الي قربت من نوف ومسكت ضحكتها : وهو يحصلها وحده مثلك ناعمه وكيوت وملامحها تجنن
وسن : لكن الكشه الي قبل شوي حكايه ثانيه
وضحى الي ميته ضحك معها : شكلها بيعود عن خطبه ويحط رجله
نوووف الي صاحت اكثر ونوره الي تغمز لهم يسكتو حرام عشانها والبنات الي كتمو ضحكتهم عشان متصيح
نوف وهي تكمل : المشكله عرفني مدري شلون عرفني قالي نوف وانا حطيت رجلي
وسن الي ماسكه ضحكتها بغصب : متأكده انه مقالك طالق
نوف : ووووووووسن كلي تبن
البنات الي ماتو ضحك بس تخيلو الموقف
...
بالقصر ابو فهد اللي الكل مجتمع كعاده
عند البنات
فرح : ولله نوره لها فقده كان مسويه جوو
جنى الي افتكت من وجودها لن تحس نظرات ناصر لها مو طبيعيه شافت ناصر طلع انسحبت من بنات وطلعت تلحقه
روان : اي ولله
فرح : شوفي فيصلوه حقك يناظرك
روان الي صدت عنه :تكفين لا تجيبين طاريه
فرح : بالأخير خطيبك يابنت
روان : ومن زينه من خطيب صايع هايص ماله أمان نسونجي
..
جنى الي لحقت ناصر
جنى : ناصر
ناصر الي طالع وراه : شتسوين هنا
جنى الي قربت لها : قلت اسلم على خطيبي الي حتى با أتصال باخل فيه
ناصر ببرود : شحالك
جنى الي تقدمت وباسة خده: زينه انت كيفك
ناصر : الحمدالله الحين بروح لشغلي ادخلي داخل
جنى الي قهرها تلحقه كذا بالأخير ببرود كذا : ليييه يناصر كل هبروود ترى أنا خطيبتك وزوجتك مستقبليه
ناصر : بلا حكي فاضي وادخل داخل
جنى الي عصبت : ولا حاط عينك على بنت عمك جديده
ناصر الي عصب : استحي على وجهك البنت متزوجه
جنى : انت الي تجبرني أقول كذا ولا نظراتك لها مالها تفسير ثاني
ناصر الي عصب ومسك جنى من معصمها بقوه : ولله ان عدتي هكلام متشوفين خير وماعيد كلمتي ادخلي
ناصر الي تركها وراح وجنى الي نزلت دموعها وجلست على الأرض وتبكي على حظها تعطيه كل الحب وهو يبادلها برود شعور متقدر تستحمله وماهي مستحمله ناصر إلا عشان حبها له تحبه من صغر لكن ناصر بارد وكسر قلبها كثير فرح الي كانت تدور على جنى لقتها تبكي ركضت لها تحظنها : يروحي انتي وش فيك
جنى من بين دموعها : ليه كذا يصير فيني ليه وش مسويه بحياتي
فرح : جنى تكفين هدي
جنى طالعة فرح : فرح أعطيته الحب وأعطيته الاهتمام وبادرت كثير وبالآخير كذا احصل ليه يافرح معاااد فيني طاقه استحمل
فرح الي عرفت قصدها على ناصر : يآكل تبن ولا تنزلين دمعه عليه عمره مستاهلك ذا انتي كثيره عليه يروحي بس لا تبكين تكفين
😭
....
بيت ابو رايد
عند البنات الي اجتمعن بغرفة البنات ونوره الي كلمتها شوق واعتذرت وكان مستحيه كثير من نوره صح نوره ماتقبلت كثير لن الي سوته بحق نوره مب هين لكن تماشت مع الوضع
نجد : بناااات شرايكم نروح المول ناخذ لبس حق عزيمة بكره
وضحى : ولله فكره حلوه بذات محاسبه حساب مناسبات ولا اخذت شي
نوره : الي تبون لكن بستأذن من حمد اول
وسن : حلو بس مع مين
شوق : مع السواق
نوف ضحكت : احلمممي ولله مايخلونا لو ايش
وسن : وصرفه اجل من يجي يودينا
شوق : بنات تكفوون نروح مع سواق ولله لو معنا احد يستعجلنا ومناخذ راحتنا
وضحى : طيب خلي امي تكلم ابوي وتقنعه وأنتي نوره الله يعينك على حمد ماظن يوافق
وسن وهي قايمه : اجلللل بروح اقنع امي تكلم ابوي
نوره الي قامت واخذت جوالها : اجل بكلم حمد
شوق : يلااا اجل بجهز عباتي
قامو البنات
عند نوره الي اتصلت
نوره : الو
حمد الي من شاف اتصال نوره بعد عن شباب : هلا قلبي
نوره : أهلين حبيبي حمد ممكن طلب
حمد الي ابتسم من كلمة حبيبي اول مره تقولها له : امري سمي
نوره : البنات بيروحو السوق بروح معهم
حمد : اي روحي عادي ايش ناقصك فلوس احولك
نوره : لا حبي بس بنروح مع سواق
حمد الي عصب :وين عايشين انتم سواق وشو
نوره : حمدد لا تكبر الموضوع نروح ونرجع بسرعه وبنات كلهم بيروحو
حمد : ومن قال البنات يروحو
نوره : بيكلمو عمي
حمد :لا مافي روحه
نوره الي كانت بتعصب لكن العصبيه متفيد مع حمد قالت بصووت دلع :حموووودي
حمد الي ذاب من دلعها وعصبيته طارت : عيون حمود
نوره الي ابتسمت من تأثيرها عليه وكملت : حموودي لا تردني تكفى عشاني
حمد : كانك تشترين ذاك موافق
نوره بستفهام : وش هذاك
حمد : هذاك الي اسمه قميص مقد شفته عندك
نوره الي وجهااا قلب احمررر :ياقليل الأدب وانت مفتش بغراضي
حمد الي ضحك: لا بس ملاحظ انه مو عندك
نوره الي انحرجت وحبت تغير :يصير خير بروح بقفل دامك وافقت انتبهلك حبيبي
حمد الي كان بيرد لكن قفلت ناظر ضحك تخيل شكلها وهي مستحيه
...
نوره الي رجعت للبنات
وضحى : وش فيه وجهك كذا
نوره الي تلمس وجها : يمه وش فيه
نوف : يولع نار هههههههههههه اعترفي وش قايل لك حمد
نوره الي جلست وضحكت : مقال إلا كل خير حبيبي بس اهم شي انه وافق
نوف وهي تغمز لها :اوه حبيبي تطورنا
وسن الي دخلت عليهم :يلااااا وااافق ابوي
وضحى : ابوي شلون وافق
وسن وهي تطلع عبايه :ام حمد من يقدر يرفض لها
البنات الي جهزو وطلعو مع سواق وكانت السياره زحمه نزلو المول وقررو يفترقو ثلاثه ثلاثه نوف ونجد وشوق وسن وضحى ونوره
البنات الي لفو السوق وتعبو واخذو الأغراض
وضحى طالعة وسن : ولله تعبت ابي اجلس
وسن : ياليل وضوح باقي محل المناكير بس
نوره الي جلست على كرسي : حتى أنا تعبت
وسن : خليكم هنا اجل مابطول بجيب أغراضي واجي
نوره :انتبهي لنفسك
وسن الي راحت وتركتهم وضحى طالعة نوره وجلست جنبها : اخخخ تعب وش ذا المول
نوره :اي ولله وأسعارهم اوفر
وضحى الي طالعة بناس الي حولها لكن لامحت شييي صدمها مستحيل ذا عزيز
(الي تقروون الروايه من اي مدينه 👀)
